Pear Fruit Benefits: പിയർ പഴം ദിവസവും കഴിക്കാം... നിരവധിയാണ് ​ഗുണങ്ങൾ

പിയർ അഥവാ സബർജിൽ എന്നറിയപ്പെടുന്ന ഫലം നിരവധി ആരോ​ഗ്യ ​ഗുണങ്ങൾ പ്രധാനം ചെയ്യുന്നു. ഇത് ദിവസവും കഴിക്കുന്നത് ആരോഗ്യത്തിന് വളരെയധികം ​ഗുണം ചെയ്യുന്നു. നിരവധി പോഷക ഗുണങ്ങളുള്ള പഴമാണ് പിയർ. മൺസൂൺ കാലത്ത് സുലഭമായി ലഭിക്കുന്ന ഇവ വിറ്റാമിൻ സി, നാരുകൾ എന്നിവയാൽ സമ്പന്നമാണ്. വിറ്റാമിൻ കെ, ബി, ഫോളേറ്റ്, ആൻറിഓക്സിഡൻറുകൾ തുടങ്ങി ധാരാളം പോഷകങ്ങൾ അടങ്ങിയ ഇവ നൽകുന്ന ആരോ​ഗ്യ ​ഗുണങ്ങൾ എന്തെല്ലാമാണെന്ന് നോക്കാം.

പ്രതിരോധ ശേഷി വർധിപ്പിക്കാൻ സഹായിക്കുന്നു: പിയർ പഴത്തിൽ വിറ്റാമിൻ സിയും ആൻറിഓക്സിഡൻറുകളും ധാരാളം അടങ്ങിയിട്ടുണ്ട്. ഇത് കഴിക്കുന്നത് പ്രതിരോധശേഷി വർധിപ്പിക്കാൻ സഹായിക്കും. 

ചർമ്മത്തിന്റെ ആരോ​ഗ്യത്തിന് മികച്ചത്: പിയർ പഴം വിറ്റാമിൻ സി സമ്പുഷ്ടമാണ്. ഇവയിൽ ധാരാളം ജലാംശം അടങ്ങിയിരിക്കുന്നു. ചർമ്മത്തിൻറെ ആരോഗ്യത്തിന് ഇവ വളരെയധികം ​ഗുണം ചെയ്യുന്നു.

രക്തസമ്മർദ്ദം നിയന്ത്രിക്കാൻ സഹായിക്കുന്നു: പൊട്ടാസ്യം ധാരാളം അടങ്ങിയ പിയർ പഴം കഴിക്കുന്നത് രക്തസമ്മർദ്ദം നിയന്ത്രിക്കാൻ വളരെയധികം സഹായിക്കും.

ഹൃദയത്തിന്റെ ആരോ​ഗ്യത്തിന് മികച്ചത്: ദിവസവും പിയർ പഴം കഴിക്കുന്നത് കൊളസ്ട്രോൾ നിയന്ത്രിക്കാനും ഹൃദയാരോഗ്യം മികച്ചതായി നിലനിർത്താനും സഹായിക്കും.

രക്തത്തിലെ പഞ്ചസാരയുടെ അളവിനെ നിയന്ത്രിക്കുന്നു: രക്തത്തിലെ പഞ്ചസാരയുടെ അളവിനെ നിയന്ത്രിച്ച് നിർത്താൻ പിയർ പഴം സഹായിക്കുന്നു. അതിനാൽ പ്രമേഹരോഗികൾക്കും ധൈര്യമായി കഴിക്കാവുന്ന പഴമാണ് പിയർ.

ദഹനത്തിന് മികച്ചത്: ഫൈബർ ധാരാളം അടങ്ങിയ പിയർ പഴം ദഹനം മെച്ചപ്പെടുത്താൻ നല്ലതാണ്. കുടലിന്റെ ആരോ​ഗ്യം മികച്ചതായി നിലനിർത്തുന്നതിനൊപ്പം മലബന്ധം തടയാനും ഇവ സഹായിക്കുന്നു.

​ഗർഭിണികൾക്ക് മികച്ചത്: ഫോളേറ്റും മറ്റ് വിറ്റാമിനുകളും അടങ്ങിയ പിയർ പഴം ഗർഭിണികൾക്കും കഴിക്കാവുന്നതാണ്. ഫോളേറ്റ് ​ഗർഭകാലത്ത് വളരെ പ്രധാനമാണ്. കാരണം ഇത് ജനനവൈകല്യങ്ങൾ തടയുന്നു.

ശരീരഭാരം കുറയ്ക്കാൻ സഹായിക്കുന്നു: ഫൈബർ ധാരാളം അടങ്ങിയ പിയർ പഴം ശരീരഭാരം കുറയ്ക്കാൻ ആ​ഗ്രഹിക്കുന്നവർക്ക് മികച്ചതാണ്. ഇത് അമിതവണ്ണം കുറയ്ക്കുന്നതിന് സഹായിക്കുന്നു.

കുറിപ്പ്: ലേഖനം പൊതുവായ വിവരങ്ങളെ അടിസ്ഥാനമാക്കിയുള്ളതാണ്. ഒരു മെഡിക്കൽ വിദഗ്ധന്റെ ഉപദേശത്തിന് പകരമല്ല.