Cancer Symptoms: കയ്യിലെ നഖം നൽകും ക്യാൻസർ ലക്ഷണങ്ങൾ..! ഇവ അവ​ഗണിക്കരുത്

ജീവിതശൈലിയും തെറ്റായ ഭക്ഷണക്രമവും കാരണം നമ്മൾ പല രോഗങ്ങൾക്കും സാധ്യതയുണ്ട്. എന്നാൽ ഇന്ന് ക്യാൻസർ ഒരു സാധാരണ രോ​ഗമായി കൊണ്ടിരിക്കുകയാണ്. എന്നാൽ കൃത്യസമയത്ത് ശരീരത്തിലുണ്ടാകുന്ന ചില മാറ്റങ്ങളിലൂടെ ക്യാൻസർ കണ്ടെത്താനാകും. മനുഷ്യശരീരത്തിൽ ആന്തരികമായി എന്തെങ്കിലും വലിയ പ്രശ്‌നങ്ങൾ ഉണ്ടാകുമ്പോൾ അതിന്റെ ആദ്യ ഫലം കാണുന്നത് നഖങ്ങളിലും നാവിലും കണ്ണിലുമാണ്. അതുകൊണ്ടാണ് പല ഡോക്ടർമാരും നാവും കണ്ണുകളും ശ്രദ്ധാപൂർവ്വം പരിശോധിക്കുന്നത്. കാരണം പലതരം രോഗങ്ങളുടെ രഹസ്യം അതിലുണ്ട്. ക്യാൻസർ പോലുള്ള മാരക രോഗങ്ങളുടെ ലക്ഷണങ്ങളും നഖങ്ങളിൽ കാണാം.

ചിലപ്പോൾ നഖങ്ങളുടെ നിറവ്യത്യാസമോ വിള്ളലുകളോ നഖങ്ങൾ നേർത്തതായോ ആണ് ലക്ഷണങ്ങൾ. നഖങ്ങളുടെ നിറം മാറുന്നത് കരൾ, ശ്വാസകോശം, ഹൃദയം എന്നിവയുമായി ബന്ധപ്പെട്ട പ്രശ്നങ്ങളുടെ സൂചനയാണ്. അതുകൊണ്ടാണ് നഖത്തിന്റെ നിറത്തിൽ മാറ്റമുണ്ടെങ്കിൽ, നിങ്ങൾ ഉടൻ ഒരു ഡോക്ടറെ സമീപിക്കണം. അമേരിക്കൻ അക്കാദമി ഓഫ് ഡെർമറ്റോളജി അസോസിയേഷന്റെ അഭിപ്രായത്തിൽ നഖങ്ങളിലെ കറുത്ത പാടുകൾ ചർമ്മ കാൻസറിന്റെ ലക്ഷണമാണ്. നഖങ്ങളിലെ കറുത്ത വരകൾ മെലനോമയുടെ ലക്ഷണമാകാം.

ചില ആളുകൾക്ക് അവരുടെ നഖങ്ങളിൽ വെളുത്തതോ മറ്റ് നിറത്തിലുള്ളതോ ആയ പാടുകൾ ഉണ്ടാകാം, അത് പലതരം ഫംഗസ് അണുബാധകളാകാം. നഖത്തിന് ചുറ്റും വീക്കമോ ചുവപ്പോ പ്രത്യക്ഷപ്പെടുകയാണെങ്കിൽ, ഉടൻ തന്നെ ഒരു ഡോക്ടറെ സമീപിക്കുക. ഈ അവസ്ഥയെ paronychia എന്ന് വിളിക്കുന്നു. നഖത്തിന്റെ നിറം കറുപ്പ് അല്ലെങ്കിൽ പച്ചയായി മാറുകയാണെങ്കിൽ, അത് ബാക്ടീരിയ അണുബാധയുടെ ലക്ഷണമാണ്. ഉടനടി ചികിത്സിച്ചില്ലെങ്കിൽ ഇത് അപകടകരമാണ്. 

ചിലർക്ക് നഖത്തിൽ ദ്വാരങ്ങൾ ഉണ്ടാകും. സോറിയാസിസ്, അറ്റോപിക് ഡെർമറ്റൈറ്റിസ്, അലോപ്പിയ എന്നിവ ലക്ഷണങ്ങളായിരിക്കാം. മഞ്ഞയോ കനം കുറഞ്ഞതോ മുരടിച്ചതോ ആയ നഖം അപകട സൂചനയാണ്. നഖങ്ങൾ തമ്മിലുള്ള അകലം മാനസിക പ്രശ്നത്തിന്റെ ലക്ഷണമാണ്. നഖങ്ങൾ മങ്ങിയതും വരണ്ടതുമാണെങ്കിൽ, അത് തൈറോയ്ഡ് പ്രശ്നമാകാം.