Side Effects Of AC: എസിയുടെ തണുപ്പ് നല്ലതാണ്; പക്ഷേ, ഈ പ്രശ്നങ്ങളും ഉണ്ട്
Air conditioner: എന്നാൽ ദീർഘനേരം എസിയുടെ തണുപ്പിൽ തുടരുന്നത് ചില ഗുരുതരമായ പാർശ്വഫലങ്ങൾ ഉണ്ടാക്കുമെന്ന് നിങ്ങൾക്കറിയാമോ. ചൂടുള്ള കാലാവസ്ഥയിൽ എസി എത്ര തണുപ്പ് നൽകുന്നുണ്ടെങ്കിലും, അത് നമ്മുടെ ശരീരത്തിൽ ചില പാർശ്വഫലങ്ങൾ ഉണ്ടാക്കുന്നുണ്ട്.
വേനൽക്കാലത്ത് കുതിച്ചുയരുന്ന ചൂടിൽ എയർ കണ്ടീഷണറുകൾ ഏവർക്കും പ്രിയപ്പെട്ടതാകും. വേനൽക്കാലത്ത് വീടുകളിലും ഓഫീസുകളിലും മിക്കവാറും എല്ലായിടത്തും തന്നെ എസി ഉണ്ടാകും. ആളുകൾക്ക് ഇപ്പോൾ എയർ കണ്ടീഷണറുകൾ വളരെ പരിചിതമാണ്. അത് ഒരു ആഡംബരത്തെക്കാൾ അത്യാവശ്യമായി മാറിയിരിക്കുകയാണ്.
എന്നാൽ ദീർഘനേരം എസിയുടെ തണുപ്പിൽ തുടരുന്നത് ചില ഗുരുതരമായ പാർശ്വഫലങ്ങൾ ഉണ്ടാക്കുമെന്ന് നിങ്ങൾക്കറിയാമോ. ചൂടുള്ള കാലാവസ്ഥയിൽ എസി എത്ര തണുപ്പും വിശ്രമവും നൽകുന്നുണ്ടെങ്കിലും, അത് നമ്മുടെ ശരീരത്തിൽ അറിയാത്ത ചില പാർശ്വഫലങ്ങൾ ഉണ്ടാക്കുന്നുണ്ട്. നിങ്ങൾ കൂടുതൽ നേരം എസിയിൽ തുടരുമ്പോൾ ഉണ്ടാകുന്ന പാർശ്വഫലങ്ങൾ എന്തൊക്കെയാണെന്ന് അറിഞ്ഞിരിക്കണം.
വരണ്ടതോ ചൊറിച്ചിലോ ഉള്ള ചർമ്മം: എസിയുടെ അടിയിൽ ഇരിക്കുന്നതും അമിതമായി സൂര്യപ്രകാശം ഏൽക്കുന്നതും നിങ്ങളുടെ ചർമ്മത്തെ വളരെ വരണ്ടതും ചൊറിച്ചിലുള്ളതുമാക്കും. കുറച്ച് മണിക്കൂറുകൾക്ക് ശേഷം നിങ്ങളുടെ ചർമ്മം സാധാരണ നിലയിലേക്ക് തിരിച്ചെത്തിയേക്കാം.
നിർജ്ജലീകരണം: മറ്റ് മുറികളെ അപേക്ഷിച്ച് എയർ കണ്ടീഷണറുകൾ ഉള്ള മുറികളിൽ തുടരുന്നത് നിർജ്ജലീകരണത്തിന് സാധ്യത വർധിപ്പിക്കും. എസി മുറിയിൽ നിന്ന് വളരെയധികം ഈർപ്പം വലിച്ചെടുക്കും. ഇത് നിങ്ങൾക്ക് നിർജ്ജലീകരണം അനുഭവപ്പെടുന്നതിന് കാരണമാകും.
ALSO READ: Monsoon Sickness: മഴക്കാലമെത്തി... സൂക്ഷിക്കാം ഈ ജലജന്യ രോഗങ്ങളെ
ശ്വാസകോശ സംബന്ധമായ പ്രശ്‌നങ്ങൾ: ഏറെ നേരം എസിയിൽ ഇരിക്കുന്നത് ശ്വാസകോശ സംബന്ധമായ പ്രശ്‌നങ്ങൾക്ക് കാരണമാകും. തൊണ്ട വരളുന്നത്, മൂക്കിലെ തടസ്സം, വരണ്ട കണ്ണുകൾ എന്നിവയ്ക്ക് കാരണമാകാം. ഇത് ശ്വാസതടസത്തിനും കഫം ഉണ്ടാകുന്നതിനും കാരണമാകും.
ആസ്ത്മയും അലർജികളും: ശരിയായ രീതിയിൽ അണുവിമുക്തമാക്കിയില്ലെങ്കിൽ എസികൾ ആസ്ത്മ ഉണ്ടാകുന്നതിന് കാരണമാകും. മലിനീകരണം സമയബന്ധിതമായി നീക്കം ചെയ്യുന്നത് അലർജി തടയാൻ സഹായിക്കും.
അലസത: ദീർഘനേരം എസിയിൽ തുടരുന്നവർ അലസതയും മന്ദതയും ഉള്ളവരായി മാറും. ജോലിസ്ഥലത്ത്, എസിക്ക് പകരം പ്രകൃതിദത്ത വെന്റിലേഷൻ ഉണ്ടായിരിക്കുന്നതാണ് നല്ലത്.
തലവേദന: എസി മുറികളിൽ അധികനേരം ഇരുന്നതിന് ശേഷം പെട്ടെന്ന് പുറത്ത് ചൂടിൽ പോകുമ്പോൾ തലവേദന ഉണ്ടാകാൻ സാധ്യതയുണ്ട്. കൂടാതെ, എസി മുറികൾ ശരിയായി പരിപാലിക്കാത്ത സന്ദർഭങ്ങളിൽ, നിങ്ങൾക്ക് തലവേദനയും മൈഗ്രേനും ഉണ്ടാകാനുള്ള സാധ്യത കൂടുതലാണ്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...