Heart Attack Symbols: 30 ദിവസം മുമ്പ് തുടങ്ങും ഈ ലക്ഷണങ്ങൾ, ഫലം ഹാർട്ട് അറ്റാക്കാവാം....

ലോകമെമ്പാടും 17.9 ദശലക്ഷം ആളുകൾ ഓരോ വർഷവും ഹൃദയ സംബന്ധമായ അസുഖങ്ങൾ മൂലം മരിക്കുന്നതായാണ് കണക്കാക്കുന്നത്. ഇതിൽ 5-ൽ 4 മരണങ്ങളും ഹൃദയാഘാതം മൂലമാണുണ്ടാകുന്നതെന്നാണ് കണ്ടെത്തൽ. ഇത് പെട്ടെന്ന് സംഭവിക്കുന്ന ഒന്നല്ല. ഇതിന് മുൻപ് പലതരത്തിലുള്ള ലക്ഷണങ്ങൾ ശരീരത്തിലുണ്ടാവും.

ഇവയെ ഹൃദയാഘാതത്തിൻറെ പ്രാരംഭ ലക്ഷണങ്ങൾ എന്നാണ് വിളിക്കുന്നത്. അടുത്തിടെ നടത്തിയ പഠനങ്ങളിൽ 7 ലക്ഷണങ്ങൾ കണ്ടെത്തിയിട്ടുണ്ട്. അവ എന്തൊക്കെയെന്ന് നോക്കാം. ഒരു പഠന പ്രകാരം ഹൃദയാഘാതത്തിന് ചികിത്സയിലുള്ളവരിൽ 41 ശതമാനം പേർക്കും ഒരു മാസം മുമ്പ് ഇതുമായി ബന്ധപ്പെട്ട ചില ലക്ഷണങ്ങൾ ഉണ്ടായിരുന്നതായാണ് കണ്ടെത്തൽ. എന്തൊക്കെയാണ് അവ പരിശോധിക്കാം.

 1 മാസം മുമ്പ് ലക്ഷണങ്ങൾ 

നെഞ്ചുവേദന, ഭാരം,വേഗത്തിലുള്ള ഹൃദയമിടിപ്പ്, ശ്വസിക്കാൻ ബുദ്ധിമുട്ട്, നെഞ്ചെരിച്ചിൽ, ക്ഷീണം, ഉറക്ക പ്രശ്നങ്ങൾ

ഇവരിൽ ഈ ലക്ഷണങ്ങൾ 

ഒരു പഠനമനുസരിച്ച്, ഹൃദയാഘാതത്തിൻ്റെ ഈ പ്രാരംഭ ലക്ഷണങ്ങൾ പുരുഷന്മാരേക്കാൾ കൂടുതൽ സ്ത്രീകളിലാണ് കൂടുതലായി കാണപ്പെടുന്നത്. ഗവേഷകർ പറയുന്ന പ്രകാരം 50 ശതമാനം സ്ത്രീകളും ഹൃദയാഘാതത്തിന് മുമ്പ് ഉറക്കവുമായി ബന്ധപ്പെട്ട പ്രശ്നങ്ങൾ നേരിടേണ്ടി വരാറുണ്ട്. എന്നാൽ 32 ശതമാനം പുരുഷന്മാർക്ക് മാത്രമേ ഈ ലക്ഷണങ്ങൾ ഉണ്ടായിരുന്നുള്ളൂ.

ഏറ്റവും സാധാരണ ലക്ഷണങ്ങൾ

2022-ൽ നടത്തിയ ഒരു പഠന പ്രകാരം നെഞ്ചുവേദനയാണ് ഹൃദയാഘാതത്തിൻ്റെ ഏറ്റവും സാധാരണമായ ലക്ഷണം, ഇത് പുരുഷന്മാരിലും സ്ത്രീകളിലും ഏതാണ്ട് തുല്യമായി കാണപ്പെടുന്നു. പഠനത്തിൽ ഉൾപ്പെടുത്തിയിട്ടുള്ള 93 ശതമാനം പുരുഷന്മാരിലും 94 ശതമാനം സ്ത്രീകളിലും ഈ ലക്ഷണം സ്ഥിരീകരിച്ചിട്ടുണ്ട്.