Vegan Diet Benefits: ശരീരഭാരം കുറയുന്നത് മുതൽ പ്രമേഹം നിയന്ത്രിക്കുന്നത് വരെ; നിരവധിയാണ് വീഗൻ ഡയറ്റിന്റെ ഗുണങ്ങൾ
Vegan Food For Weight Loss: ആളുകൾ സസ്യാഹാര ജീവിതത്തിലേക്ക് മാറുന്നത് വർധിച്ചുവരുന്നതായാണ് കാണുന്നത്. വീഗൻ ഫുഡ് അഥവാ വീഗൻ ഡയറ്റ് എന്നത് ഒരുപാട് ആളുകൾ ഇപ്പോൾ തിരഞ്ഞെടുക്കുന്ന പുതിയ ഭക്ഷണ രീതിയാണ്.
കോവിഡ് മഹാമാരിക്ക് ശേഷം ആരോഗ്യ പരിരക്ഷ വലിയ വെല്ലുവിളികൾ നേരിടുകയാണ്. പുതിയ ആരോഗ്യ പ്രശ്നങ്ങളും ഉടലെടുക്കുന്നുണ്ട്. ചിലർ രോഗങ്ങൾ വന്നുപോകുന്നതാണെങ്കിൽ ചില രോഗാവസ്ഥകൾ ദീർഘകാലം നീണ്ടുനിൽക്കുന്നവയാണ്. ആളുകൾ ആരോഗ്യത്തിൽ കൂടുതൽ ശ്രദ്ധിക്കാൻ തുടങ്ങി. ഇതിന്റെ ഫലമായി ആളുകൾ സസ്യാഹാര ജീവിതത്തിലേക്ക് മാറുന്നത് വർധിച്ചുവരുന്നതായാണ് കാണുന്നത്. വീഗൻ ഫുഡ് അഥവാ വീഗൻ ഡയറ്റ് എന്നത് ഒരുപാട് ആളുകൾ ഇപ്പോൾ തിരഞ്ഞെടുക്കുന്ന പുതിയ ഭക്ഷണ രീതിയാണ്. സെലിബ്രിറ്റികൾ മുതൽ സാധാരണക്കാർ വരെ വീഗൻ ഡയറ്റ് പിന്തുടരുന്നു. ചില റെസ്റ്റോറന്റുകളിൽ പോലും ഇപ്പോൾ സസ്യാഹാരങ്ങൾക്ക് തന്നെ വെവ്വേറെ മെനു ഉണ്ട്.
വീഗൻ ഡയറ്റ് ശരീരഭാരം കുറയ്ക്കാൻ സഹായിക്കുമെന്നാണ് പുതിയ പഠനങ്ങൾ വ്യക്തമാക്കുന്നത്. ഗവേഷണത്തിന് നേതൃത്വം നൽകിയ കോപ്പൻഹേഗനിലെ സ്റ്റെനോ ഡയബറ്റിസ് സെന്ററിലെ ആനി ഡിറ്റ് ടെർമാൻസെൻ പറയുന്നതനുസരിച്ച്, "വീഗൻ ഡയറ്റ് ശരീരഭാരം കുറയ്ക്കാൻ സഹായിക്കും, കാരണം അവ കലോറി ഉപഭോഗം കുറയുന്നതുമായി ബന്ധപ്പെട്ടിരിക്കുന്നു. ദഹനത്തിനുള്ള നാരുകൾ മികച്ച അളവിൽ അടങ്ങിയിരിക്കുന്നു." ആനി ഡിറ്റ് ടെർമാൻസെൻ വ്യക്തമാക്കി. അമിതഭാരമുള്ളവരോ ടൈപ്പ് 2 പ്രമേഹമുള്ളവരോ ആയ ആളുകളെ ശരീരഭാരം കുറയ്ക്കാനും രക്തത്തിലെ പഞ്ചസാരയുടെ അളവ് കുറയ്ക്കാനും സസ്യാഹാരം സഹായിക്കുമെന്ന് ഗവേഷണങ്ങൾ സൂചിപ്പിക്കുന്നു.
