Veggie Benefits: പാചകം ചെയ്ത പച്ചക്കറികൾ ഹൃദയത്തിന് ഗുണമോ ദോഷമോ? ഡയറ്റീഷ്യന്മാരുടെ അഭിപ്രായം ഇതാണ്
പച്ചക്കറികൾ ആരോഗ്യത്തിന് ഉത്തമമാണെന്ന് നിരവധി പഠനങ്ങൾ സൂചിപ്പിക്കുന്നു. പച്ചക്കറികൾ, പയർവർഗ്ഗങ്ങൾ, ധാന്യങ്ങൾ, പഴങ്ങൾ, പരിപ്പ് എന്നിവ കൂടുതൽ കഴിക്കുന്ന ചെറുപ്പക്കാർക്ക് 13 വർഷം കൂടുതൽ ആയുസ് കിട്ടുന്നുവെന്ന് PLOS മെഡിസിനിൽ നടത്തിയ ഒരു പഠനം പറയുന്നു.
ചെറുപ്പം മുതലേ ഭക്ഷണത്തിന്റെ കാര്യം വരുമ്പോൾ കേൾക്കുന്ന ഒന്നുണ്ട്. പച്ചക്കറികൾ ആരോഗ്യത്തിന് നല്ലതാണ് എന്ന്. പച്ചക്കറികൾ കഴിക്കുന്നത് ഹൃദ്രോഗങ്ങളിൽ നിന്നുള്ള സംരക്ഷണത്തിനും, ചർമ്മ സംരക്ഷണത്തിനും അങ്ങനെ ആരോഗ്യ കാര്യങ്ങൾക്ക് എല്ലാം പച്ചക്കറികൾ ഏറെ ഗുണം ചെയ്യുമെന്നാണ് പണ്ട് മുതൽക്കെ പറയാറുള്ളത്. എന്നാൽ വേവിച്ച പച്ചക്കറികളാണോ വേവിക്കാത്ത പച്ചക്കറികളാണോ കഴിക്കേണ്ടത് എന്നുള്ള കാര്യത്തിൽ ഡയറ്റീഷ്യന്മാർ പറയുന്നത് ഇങ്ങനെയാണ്..
ബ്രിട്ടണിലെ നാല് ലക്ഷത്തോളം ആളുകളിൽ നടത്തിയ പഠനങ്ങളിൽ പറയുന്നത് വേവിച്ച പച്ചക്കറികൾ ഹൃദയത്തിന്റെ ആരോഗ്യത്തിന് ഗുണകരമാകില്ല എന്നാണ്. വേവിക്കാത്ത പച്ചക്കറികളാണ് ഗുണമെന്നാണ് പഠനം പറയുന്നത്. ശാരീരിക പ്രവർത്തനങ്ങൾ, പുകവലി, മദ്യപാനം, പഴങ്ങളുടെ ഉപഭോഗം, ബീഫ് പോലുള്ള മാംസങ്ങളുടെ ഉപഭോഗം, വിറ്റാമിൻ, മിനറൽ സപ്ലിമെന്റുകളുടെ ഉപയോഗം തുടങ്ങിയ ജീവിതശൈലി ഘടകങ്ങൾ കണക്കിലെടുക്കുമ്പോൾ, പച്ചക്കറികളിൽ നിന്ന് ഹൃദയത്തിന് ലഭിക്കുന്ന ഗുണങ്ങൾ പൂർണ്ണമായും അപ്രത്യക്ഷമായതായി ഫ്രോണ്ടിയേഴ്സ് ഇൻ ന്യൂട്രീഷൻ എന്ന ജേർണലിൽ പുറത്തിറക്കിയിരിക്കുന്ന പഠനത്തിൽ പറയുന്നു.
