Gut Health: മഴക്കാലത്ത് ഉദരരോ​ഗങ്ങൾക്ക് സാധ്യത കൂടുതൽ; ശ്രദ്ധിക്കണം ഇക്കാര്യങ്ങൾ

മഴക്കാലം നിരവധി അണുബാധകളും ആരോഗ്യപ്രശ്നങ്ങളും ഉണ്ടാകുന്ന സമയമാണ്. മൺസൂൺ സമയത്ത് രോഗാണുക്കളും ബാക്ടീരിയകളും എളുപ്പത്തിൽ പടരുന്നതിന് നിരവധി ഘടകങ്ങൾ കാരണമായേക്കാം. കാലാവസ്ഥാ വ്യതിയാനത്തിനിടയിൽ ദഹനസംബന്ധമായ പ്രശ്നങ്ങളും ഈ സമയം വർധിക്കും. ദഹനക്കേട്, വയറു വീർക്കുക, വിള്ളൽ, നെഞ്ചെരിച്ചിൽ, വയറുവേദന, അൾസർ, ഓക്കാനം എന്നിവയാണ് ആമാശയ പ്രശ്നങ്ങളുടെ സാധാരണ ലക്ഷണങ്ങളിൽ ചിലത്.

മഴക്കാലത്ത്, കുടലിന്റെ ആരോഗ്യം ശ്രദ്ധിക്കേണ്ടത് അത്യാവശ്യമാണ്. കാരണം, മൊത്തത്തിലുള്ള ക്ഷേമം, പ്രതിരോധശേഷി, ദഹനം എന്നിവ നിലനിർത്തുന്നതിൽ ഇത് ഒരു പ്രധാന പങ്ക് വഹിക്കുന്നു. ഇതിന് ഏറ്റവും അനുയോജ്യമായ മാർ​ഗം ആരോ​ഗ്യകരമായ ഭക്ഷണശീലം പിന്തുടരുക എന്നതാണ്. ദഹനപ്രശ്‌നങ്ങൾ അകറ്റാൻ ഹെർബർ ടീയും കുടിക്കാവുന്നതാണ്.

ഒരു ടേബിൾസ്പൂൺ ജീരകവും പെരുംജീരകവും, ഒരു ഇഞ്ചി, 1-2 ഏലക്ക എന്നിവ എടുക്കുക. ഈ ചേരുവകളെല്ലാം ഒരു ലിറ്റർ വെള്ളത്തിൽ ചേർത്ത് തിളപ്പിക്കുക. വെള്ളം പകുതിയായി കുറയുന്നത് വരെ തിളപ്പിക്കുക. ഈ പാനീയം അരിച്ചെടുത്ത് തണുക്കാൻ വയ്ക്കുക. പിന്നീട് കുടിക്കാവുന്നതാണ്.

ഏലം: ഏലക്കയിലെ ഘടകമായ മെഥനോളിക് സത്ത് അസിഡിറ്റി, വായുക്ഷോഭം, ദഹനക്കേട്, വയറുവേദന തുടങ്ങിയ ദഹനസംബന്ധമായ പ്രശ്‌നങ്ങൾ പരിഹരിക്കാൻ സഹായിക്കുന്നു.

പെരുംജീരകം: പെരുംജീരകത്തിൽ അനെത്തോൾ, ഫെൻ‌കോൺ, എസ്ട്രാഗോൾ എന്നിവ അടങ്ങിയിട്ടുണ്ട്. അവ ആന്റിസ്പാസ്മോഡിക്, ആന്റി-ഇൻഫ്ലമേറ്ററി ആയി പ്രവർത്തിക്കുന്നു.

ജീരകം: ജീരകത്തിൽ കാണപ്പെടുന്ന തൈമോൾ ആമാശയ ഗ്രന്ഥി സ്രവത്തെ ഉത്തേജിപ്പിക്കുന്നു. പ്രോട്ടീനുകൾ, കൊഴുപ്പ്, പഞ്ചസാര എന്നിവ പോലുള്ള സങ്കീർണ്ണമായ പോഷകങ്ങളെ വിഘടിപ്പിച്ച് കുടലിന്റെ ആരോഗ്യം നിലനിർത്താൻ സഹായിക്കുന്നു

ഇഞ്ചി: കാർമിനേറ്റീവ് ഇഫക്റ്റ് ഉള്ള ഒരു ഭക്ഷണ പദാർത്ഥമാണ് ഇഞ്ചി. ദഹനം മികച്ചതാക്കുന്നതിന് ഇഞ്ചി വളരെയധികം ​ഗുണം ചെയ്യും. ഇഞ്ചി കഴിക്കുന്നത് ദഹന പ്രശ്നങ്ങൾക്ക് മികച്ച പരിഹാരമാണ്.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

ios Link - https://apple.co/3hEw2hy