Avocado: അവോക്കാഡോ മികച്ചതാണ്... പക്ഷേ, ഈ ഭക്ഷണങ്ങൾക്കൊപ്പം കഴിക്കുന്നത് ദോഷം

അവോക്കാഡോയ്ക്ക് നിരവധി ആരോ​ഗ്യ ​ഗുണങ്ങൾ ഉണ്ട്. വിറ്റാമിനുകൾ, ആന്റി ഓക്സിഡന്റുകൾ എന്നിവയാൽ സമ്പന്നമാണ് അവോക്കാഡോ. ഇവയിൽ ഫൈബർ, ആരോ​ഗ്യകരമായ കൊഴുപ്പ്, പൊട്ടാസ്യം, മ​ഗ്നീഷ്യം തുടങ്ങിയവ ധാരാളമായി അടങ്ങിയിരിക്കുന്നു.

ദഹനം മികച്ചതാക്കാനും ​ഹൃദയാരോ​ഗ്യം സംരക്ഷിക്കാനും പ്രമേഹം നിയന്ത്രിക്കാനും ഇവ സഹായിക്കുന്നു. തലച്ചോറിന്റെ ആരോ​ഗ്യത്തിനും ചർമ്മത്തിന്റെ ആരോ​ഗ്യത്തിനും അവോക്കാഡോ ​ഗുണങ്ങൾ നൽകുന്നു. അവോക്കാഡോ പോഷക സമ്പുഷ്ടമാണെങ്കിലും അവോക്കാഡോയ്ക്ക് ഒപ്പം കഴിക്കാൻ പാടില്ലാത്ത ഭക്ഷണങ്ങളും ഉണ്ട്.

അവോക്കാഡോയിൽ ധാരാളം പൊട്ടാസ്യം അടങ്ങിയിട്ടുണ്ട്. അതിനാൽ ഉപ്പ് കൂടുതലായി അടങ്ങിയ ഭക്ഷണങ്ങൾ അവോക്കാഡോയ്ക്ക് ഒപ്പം കഴിക്കരുത്. ഉപ്പ് കൂടുതലുള്ള ഭക്ഷണങ്ങളിലെ സോഡിയം ഇതിനൊപ്പം ചേരുമ്പോൾ ഇലക്ട്രോലൈറ്റ് ബാലൻസ് നഷ്ടപ്പെടുകയും ഇത് ദഹനപ്രശ്നങ്ങളിലേക്ക് നയിക്കുകയും ചെയ്യും.

പാൽ ഉത്പന്നങ്ങൾ അവോക്കാഡോയ്ക്ക് ഒപ്പം കഴിക്കരുത്. പാലിലും പാൽ ഉത്പന്നങ്ങളിലും കൊഴുപ്പ് ധാരാളമായി അടങ്ങിയിട്ടുണ്ട്. അവോക്കാഡോയിൽ ആരോ​ഗ്യകരമായ കൊഴുപ്പുകൾ അടങ്ങിയിട്ടുണ്ട്. അതിനാൽ, ഇവ രണ്ടും ചേരുന്നത് ദഹനപ്രശ്നങ്ങൾക്ക് കാരണമാകും. അവോക്കാഡോയ്ക്ക് ഒപ്പം ഓറഞ്ച്, മുന്തിരി പോലുള്ള അസിഡിക് പഴങ്ങൾ കഴിക്കുന്നതും ദഹനപ്രശ്നങ്ങൾക്ക് കാരണമാകും.

അമിതമായി പഞ്ചസാര അടങ്ങിയ ഭക്ഷണങ്ങളും അവോക്കാഡോയ്ക്ക് ഒപ്പം കഴിക്കരുത്. അവോക്കാഡോയിൽ പഞ്ചസാര കുറവാണ്. അതിനാൽ ഇവ ഉചിതമായ കോമ്പിനേഷൻ അല്ല. പ്രോട്ടീൻ അടങ്ങിയ ഭക്ഷണങ്ങൾ അവോക്കാഡോയുമായി ചേർത്ത് കഴിച്ചാൽ ശരീരത്തിൽ കൊഴുപ്പ് അമിതമായി അടിയാൻ സാധ്യതയുണ്ട്. അതിനാൽ അവോക്കാഡോയ്ക്ക് ഒപ്പം പ്രോട്ടീൻ അടങ്ങിയ ഭക്ഷണങ്ങൾ കഴിക്കുന്നത് ഉചിതമല്ല.

അവോക്കാഡോയിൽ ആരോ​ഗ്യകരമായ കൊഴുപ്പാണ് അടങ്ങിയിരിക്കുന്നത്. സംസ്കരിച്ച ഭക്ഷണങ്ങളിലെ അനാരോ​ഗ്യകരമായ കൊഴുപ്പ് ഇവയ്ക്കൊപ്പം ശരീരത്തിൽ എത്തുന്നത് നല്ലതല്ല. എരിവുള്ള ഭക്ഷണങ്ങൾ അവോക്കാഡോയ്ക്ക് ഒപ്പം കഴിക്കുന്നത് ദഹനപ്രശ്നങ്ങൾക്ക് കാരണമാകും. അവോക്കാഡോ നിരവധി ആരോ​ഗ്യ ​ഗുണങ്ങൾ നൽകുമെങ്കിലും ഈ ഭക്ഷണങ്ങൾക്കൊപ്പം ഇവ കഴിക്കാതിരിക്കാൻ ശ്രമിക്കുക.

Disclaimer: ഈ വാർത്ത പൊതുവായ വിവരങ്ങളെ അടിസ്ഥാനമാക്കിയുള്ളതാണ്. ഒരു മെഡിക്കൽ വിദഗ്ധന്റെ ഉപദേശത്തിന് പകരമല്ല.