High cholesterol: ഉയർന്ന കൊളസ്ട്രോൾ സ്ട്രോക്ക്, ഹൃദയാഘാതം എന്നിവയിലേക്ക് നയിക്കും; ഇക്കാര്യങ്ങൾ ശ്രദ്ധിക്കുക
High Cholesterol Health Issues: ഹൃദയസംബന്ധമായ അസുഖങ്ങൾക്ക് പിന്നിൽ നിരവധി അപകട ഘടകങ്ങൾ ഉണ്ടെങ്കിലും, ഉയർന്ന കൊളസ്ട്രോൾ ഹൃദയ സംബന്ധമായ അസുഖങ്ങൾക്ക് കാരണമാകുന്ന ഒരു പ്രധാന ഘടകമാണ്
ഹൃദയ സംബന്ധമായ അസുഖങ്ങൾ മൂലം പ്രതിവർഷം 18.6 ദശലക്ഷം മരണങ്ങൾ സംഭവിക്കുന്നുവെന്ന് ന്യൂഡൽഹിയിലെ ഫോർട്ടിസ് എസ്കോർട്ട്സ് ഹോസ്പിറ്റലിലെ കൺസൾട്ടന്റ് നോൺ-ഇൻവേസീവ് കാർഡിയോളജിസ്റ്റ് ഡോ. മോഹിത് ടണ്ടൻ പറയുന്നു. ഇന്ത്യ ഉൾപ്പെടെ താഴ്ന്നതും ഇടത്തരവുമായ സാമ്പത്തിക സ്ഥിതിയുള്ള രാജ്യങ്ങളിലെ മരണങ്ങളിൽ 75 ശതമാനവും മരണങ്ങൾ ഹൃദയസംബന്ധമായ അസുഖങ്ങൾ മൂലമാണെന്ന് അദ്ദേഹം കൂട്ടിച്ചേർത്തു. ഹൃദയസംബന്ധമായ അസുഖങ്ങൾക്ക് പിന്നിൽ നിരവധി അപകട ഘടകങ്ങൾ ഉണ്ടെങ്കിലും, ഉയർന്ന കൊളസ്ട്രോൾ ഒരു പ്രധാന ഘടകമാണ്. കൊളസ്ട്രോൾ എന്താണെന്നും അത് ഹൃദയാരോഗ്യത്തെ എങ്ങനെ ബാധിക്കുന്നുവെന്നും കൊളസ്ട്രോളിന്റെ അളവ് നിയന്ത്രിക്കാൻ സ്വീകരിക്കേണ്ട മാർഗങ്ങൾ എന്തൊക്കെയാണെന്നും നോക്കാം.
എന്താണ് കൊളസ്ട്രോൾ?
ശരീരം (കരൾ) നിർമിക്കുന്ന കൊഴുപ്പ് പോലെയുള്ള മെഴുക് പദാർത്ഥമാണിത്. ഭക്ഷണത്തിൽ നിന്ന് ഭാഗികമായി ആഗിരണം ചെയ്യപ്പെടുന്നു. കോശ സ്തരങ്ങൾ നിർമ്മിക്കുന്നതിനും നിങ്ങളുടെ ഞരമ്പുകളുടെ ഇൻസുലേഷനും ഹോർമോണുകളും വിറ്റാമിനുകളും നിർമ്മിക്കുന്നതിനും കൊളസ്ട്രോൾ ആവശ്യമാണ്. എന്നിരുന്നാലും, കൊളസ്ട്രോളിന്റെ അളവ് അധികമാകുമ്പോൾ ചീത്ത കൊളസ്ട്രോൾ അല്ലെങ്കിൽ എൽഡിഎൽ (ലോ ഡെൻസിറ്റി ലിപ്പോപ്രോട്ടീൻ) നിങ്ങളുടെ ധമനികളിൽ അടിഞ്ഞുകൂടി ഹൃദയാഘാതത്തിനും പക്ഷാഘാതത്തിനും കാരണമാകും.
ALSO READ: Ovarian Cyst: സിസ്റ്റ് ഗർഭധാരണത്തെ ബാധിക്കുമോ? ലക്ഷണങ്ങളും ചികിത്സയും അപകടഘടകങ്ങളും അറിയാം
കൊളസ്ട്രോൾ ഹൃദയത്തിന്റെ ആരോഗ്യത്തെ എങ്ങനെ ബാധിക്കുന്നു?
