Jogging: ദിവസവും 30 മിനിറ്റ് ജോഗിംഗ്...! അറിഞ്ഞിരിക്കണം ഈ ആരോഗ്യ ഗുണങ്ങൾ

ആരോഗ്യം നിലനിർത്താനായി രാവിലെ പല തരത്തിലുള്ള വ്യായാമങ്ങൾ ചെയ്യാറുള്ളവരാണ് ഏറെയും. ജോഗിംഗും ഇതിൽ ഉൾപ്പെടുന്നു. സാവധാനത്തിൽ ഓടുന്ന വ്യായാമമാണിത്. ദിവസവും രാവിലെ ഉറക്കമുണർന്നതിന് ശേഷം അര മണിക്കൂർ ജോഗിംഗ് ചെയ്യുന്നതന് ആരോഗ്യത്തിന് നല്ലതാണ്. ജോഗിംഗിന്റെ ഗുണങ്ങൾ ഏന്തൊക്കെയാണെന്ന് നോക്കാം..

30 മിനിറ്റ് ജോഗിംഗിന്റെ പ്രയോജനങ്ങൾ

1. ഹൃദയാരോഗ്യത്തിന് ഗുണം

ദിവസവും ജോഗിംഗ് ചെയ്യുന്നത് ഹൃദയവും ശ്വാസകോശവും ശരിയായി പ്രവർത്തിക്കാൻ സഹായിക്കുന്നു. ഇത് ഹൃദയപേശികളെ ശക്തിപ്പെടുത്തുകയും രക്തചംക്രമണം മെച്ചപ്പെടുത്തുകയും ചെയ്യുന്നു. 

2. ശരീരഭാരം കുറയ്ക്കാൻ

കലോറി ഇല്ലാതാക്കാനും ആരോഗ്യകരമായ ഭാരം നിലനിർത്താനുമുള്ള മികച്ച മാർഗമാണ് ജോഗിംഗ്. ഒരു ദിവസം 30 മിനിറ്റ് മിതമായ വേഗതയിൽ ഓടുന്നത് ഏകദേശം 300-400 കലോറി ഇല്ലാതാക്കാൻ സഹായിക്കും. 

3. മാനസികാരോഗ്യം മെച്ചപ്പെടുത്തുന്നു

ജോഗിംഗിന് നിരവധി മാനസികാരോഗ്യ ഗുണങ്ങളുണ്ട്. സമ്മർദ്ദം, ഉത്കണ്ഠ, വിഷാദം എന്നിവയുടെ ലക്ഷണങ്ങൾ കുറയ്ക്കാൻ ഇത് സഹായിക്കും. ജോഗിംഗ് എൻഡോർഫിൻ ഹോർമോണുകൾ പുറപ്പെടുവിക്കുന്നു. ഇതിനെ ഫീൽ ഗുഡ് ഹോർമോൺ എന്ന് വിളിക്കുന്നു. ഈ ഹോർമോൺ മാനസികാവസ്ഥ മെച്ചപ്പെടുത്താനും നല്ല ഉറക്കം പ്രോത്സാഹിപ്പിക്കാനും സഹായിക്കും. 

4. പ്രതിരോധശേഷി വർധിപ്പിക്കും

പതിവ് ജോഗിംഗ് നിങ്ങളുടെ ശരീരത്തിന്റെ പ്രതിരോധശേഷി മെച്ചപ്പെടുത്തും. ഇത് മാത്രമല്ല, ആന്റിബോഡികളുടെയും വെളുത്ത രക്താണുക്കളുടെയും ഉത്പാദനം മെച്ചപ്പെടുത്തുന്നു. പല തരത്തിലുള്ള അണുബാധകൾക്കെതിരെ പോരാടാൻ ഇത് സഹായിക്കുന്നു.പനി, ജലദോഷം, ചുമ എന്നിവയ്ക്കുള്ള സാധ്യതയും കുറവായിരിക്കും.

(ഇവിടെ നൽകിയിരിക്കുന്ന വിവരങ്ങളും വീട്ടുവൈദ്യങ്ങളും പൊതുവായ വിവരങ്ങളെ അടിസ്ഥാനമാക്കിയുള്ളതാണ്. ഇത് സ്വീകരിക്കുന്നതിന് മുമ്പ് വൈദ്യോപദേശം തേടണം.)