Weight Loss: ഭാരം കുറയ്ക്കണോ? കാരറ്റ് ജ്യൂസ് ശീലമാക്കൂ, 10 ദിവസത്തിനകം മാറ്റം!

പല വീടുകളിലും കാണുന്ന പച്ചക്കറികളിലൊന്നാണ് കാരറ്റ്.  ദിവസവും കാരറ്റ് കഴിക്കുന്നത് ശരീരത്തിന് ധാരാളം ഗുണങ്ങൾ നൽകുന്നു. ഇതിന്റെ ഗുണങ്ങൾ പല തരത്തിലുള്ള ആരോഗ്യ പ്രശ്‌നങ്ങളിൽ നിന്നും ആശ്വാസം നൽകും. കാരറ്റിൽ അടങ്ങിയിരിക്കുന്ന പ്രോട്ടീൻ, ഫൈബർ, വിറ്റാമിനുകൾ, പൊട്ടാസ്യം തുടങ്ങിയ പലതരം പോഷകങ്ങൾ ശരീരത്തെ ആരോഗ്യകരവുമായി നിലനിർത്താൻ സഹായിക്കുന്നു.

കാരറ്റിൽ ഉയർന്ന അളവിൽ നാരുകൾ അടങ്ങിയിട്ടുണ്ട്. അതിനാൽ ശരീരഭാരം നിയന്ത്രിക്കാൻ ഇത് സഹായിക്കുന്നു. ഇത് കൂടാതെ കാരറ്റ് ജ്യൂസ് കുടിച്ചാൽ ഗുണങ്ങൾ ഏറെയുണ്ടെന്ന് ആരോഗ്യ വിദഗ്ധർ പറയുന്നു. എന്നാൽ എന്തൊക്കെയാണ് ഇതിന്റെ ഗുണങ്ങൾ എന്ന് നോക്കാം.

കാഴ്ചശക്തി മെച്ചപ്പെടുത്തുന്നു

കാരറ്റ് ജ്യൂസ് കുടിക്കുന്നത് കാഴ്ചശക്തി മെച്ചപ്പെടുത്തുന്നു. മാത്രമല്ല, ഇതിൽ അടങ്ങിയിരിക്കുന്ന വിറ്റാമിൻ എ, ബീറ്റാ കരോട്ടിൻ എന്നിവ കണ്ണിലെ എല്ലാ പ്രശ്‌നങ്ങൾക്കും പരിഹാരം നൽകുന്നു. ഇതുകൂടാതെ, വിറ്റാമിൻ എ യുടെ കുറവുമൂലമുള്ള പ്രശ്നങ്ങൾക്കും ആശ്വാസം ലഭിക്കും. ഗുരുതരമായ നേത്രരോഗങ്ങളും നീക്കംചെയ്യുന്നു. 

പ്രതിരോധശേഷി വർദ്ധിപ്പിക്കുന്നു

കാരറ്റ് ജ്യൂസ് കുടിക്കുന്നത് ശരീരത്തിന് വിറ്റാമിനുകളും ധാതുക്കളും ആന്റിഓക്‌സിഡന്റുകളും നൽകുന്നു. മാത്രമല്ല, പ്രതിരോധശേഷി വർധിപ്പിക്കാനും ഇത് സഹായിക്കുമെന്ന് ആരോഗ്യ വിദഗ്ധർ പറയുന്നു. കാരറ്റിൽ അടങ്ങിയിരിക്കുന്ന വിറ്റാമിൻ എ, സി എന്നിവ ഫ്രീ റാഡിക്കലുകൾ മൂലമുണ്ടാകുന്ന കേടുപാടുകൾ കുറയ്ക്കുന്നു. 

രക്തസമ്മർദ്ദം നിയന്ത്രിക്കുന്നു

കാരറ്റ് ജ്യൂസിൽ അടങ്ങിയിരിക്കുന്ന പൊട്ടാസ്യവും ആന്റിഓക്‌സിഡന്റുകളും രക്തസമ്മർദ്ദം കുറയ്ക്കുന്നതിൽ സുപ്രധാന പങ്ക് വഹിക്കുന്നു. ഇത് ഹൃദ്രോഗ സാധ്യത കുറയ്ക്കുമെന്ന് ആരോഗ്യ വിദഗ്ധർ പറയുന്നു. 

ശരീരഭാരം കുറയ്ക്കാൻ സഹായിക്കുന്നു

ഇന്ന് പലരും ശരീരഭാരം കുറയ്ക്കാൻ കഠിനമായ വ്യായാമങ്ങൾ ചെയ്യുന്നു. എന്നാൽ തടി കുറയ്ക്കാൻ ആഗ്രഹിക്കുന്നവർ കാരറ്റ് ജ്യൂസ് ഭക്ഷണത്തിൽ ഉൾപ്പെടുത്തുന്നത് ശരീരത്തിന് ആവശ്യമായ നാരുകൾ നൽകും. ഇതുമൂലം ദഹനസംബന്ധമായ പ്രശ്നങ്ങൾക്ക് ആശ്വാസം ലഭിക്കും. ഇത് ശരീരത്തിലെ വിഷാംശം ഇല്ലാതാക്കുകയും കൊളസ്‌ട്രോൾ അലിയിക്കുകയും ചെയ്യുന്നു. അതുകൊണ്ട് തടി കുറയ്ക്കാൻ ആഗ്രഹിക്കുന്നവർ ദിവസവും കാരറ്റ് ജ്യൂസ് കുടിക്കണം. 

പ്രമേഹം നിയന്ത്രിക്കുന്നു

പ്രമേഹരോഗികൾ ദിവസവും കാരറ്റ് ജ്യൂസ് കുടിച്ചാൽ രക്തത്തിലെ പഞ്ചസാരയുടെ അളവ് നിയന്ത്രണത്തിലാക്കാം. മാത്രമല്ല, പ്രമേഹം ബാധിച്ച ആളുകൾക്ക് വിട്ടുമാറാത്ത രോഗങ്ങളിൽ നിന്ന് ആശ്വാസം നൽകാൻ ഇതിന്റെ ഗുണങ്ങൾ സഹായിക്കും. അതുകൊണ്ട് ദിവസവും കാരറ്റ് ജ്യൂസ് കുടിക്കുന്നത് നല്ല ഫലം നൽകും.