കൊളസ്‌ട്രോളിൽ നല്ല കൊളസ്‌ട്രോളായി കണക്കാക്കപ്പെടുന്ന എച്ച്ഡിഎൽ (ഉയർന്ന സാന്ദ്രതയുള്ള ലിപ്പോപ്രോട്ടീൻ), ചീത്ത കൊളസ്‌ട്രോളായി കണക്കാക്കപ്പെടുന്ന എൽഡിഎൽ (ലോ ഡെൻസിറ്റി ലിപ്പോപ്രോട്ടീൻ) എന്നിവ അടങ്ങിയിരിക്കുന്നു. രക്തപ്രവാഹത്തിന് എച്ച്ഡിഎൽ സഹായിക്കുന്നു. ഇതിനിടയിൽ, നിങ്ങളുടെ ധമനികളുടെ ഭിത്തികളിൽ എൽഡിഎൽ അല്ലെങ്കിൽ ചീത്ത കൊളസ്ട്രോൾ അടിഞ്ഞുകൂടുകയും അവയെ ഇടുങ്ങിയതാക്കുകയും ചെയ്യുന്നു. ഈ ധമനികൾ നിങ്ങളുടെ ഹൃദയവുമായും മസ്തിഷ്കവുമായും ബന്ധപ്പെട്ടിരിക്കുന്നു, രക്തയോട്ടം തടസപ്പെടുന്നത് മസ്തിഷ്കാഘാതത്തിനും ഹൃദയാഘാതത്തിനും കാരണമാകും. ഈ പ്രക്രിയകൾ സാവധാനത്തിലാണ് സംഭവിക്കുന്നത്. അതിനാൽ, രക്തപരിശോധനയിലൂടെ സ്ക്രീനിങ് പ്രധാനമാണ്. കൊളസ്ട്രോൾ നില കൃത്യമായി അറിയാൻ ഉപയോഗിക്കുന്ന പരിശോധന ലിപിഡ് പ്രൊഫൈൽ എന്നാണ് അറിയപ്പെടുന്നത്.
കൃത്യമായ കൊളസ്ട്രോൾ നില എന്തായിരിക്കണം?
മൊത്തം കൊളസ്ട്രോൾ 200 ൽ താഴെയാണ് അഭികാമ്യം.
HDL> 60 അഭികാമ്യമാണ്
LDL <100 ഒപ്റ്റിമൽ ആണ്
ട്രൈഗ്ലിസറൈഡുകൾ <150 ആണ് ഏറ്റവും അനുയോജ്യം
ഭക്ഷണക്രമം: വറുത്തതും ഹൈഡ്രജനേറ്റഡ് എണ്ണയിൽ തയ്യാറാക്കിയതുമായ ഭക്ഷണങ്ങൾ, കൊഴുപ്പ് അടങ്ങിയ നോൺ-വെജ് ഭക്ഷണങ്ങൾ, പ്രോസസ് ചെയ്ത കാർബോഹൈഡ്രേറ്റുകൾ എന്നിവയെല്ലാം എൽഡിഎൽ, ട്രൈഗ്ലിസറൈഡുകൾ എന്നിവ വർധിപ്പിക്കുന്നു. പച്ച ഇലക്കറികൾ, ധാന്യങ്ങൾ, പഴങ്ങൾ എന്നിവ അടങ്ങിയ ഭക്ഷണം എൽഡിഎൽ അളവ് കുറയ്ക്കുന്നു.
വ്യായാമം: ആഴ്ചയിൽ അഞ്ച് ദിവസമെങ്കിലും പതിവായി വ്യായാമം ചെയ്യുക. ഒന്നുകിൽ 150 മിനിറ്റ് മിതമായ/തീവ്രതയുള്ള വ്യായാമം അല്ലെങ്കിൽ 75 മിനിറ്റ് കഠിനമായ വ്യായാമം ചെയ്യുക. കൃത്യമായി വ്യായാമം ചെയ്യുന്നത് എച്ച്ഡിഎൽ വർധിപ്പിക്കാനും എൽഡിഎൽ കുറയ്ക്കാനും അതുവഴി ഹൃദ്രോഗ സാധ്യത കുറയ്ക്കാനും സഹായിക്കുന്നു.
