Turmeric Hair Mask: ആരോഗ്യമുള്ള തിളങ്ങുന്ന മുടിയ്ക്ക് ഈ മഞ്ഞള്‍ ഹെയർ മാസ്ക് പരീക്ഷിച്ചു നോക്കൂ

Turmeric Hair Mask: മഞ്ഞള്‍  സൗന്ദര്യസംരക്ഷണത്തിനും  ആരോഗ്യസംരക്ഷണത്തിനും ഏറെ ഉത്തമമാണ്. ചര്‍മ്മത്തിന് നിറം വര്‍ദ്ധിയ്‌ക്കാനും മുഖക്കുരു മാറാനുമെല്ലാം മഞ്ഞള്‍ നല്ലതാണ്‌. എന്നാല്‍, നിങ്ങള്‍ക്കറിയുമോ മഞ്ഞള്‍ മുടിയ്ക്കും വളരെ ഗുണകരമാണ്.... 

മഞ്ഞള്‍ മുടിയില്‍ പുരട്ടുന്നത് വഴി ലഭിക്കുന്നത് നിരവധി ഗുണങ്ങളാണ്. മഞ്ഞള്‍  മുടിയുടെ വളർച്ച മികച്ചതാക്കുന്നു, താരൻ പ്രശ്നം ഇല്ലാതാക്കുന്നു, മുടി നരയ്ക്കുന്നത് തടയുന്നു, മുടികൊഴിച്ചിൽ എന്ന പ്രശ്‌നം ഇല്ലാതാക്കാൻ സഹായിക്കുന്നു. മഞ്ഞള്‍ മസ്കായി മുടിയില്‍ ഉപയോഗിക്കുന്നതാണ് ഉത്തമം. 

മഞ്ഞള്‍ മുടിയ്ക്ക് ഏറെ ഗുണകരമാണ് എങ്കിലും അത് ഉപയോഗിക്കേണ്ടത് എങ്ങിനെ എന്ന് അറിഞ്ഞിരിക്കണം.  അതായത് മഞ്ഞള്‍ ഹെയർ മാസ്ക് ആയി ഉപയോഗിക്കുന്നതാണ് ഉത്തമം. 

മഞ്ഞള്‍ ഹെയർ മാസ്ക്  (Turmeric hair Mask) 

മഞ്ഞള്‍ ഹെയർ മാസ്ക് ഉണ്ടാക്കാൻ ആദ്യം രണ്ട് സ്പൂൺ മഞ്ഞൾപ്പൊടി എടുക്കുക. അതിലേയ്ക്ക്  2 ടീസ്പൂൺ തേനും രണ്ട് മുട്ടയും ചേര്‍ക്കുക. ഇത് നന്നായി മിക്‌സ് ചെയ്ത് പേസ്റ്റ് പരുവത്തിലാക്കുക. ഇത് മുടിയിൽ പുരട്ടി അരമണിക്കൂറിനു ശേഷം  നന്നായി കഴുകുക. ഈ ഹെയർ മാസ്ക് മുടിയുടെ  വേരുകളെ  ശക്തിപ്പെടുത്തുകയും മൃദുവും തിളക്കവുമുള്ളതാക്കുകയും ചെയ്യുന്നു. 

മുടികൊഴിച്ചില്‍ തടയാം മഞ്ഞള്‍ ഇപ്രകാരം ഉപയോഗിക്കൂ

മഞ്ഞള്‍ ഉപയോഗിക്കുന്നത് വഴി മുടി കൊഴിച്ചില്‍ തടയാനാവുമെന്ന് നമുക്കറിയാം. മുടിയുടെ വളര്‍ച്ചയ്ക്കും ഒപ്പം  മുടി മൃദുവാക്കാനും മഞ്ഞള്‍ നല്ലതാണ്.  മഞ്ഞള്‍ തുല്യ അളവ് പാലും തേനും ചേര്‍ത്ത്  മിക്സ് ചെയ്ത് തലയില്‍ തേയ്ക്കുക. നന്നായി മസാജ് ചെയ്ത് അല്പസമയത്തിന് ശേഷം മുടി  കഴുകാം.

 താരന്‍ ഇല്ലാതാക്കാന്‍ മഞ്ഞള്‍  

തലയിലുണ്ടാകുന്ന ഒരു മുഖ്യ  പ്രശ്നമാണ് താരന്‍.  മഞ്ഞളില്‍ അടങ്ങിയിരിയ്ക്കുന്ന ആന്‍റിബാക്ടീരിയല്‍ ഘടകങ്ങള്‍ താരനെ തുരത്തും. വെളിച്ചെണ്ണയിൽ അൽപം മഞ്ഞൾ കലർത്തി മുടിയിൽ നന്നായി മസാജ് ചെയ്യാം.  ഇത് രക്തയോട്ടം വര്‍ദ്ധിപ്പിക്കുകയും ചര്‍മ്മത്തില്‍ മൃതകോശങ്ങള്‍ അടിഞ്ഞുകൂടുന്നത് തടയുകയും ചെയ്യും. 

മൊത്തത്തിൽ, മഞ്ഞൾ നമ്മുടെ ശരീരത്തിന് മാത്രമല്ല, മുടിക്കും നല്ലതാണ്. നിങ്ങളുടെ മുടിക്ക് തിളക്കവും ആരോഗ്യവും നൽകണമെങ്കിൽ ഇന്ന് തന്നെ മഞ്ഞൾ ഉപയോഗിക്കാന്‍ ആരംഭിക്കുക....