Sneezing: തുമ്മി തുമ്മി മടുത്തോ? ഈ വീട്ടുവൈദ്യങ്ങള്‍ ഒന്ന് പരീക്ഷിച്ചുനോക്കൂ

Sneezing Home Remedies: തുമ്മൽ ഒരു സാധാരണ പ്രശ്നമാണ്, എന്നാൽ മാറുന്ന കാലാവസ്ഥയിൽ അതിന്‍റെ  അപകടസാധ്യത വർദ്ധിക്കുന്നു.

ശൈത്യകാലത്ത്, മാറുന്ന സീസണിൽ, വൈറൽ അണുബാധയുടെ സാധ്യത ഗണ്യമായി വർദ്ധിക്കുന്നു, അതുമൂലം തുമ്മൽ ഉണ്ടാകാനുള്ള സാധ്യതയും വർദ്ധിക്കുന്നു. തുമ്മൽ കാരണം, നിങ്ങൾക്ക് പലപ്പോഴും നിങ്ങളുടെ ജോലിയിൽ ശ്രദ്ധ കേന്ദ്രീകരിക്കാൻ കഴിയില്ല, കൂടാതെ നിങ്ങളുടെ ചുറ്റുമുള്ള ആളുകളും ഈ രോഗത്തിന് സാധ്യതയുണ്ട്. 

ഇടയ്ക്കിടെ തുമ്മുന്നത് നിങ്ങളെ വിഷമിപ്പിക്കുന്നുണ്ടോ? ഈ വീട്ടുവൈദ്യങ്ങൾ നിങ്ങള്‍ക്ക് ഏറെ സഹായിക്കും.

തുമ്മൽ അകറ്റാൻ വീട്ടുവൈദ്യങ്ങൾ

1. ഇഞ്ചി ചായ

ഇഞ്ചി ചായയിൽ ധാരാളം ആയുർവേദ ഗുണങ്ങളുണ്ട്, ഇത് തുമ്മലും അതിന്‍റെ ലക്ഷണങ്ങളും കുറയ്ക്കാൻ സഹായിക്കുന്നു. ഈ ഹെർബൽ ടീ സാധാരണ ദിവസങ്ങളിൽ 24 മണിക്കൂറിനുള്ളിൽ രണ്ടുതവണ കുടിക്കാം.

2. മഞ്ഞൾ പാൽ

മഞ്ഞളിൽ ആന്‍റി -ഇൻഫ്ലമേറ്ററി ഗുണങ്ങൾ കാണപ്പെടുന്നു, ഇത് പാലിൽ കലക്കി കുടിച്ചാൽ തുമ്മലിൽ നിന്ന് ഒരു പരിധി വരെ ആശ്വാസം ലഭിക്കും. മഞ്ഞൾ പാൽ ആരോഗ്യത്തിന് വളരെ ഗുണകരമാണെന്ന് കണക്കാക്കപ്പെടുന്നു.

3. വിശ്രമം

തുമ്മൽ അല്ലെങ്കിൽ ഏതെങ്കിലും തരത്തിലുള്ള വൈറൽ അണുബാധകൾ ഉണ്ടാകുമ്പോൾ നന്നായി വിശ്രമിക്കുന്നത് വളരെ പ്രധാനമാണ്, വിശ്രമക്കുറവ് കാരണം പലപ്പോഴും നമ്മൾ കൂടുതൽ രോഗബാധിതരാകുന്നു. വിശ്രമിച്ചാൽ തുമ്മലിനെ ചെറുക്കാൻ ശരീരത്തിന് ശക്തി ലഭിക്കും.

4. സോപ്പുപയോഗിച്ച് കൈയും വായും കഴുകുക

തുമ്മലും ജലദോഷവും മറ്റുള്ളവരുമായുള്ള സമ്പർക്കത്തിലൂടെ പകരാം. അതിനാൽ, എല്ലായ്പ്പോഴും സോപ്പ് ഉപയോഗിച്ച് കൈ കഴുകുകയും വായിൽ തൊടുന്നതിന് മുമ്പ് കൈ കഴുകുകയും ചെയ്യേണ്ടത് വളരെ പ്രധാനമാണ്.

5. ആവി കൊള്ളുക 

സ്റ്റീം തെറാപ്പി തുമ്മലിന് ഉത്തമമാണ്. 

6. തുളസി ഇല ചവയ്ക്കുക

തുളസി ഇലകൾ ചവച്ചരച്ച് കഴിക്കുക: തുമ്മൽ കൊണ്ട് ബുദ്ധിമുട്ട് അനുഭവപ്പെടുന്നുണ്ടെങ്കിൽ അതിന്‍റെ ഇല ചവച്ച് അല്ലെങ്കിൽ ഹെർബൽ ടീ തയ്യാറാക്കി 2-3 തവണ ദിവസവും കുടിക്കുക, ഇത് പ്രതിരോധശേഷി വർദ്ധിപ്പിക്കും. 

7. ചൂടുവെള്ളവും ഉപ്പും ഉപയോഗിച്ച് വായ കവക്കൊള്ളുക 

തുമ്മൽ നിർത്താതെ വരുമ്പോൾ, അര ടീസ്പൂൺ ഉപ്പ് ഒരു ഗ്ലാസ് ചൂടുവെള്ളത്തിൽ കലർത്തി കവക്കൊള്ളുക. ഇത് തൊണ്ടവേദന കുറയ്ക്കുകയും തുമ്മലിൽ നിന്ന് ആശ്വാസം നൽകുകയും ചെയ്യുന്നു. നിങ്ങൾക്ക് ഇത് ദിവസത്തിൽ പല തവണ ചെയ്യാം.