ALSO READ: High blood sugar: പ്രമേഹരോഗികൾക്ക് ധൈര്യമായി ഭക്ഷണത്തിൽ ഉൾപ്പെടുത്താം ഈ നട്സുകൾ
ഭാരം: അമിതവണ്ണമുള്ളവരിൽ, ശരീരഭാരം കുറയ്ക്കുന്നത് അവരുടെ കൊളസ്ട്രോൾ അളവ് കുറയ്ക്കാൻ സഹായിക്കും. ഇത് ഭാവിയിൽ ഹൃദ്രോഗങ്ങളും പ്രമേഹവും ഉണ്ടാകാനുള്ള സാധ്യത കുറയ്ക്കുന്നു.
പ്രായവും ലിംഗഭേദവും: പ്രായമാകുമ്പോൾ, എച്ച്ഡിഎൽ കുറയുന്നതിനനുസരിച്ച് കൊളസ്ട്രോളിന്റെ അളവ് വർധിക്കുന്നു. സ്ത്രീകളിൽ, പ്രത്യേകിച്ച് ആർത്തവവിരാമത്തിന് ശേഷം, വ്യത്യാസം പ്രകടമാണ്. അതിനാൽ ആരോഗ്യകരമായ ജീവിതശൈലി നയിക്കുക. കൃത്യമായ ആരോഗ്യ പരിശോധനകൾ നടത്തുക.
പാരമ്പര്യം: ചിലപ്പോൾ ഉയർന്ന കൊളസ്ട്രോൾ പാരമ്പര്യമായി ഉണ്ടാകാം. പാരമ്പര്യമായി ഹൃദയാഘാത സാധ്യതയും വർധിക്കാം. കൊളസ്ട്രോൾ കുറയ്ക്കുന്ന മരുന്നുകൾ കഴിക്കേണ്ടി വരുന്നതിനാൽ ഇത്തരക്കാർ കൊളസ്ട്രോളിന്റെ അളവ് കൃത്യമായി പരിശോധിക്കുകയും വൈദ്യസഹായം തേടുകയും ചെയ്യേണ്ടത് പ്രധാനമാണ്.
മെഡിക്കൽ അവസ്ഥകൾ: ഹൈപ്പോതൈറോയിഡിസം, വൃക്ക, കരൾ സംബന്ധമായ രോഗങ്ങൾ തുടങ്ങിയ ആരോഗ്യാവസ്ഥകൾ നിങ്ങളുടെ കൊളസ്ട്രോളിന്റെ വർധിക്കുന്നതിന് കാരണമായേക്കാം. എന്നാൽ, അടിസ്ഥാനപരമായ പ്രശ്നങ്ങൾ പരിഹരിക്കുന്നതിലൂടെ കൊളസ്ട്രോളിന്റെ അളവ് നിയന്ത്രിക്കാനാകും.
മരുന്നുകൾ: സ്റ്റിറോയിഡുകൾ പോലുള്ള ചില മരുന്നുകളുടെ ദീർഘകാല ഉപയോഗവും പ്രോജസ്റ്റിൻ പോലുള്ള ഹോർമോണുകളും എൽഡിഎൽ വർധിപ്പിക്കുകയും എച്ച്ഡിഎൽ കുറയ്ക്കുകയും ചെയ്തേക്കാം. ഫാസ്റ്റ്, ജങ്ക് ഫുഡുകൾ ഒഴിവാക്കുക, വീട്ടിൽ ഉണ്ടാക്കിയ ഭക്ഷണം കഴിക്കുക, ദിവസവും വ്യായാമം ചെയ്യുക, ശരീരഭാരം കുറയ്ക്കുക എന്നിവ ശീലമാക്കുക. നിങ്ങൾക്ക് 40 വയസോ അതിൽ കൂടുതലോ പ്രായമുണ്ടെങ്കിൽ അമിതഭാരം, ഹൃദ്രോഗത്തിന്റെ കുടുംബ ചരിത്രം, സമ്മർദ്ദവും ഉദാസീനവുമായ ജീവിതശൈലി, പുകവലി തുടങ്ങിയ അപകട ഘടകങ്ങളുള്ളവരാണെങ്കിൽ ഹൃദയത്തിന്റെ ആരോഗ്യത്തിനായി കൃത്യമായ പരിശോധനകൾ നടത്തേണ്ടത് പ്രധാനമാണ്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...