International Coffee Day 2023: ഉന്മേഷം ലഭിക്കാൻ ഒരു കാപ്പിയായാലോ? ഇന്ന് അന്താരാഷ്ട്ര കാപ്പി ദിനം
International Coffee Day Significance: കാപ്പിയുടെ സാംസ്കാരികവും സാമ്പത്തികവുമായ പ്രാധാന്യം തിരിച്ചറിയുന്നതിനായി എല്ലാ വർഷവും ഒക്ടോബർ ഒന്ന് അന്താരാഷ്ട്ര കാപ്പി ദിനമായി ആചരിക്കുന്നു.
ഭൂരിഭാഗം ആളുകൾക്കും പ്രിയപ്പെട്ട ഒരു പാനീയമാണ് കാപ്പി. അതിന്റെ സാംസ്കാരികവും സാമ്പത്തികവുമായ പ്രാധാന്യം തിരിച്ചറിയുന്നതിനായി എല്ലാ വർഷവും ഒക്ടോബർ ഒന്ന് അന്താരാഷ്ട്ര കാപ്പി ദിനമായി ആചരിക്കുന്നു. ഇന്റർ ഗവൺമെന്റൽ ഓർഗനൈസേഷനായ ഇന്റർനാഷണൽ കോഫി ഓർഗനൈസേഷൻ (ഐസിഒ) ആണ് ഈ ദിനം ആചരിക്കാനുള്ള ആശയം ആദ്യം നിർദ്ദേശിച്ചത്.
2015 ഒക്ടോബർ ഒന്നിന് ആഗോള കാപ്പി ദിനം ഔദ്യോഗികമായി ആരംഭിച്ചു. കാപ്പിയെ ഒരു ആഗോള പ്രോഡക്ടായി പരിചയപ്പെടുത്തുക, കാപ്പി കർഷകർ നേരിടുന്ന വെല്ലുവിളികളെക്കുറിച്ച് അവബോധം വളർത്തുക, ന്യായമായ വ്യാപാര സമ്പ്രദായങ്ങളും കാപ്പി വ്യവസായത്തിലെ സുസ്ഥിരതയും പ്രോത്സാഹിപ്പിക്കുക എന്നിവയാണ് ഈ ദിനം ലക്ഷ്യമിടുന്നത്.
അന്താരാഷ്ട്ര കാപ്പി ദിനത്തിന്റെ ചരിത്രം
ആഗോള കാപ്പി വ്യവസായത്തെ അംഗീകരിക്കുന്നതിനും പ്രോത്സാഹിപ്പിക്കുന്നതിനുമായി ഇന്റർനാഷണൽ കോഫി ഓർഗനൈസേഷൻ (ഐസിഒ) സ്ഥാപിച്ചതാണ് അന്താരാഷ്ട്ര കോഫി ദിനം. 2015 ഒക്ടോബർ ഒന്നിന് അന്താരാഷ്ട്ര കാപ്പി ദിനം ആദ്യമായി ആചരിച്ചു. കാപ്പിയുടെ സാമ്പത്തികവും സാമൂഹികവും സാംസ്കാരികവുമായ പ്രാധാന്യം ഉയർത്തിക്കാട്ടുന്നതിനും ന്യായമായ വ്യാപാരം, ലോകമെമ്പാടുമുള്ള കാപ്പി നിർമ്മാതാക്കൾ നേരിടുന്ന വെല്ലുവിളികൾ എന്നിവയെക്കുറിച്ച് അവബോധം വളർത്തുന്നതിനും ഈ ദിനം ലക്ഷ്യമിടുന്നു.
ALSO READ: World Vegetarian Day 2023: ലോക സസ്യാഹാര ദിനത്തിന്റെ ചരിത്രവും പ്രാധാന്യവും അറിയാം
അന്താരാഷ്ട്ര കാപ്പി ദിനത്തിന്റെ പ്രാധാന്യം
സാംസ്കാരിക പ്രാധാന്യം: കാപ്പിക്ക് സമ്പന്നമായ ഒരു സാംസ്കാരിക ചരിത്രമുണ്ട്. കൂടാതെ ലോകമെമ്പാടുമുള്ള പല സമൂഹങ്ങളുടെയും അവിഭാജ്യ ഘടകമാണിത്. പലപ്പോഴും സാമൂഹിക ഒത്തുചേരലുകൾ, വിശ്രമം, സംഭാഷണം എന്നിവയുമായി കാപ്പി ബന്ധപ്പെട്ടിരിക്കുന്നു.
സാമ്പത്തിക പ്രാധാന്യം: ലോകത്തിലെ ഏറ്റവും കൂടുതൽ വ്യാപാരം ചെയ്യപ്പെടുന്ന ചരക്കുകളിൽ ഒന്നാണ് കാപ്പി, ദശലക്ഷക്കണക്കിന് ആളുകൾ അവരുടെ ഉപജീവനത്തിനായി കാപ്പി കൃഷിയെ ആശ്രയിക്കുന്നു. അതിന്റെ സാമ്പത്തിക പ്രാധാന്യം തിരിച്ചറിയേണ്ടത് അത്യാവശ്യമാണ്.
കാപ്പിയുടെ ആരോഗ്യ ഗുണങ്ങൾ
കാപ്പി ആന്റിഓക്‌സിഡന്റുകളാൽ സമ്പന്നമാണ്. ഇത് കോശങ്ങളെ കേടുപാടുകളിൽ നിന്ന് സംരക്ഷിക്കാൻ സഹായിക്കും. കാപ്പിയിൽ അടങ്ങിയിരിക്കുന്ന കഫീന് ജാഗ്രതയും ബുദ്ധിശക്തിയും വർധിപ്പിക്കാൻ സാധിക്കും. പാർക്കിൻസൺസ്, ടൈപ്പ് 2 പ്രമേഹം തുടങ്ങിയ ചില രോഗങ്ങളുടെ അപകടസാധ്യത കുറയ്ക്കുന്നതിന് കാപ്പി ഉപഭോഗം സഹായിക്കുമെന്ന് ചില പഠനങ്ങൾ സൂചിപ്പിക്കുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...