Health | തണുപ്പുകാലത്ത് നിങ്ങൾക്ക് പതിവായി അണുബാധകളും അലർജികളും ഉണ്ടാകുന്നുണ്ടോ? ഇക്കാര്യങ്ങൾ ശ്രദ്ധിക്കൂ...
ജലദോഷം, പനി, തൊണ്ടവേദന, വയറുവേദന തുടങ്ങിയ സാധാരണ അണുബാധകൾ ശൈത്യകാലത്ത് കൂടുതലാണ്.
തണുപ്പ് കാലത്ത് പലർക്കും അലർജികളും അണുബാധകളും ഉണ്ടാകാറുണ്ട്. ശൈത്യകാലത്ത് സാധാരണ കണ്ടുവരുന്ന അലർജികളും അണുബാധകളും എന്താണെന്നും എങ്ങനെ ഈ പ്രശ്‌നത്തെ ചെറുക്കാമെന്നും പരിശോധിക്കാം.
ശൈത്യകാലത്ത്, ഊഷ്മളവും സുഖപ്രദവുമായ മുറിയിൽ ദിവസം മുഴുവൻ ചെലവഴിക്കാൻ എല്ലാവരും ഇഷ്ടപ്പെടുന്നു. ഈ സമയത്ത്, ഒരാൾക്ക് അധിക ആരോഗ്യ സംരക്ഷണം ആവശ്യമാണ്. വായുസഞ്ചാരം കുറഞ്ഞ സ്ഥലത്ത് വീടിനുള്ളിൽ താമസിക്കുക. തുമ്മൽ, മൂക്കൊലിപ്പ്, ചൊറിച്ചിൽ, തൊണ്ട വേദന എന്നിവയ്ക്ക് കാരണമാകുന്ന പൊടിപടലങ്ങൾ, മൃഗങ്ങളുടെ രോമം എന്നിവയിൽ നിന്ന് മുറി നിങ്ങൾക്ക് അലർജിയുണ്ടാക്കാമെന്ന് ആസ്റ്റർ സിഎംഐ ഹോസ്പിറ്റൽ ഇന്റേണൽ മെഡിസിൻ കൺസൾട്ടന്റ് ഡോ ബ്രൂണ്ട വിശദീകരിക്കുന്നു.
ജലദോഷം, പനി, തൊണ്ടവേദന, വയറുവേദന തുടങ്ങിയ സാധാരണ അണുബാധകൾ ശൈത്യകാലത്ത് കൂടുതലാണ്. നിങ്ങളുടെ ദഹനം ശരിയാകാത്ത രീതിയിൽ എന്തെങ്കിലും കഴിക്കുമ്പോഴോ മലിനമായ ഭക്ഷണമോ വെള്ളമോ ഉള്ളിൽ ചെല്ലുമ്പോഴോ വയറുവേദന സംഭവിക്കാം, ഇത് കഠിനമായ വയറുവേദന, വയറിളക്കം, ഛർദ്ദി തുടങ്ങിയ അസുഖങ്ങളിലേക്കും നയിക്കും.
തണുപ്പ് കാലത്ത് വളർത്തുമൃഗങ്ങളിൽ നിന്ന് അലർജിയുണ്ടാകാതിരിക്കാൻ പ്രത്യേകം ശ്രദ്ധിക്കണം. വീട്ടിൽ വളർത്തുമൃഗങ്ങൾ ഉണ്ടെങ്കിൽ അവ വൃത്തിയുള്ളതാണെന്ന് ഉറപ്പാക്കുക. നിങ്ങൾ ഉറങ്ങുന്ന കിടക്കയിൽ വളർത്തുമൃഗങ്ങളെ കിടക്കാൻ അനുവദിക്കരുത്. മുറി പതിവായി വൃത്തിയാക്കുക. പൊടി നിറഞ്ഞ സാഹചര്യങ്ങൾ പരമാവധി ഒഴിവാക്കണമെന്നും ഡോ ബ്രൂണ്ട വ്യക്തമാക്കുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...