PCOS Diet: പിസിഒഎസിനെ നേരിടാൻ നിങ്ങളുടെ അടുക്കളയിൽ തന്നെയുണ്ട് മാർഗങ്ങൾ; ഇക്കാര്യങ്ങൾ അറിയാം
Women`s Health: ജീവിതശൈലി ശീലങ്ങളിൽ ചില മാറ്റങ്ങൾ വരുത്തിയാൽ പിസിഒഎസിനെ നിയന്ത്രിച്ച് നിർത്താൻ കഴിയും.
പോളിസിസ്റ്റിക് ഓവറി സിൻഡ്രോം അല്ലെങ്കിൽ പിസിഒഎസ് സ്ത്രീകളിൽ ഏറ്റവും സാധാരണമായ ആരോഗ്യപ്രശ്നമാണ്. ഈ അവസ്ഥ ഹോർമോൺ അസന്തുലിതാവസ്ഥ സൃഷ്ടിക്കുകയും അണ്ഡാശയത്തിലെ സിസ്റ്റുകൾ വികസിപ്പിക്കുകയും ചെയ്യും. ഇത് മരുന്ന് ഉപയോഗിച്ച് സുഖപ്പെടുത്താവുന്ന ഒരു അവസ്ഥയല്ലെങ്കിലും, ജീവിതശൈലി ശീലങ്ങളിൽ ചില മാറ്റങ്ങൾ വരുത്തിയാൽ തീർച്ചയായും ഇതിനെ അതിജീവിക്കാൻ കഴിയും.
പിസിഒഎസ് കൈകാര്യം ചെയ്യുന്നതിനെക്കുറിച്ച് സംസാരിക്കുമ്പോൾ അവയിൽ പ്രധാനപ്പെട്ട കാര്യമാണ് ഭക്ഷണശീലങ്ങൾ. ഔഷധസസ്യങ്ങളും സുഗന്ധദ്രവ്യങ്ങളും ഭക്ഷണത്തിന് രുചി നൽകുക മാത്രമല്ല, ഹോർമോൺ തകരാറുകൾ സന്തുലിതമാക്കുന്നതിനും ശരീരത്തിന്റെ മൊത്തത്തിലുള്ള ആരോഗ്യം മികച്ചതായി നിലനിർത്തുന്നതിനും സഹായിക്കുന്നു.
പിസിഒഎസ് ലക്ഷണങ്ങളെ നേരിടാൻ ഭക്ഷണത്തിൽ ചേർക്കേണ്ട അഞ്ച് ഔഷധങ്ങൾ
കറുവപ്പട്ട: കറുവപ്പട്ട സത്ത് പിസിഒഎസ് ഉള്ള സ്ത്രീകളിലെ ഇൻസുലിൻ അളവ് കൃത്യമായി നിലനിർത്താൻ സഹായിക്കുന്നു. കറുവപ്പട്ടയിലെ പ്രോസയാനിഡിനുകളും പോളിഫെനോളുകളും ഇൻസുലിൻ ഉത്പാദനത്തെ ഉത്തേജിപ്പിക്കുന്നതിലൂടെ ഹൈപ്പോഗ്ലൈസെമിക് ഫലത്തിന് കാരണമാകുന്നു. ദിവസവും കറുവപ്പട്ട കഴിക്കുന്നത് ആർത്തവചക്രം സാധാരണ നിലയിലാക്കാനും പിസിഒഎസിനെ ഫലപ്രദമായി നിയന്ത്രിക്കാനും സഹായിക്കും
കുങ്കുമപ്പൂവ്: പിസിഒഎസിന്റെ സാധാരണ ഫലമായ ഉത്കണ്ഠയെയും വിഷാദത്തെയും ചെറുക്കാൻ സഹായിക്കുന്ന സുഗന്ധവ്യഞ്ജനമായാണ് കുങ്കുമപ്പൂവ്. ടെസ്റ്റോസ്റ്റിറോൺ അളവ് കുറയ്ക്കാനും കുങ്കുമപ്പൂവ് സഹായിക്കുന്നു
ALSO READ: Hair Care: ആരോഗ്യമുള്ള മുടിക്കായി ഹെയർമാസ്ക്; ഹെയർമാസ്കും കണ്ടീഷണറും ഉപയോഗിക്കേണ്ടതിങ്ങനെ
ശതാവരി: അണ്ഡാശയ ഫോളിക്കിളുകളുടെ വികസനം പ്രോത്സാഹിപ്പിക്കുന്നതിനും ആർത്തവചക്രം നിയന്ത്രിക്കുന്നതിനും സ്ത്രീകളുടെ പ്രത്യുത്പാദന വ്യവസ്ഥയെ പുനരുജ്ജീവിപ്പിക്കുന്നതിനും ശതാവരി സഹായിക്കുന്നു.
തിപ്പലി: ഫ്രീ റാഡിക്കൽ നാശത്തെ ചെറുക്കുകയും പ്രത്യുൽപാദന വ്യവസ്ഥയിലെ ആരോഗ്യമുള്ള കോശങ്ങളുടെ ഓക്‌സിഡേഷൻ തടയുകയും ചെയ്യുന്ന ശക്തമായ പുനരുജ്ജീവനവും കാർമിനേറ്റും ആന്റിഓക്‌സിഡന്റുമാണ് തിപ്പലി. ശരീരഭാരം നിയന്ത്രിക്കാനും ഇൻസുലിൻ പ്രതിരോധം മെച്ചപ്പെടുത്താനും ഹോർമോണുകളുടെ അളവ് സന്തുലിതമാക്കാനും ഈ സസ്യം സഹായിക്കുന്നു.
അശ്വഗന്ധ: സമ്മർദ്ദവും പിസിഒഎസ് ലക്ഷണങ്ങളും മെച്ചപ്പെടുത്തുന്നതിന് കോർട്ടിസോളിന്റെ അളവ് സന്തുലിതമാക്കാൻ അശ്വഗന്ധ സഹായിക്കുന്നു. അതിനാൽ, സ്ത്രീകൾ ഈ പച്ചമരുന്നുകളും സുഗന്ധവ്യഞ്ജനങ്ങളും ഉപയോഗിക്കുന്നത് പിസിഒഎസിന്റെ ലക്ഷണങ്ങൾ നിയന്ത്രിക്കാൻ സഹായിക്കും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...