Also Read: Anti dengue drug: ഡെങ്കിപ്പനിക്കുള്ള പ്രതിരോധ മരുന്ന് അഞ്ച് വർഷത്തിനുള്ളിൽ
പച്ചക്കറികൾ ആരോഗ്യത്തിന് ഉത്തമമാണെന്ന് നിരവധി പഠനങ്ങൾ സൂചിപ്പിക്കുന്നു. പച്ചക്കറികൾ, പയർവർഗ്ഗങ്ങൾ, ധാന്യങ്ങൾ, പഴങ്ങൾ, പരിപ്പ് എന്നിവ കൂടുതൽ കഴിക്കുന്ന ചെറുപ്പക്കാർക്ക് 13 വർഷം കൂടുതൽ ആയുസ് കിട്ടുന്നുവെന്ന് PLOS മെഡിസിനിൽ നടത്തിയ ഒരു പഠനം പറയുന്നു. വേവിക്കാത്ത പച്ചക്കറികൾ ഗുണം ചെയ്യും, കാരണം അവ വിറ്റാമിനുകളുടെയും ധാതുക്കളുടെയും സമ്പന്നമായ ഉറവിടങ്ങളാണ്. അവ പാകം ചെയ്യുമ്പോൾ പച്ചക്കറികളിലെ പല പോഷകങ്ങളും വികലമാകുമെന്ന് ഗുരുഗ്രാമിലെ മണിപ്പാൽ ഹോസ്പിറ്റലിലെ ഹെഡ് ഡയറ്റീഷ്യൻ ശാലിനി ഗാർവിൻ ബ്ലിസ് പറഞ്ഞു.
വേവിക്കാത്ത പച്ചക്കറികളുടെ മറ്റൊരു പ്രധാന സ്വത്ത് അവയിൽ ധാരാളം നാരുകൾ ഉണ്ട് എന്നതാണ്. സാലഡിന്റെ രൂപത്തിൽ ഇവ കഴിക്കുന്നത് രക്തത്തിലെ കൊളസ്ട്രോളിന്റെ അളവ് കുറയ്ക്കാനും ആരോഗ്യകരമായ ഹൃദയം നിലനിർത്താനും സഹായിക്കുന്നു. പാചകം ചെയ്യുമ്പോൾ നാം പച്ചക്കറികളിൽ ചേർക്കുന്ന എണ്ണയും ലവണങ്ങളും അവയെ രുചികരമാക്കും. എന്നാൽ ഇത് ഹൃദയാരോഗ്യത്തിന് നല്ലതല്ലെന്നും ശാലിനി വിശദീകരിച്ചു. ദൈനംദിന ഭക്ഷണത്തിൽ സാലഡുകളുടെ രൂപത്തിൽ കൂടുതൽ വേവിക്കാത്ത പച്ചക്കറികൾ ഉൾപ്പെടുത്തുന്നത് നല്ലതാണ്. ആരോഗ്യകരമായ ഭക്ഷണത്തോടൊപ്പം വ്യായാമവും നിർബന്ധമാണ്. പുകയില, മദ്യപാനം തുടങ്ങിയവ ഒഴിവാക്കുന്നതും ഹൃദ്രോഗ സാധ്യത കുറയ്ക്കുന്നു.
Also Read: Health Tips: എന്താ ഭക്ഷണം കഴിച്ച ഉടനെ കുളിച്ചാൽ? ശാസ്ത്രവും ആയുർവേദവും പറയുന്നതിങ്ങനെ
പച്ചക്കറികൾ കഴിക്കാത്തത് നിങ്ങളുടെ ആരോഗ്യത്തിന് അപകടകരമാണ്
പഴങ്ങളുടെയും പച്ചക്കറികളുടെയും ഉപയോഗം ഒഴിവാക്കുകയോ കുറയ്ക്കുകയോ ചെയ്യുന്നത് പോഷകാഹാരക്കുറവ് അല്ലെങ്കിൽ അകാല മരണ സാധ്യത വർധിപ്പിക്കുമെന്ന് റിപ്പോർട്ടുകളുണ്ട്. നാരുകൾ, പൊട്ടാസ്യം, മഗ്നീഷ്യം, ആന്റിഓക്‌സിഡന്റുകൾ, ഫൈറ്റോകെമിക്കലുകൾ എന്നിവയാൽ സമ്പന്നമായ പച്ചക്കറികൾ കൂടുതൽ കഴിക്കുന്നത് ആയുർദൈർഘ്യം വർധിപ്പിക്കും. അതിനാൽ, ആരോഗ്യകരമായ ജീവിതം നയിക്കാൻ ഇത് എല്ലാ ദിവസവും ഭക്ഷണത്തിൽ ഉൾപ്പെടുത്തണമെന്ന് ഡയറ്റീഷ്യന്മാർ നിർദേശിക്കുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...