സസ്യാഹാരത്തിന്റെ ആരോഗ്യഗുണങ്ങൾ
ശരീരഭാരം കുറയ്ക്കൽ: അധിക ഭാരം കുറയ്ക്കാൻ സ്വയമേവ സഹായിക്കുന്ന അനാരോഗ്യകരമായ കലോറി സമ്പുഷ്ടമായ ഭക്ഷണങ്ങൾ ഒഴിവാക്കണമെന്ന് വീഗൻ ഡയറ്റ് ആവശ്യപ്പെടുന്നു. കൂടാതെ, ശരിയായ ഭക്ഷണരീതികൾ ശരീരഭാരം കുറയ്ക്കാൻ സഹായിക്കും. എന്നിരുന്നാലും, സസ്യാഹാരം കഴിക്കുന്ന ആളുകളെ ഈ രീതി ശരീരഭാരം കുറയ്ക്കാൻ എങ്ങനെ സഹായിക്കുമെന്ന് മനസിലാക്കാൻ കൂടുതൽ ഗവേഷണം നടത്തേണ്ടതുണ്ട്.
പോഷകങ്ങളാൽ സമ്പന്നം: സസ്യാഹാരം മൃഗങ്ങളെ അടിസ്ഥാനമാക്കിയുള്ള ഉൽപ്പന്നങ്ങൾ ഒഴിവാക്കുകയും സസ്യാധിഷ്ഠിത ഭക്ഷണക്രമം സ്വീകരിക്കുകയും ചെയ്യുന്നു. അതിനാൽ, ഒരു സസ്യാഹാരിയുടെ ഭക്ഷണത്തിൽ ഉൾപ്പെടുന്ന പോഷകങ്ങൾ സസ്യാധിഷ്ഠിതമായിരിക്കും. ആന്റി ഓക്സിഡന്റുകൾ, നാരുകൾ, സസ്യങ്ങളെ അടിസ്ഥാനമാക്കിയുള്ള സംയുക്തങ്ങൾ, വിറ്റാമിനുകൾ എ, സി, ഇ എന്നിവ ഉൾപ്പെടെയുള്ളവയാൽ സമ്പുഷ്ടമാണ് വീഗൻ ഡയറ്റ്.
രക്തത്തിലെ പഞ്ചസാര കുറയ്ക്കുന്നു: സസ്യാഹാരികൾക്ക് ഉയർന്ന ഇൻസുലിൻ സംവേദനക്ഷമതയുണ്ട്. ഇത് ടൈപ്പ് 2 പ്രമേഹം വരാനുള്ള സാധ്യത കുറയ്ക്കുന്നു. ഇത് രക്തത്തിലെ പഞ്ചസാരയെ നിയന്ത്രിക്കുന്നതിന് മറ്റൊരു കാരണം, ഇതിൽ മൃഗങ്ങളുടെ കൊഴുപ്പില്ല എന്നതാണ്.
മാത്രമല്ല, ഇതിൽ കൂടുതൽ നാരുകളും പോഷകങ്ങളും അടങ്ങിയിട്ടുണ്ട്.
കാൻസർ സാധ്യത കുറയ്ക്കുന്നു: വിദഗ്ധരുടെ അഭിപ്രായത്തിൽ സസ്യാഹാരികൾ പഴങ്ങൾ, പച്ചക്കറികൾ, നാരുകൾ, വിറ്റാമിൻ സി എന്നിവ സസ്യാധിഷ്ഠിത ഭക്ഷണത്തിലൂടെ സസ്യാഹാരികൾ ഗണ്യമായി ഉപയോഗിക്കുന്നു. ഇത് മനുഷ്യ ശരീരത്തെ കാൻസർ സാധ്യതകളിൽ നിന്ന് സംരക്ഷിക്കുന്നു.
വീക്കം കുറയ്ക്കുന്നു: സസ്യാധിഷ്ഠിത ഭക്ഷണത്തിൽ കൂടുതൽ പച്ചക്കറികളും ഡയറി ഇതര ഉൽപ്പന്നങ്ങളും ഉൾപ്പെടുത്തിയിട്ടുണ്ട്. ഇത്, ഭക്ഷണവും പോഷകങ്ങളും നന്നായി ആഗിരണം ചെയ്യാൻ സഹായിക്കുന്നു.
ഹൃദയാരോഗ്യത്തിന് നല്ലത്: സസ്യാഹാരം ധാരാളം പഴങ്ങൾ, പച്ചക്കറികൾ, പയർവർഗ്ഗങ്ങൾ, നാരുകൾ മുതലായവ ഉൾക്കൊള്ളുന്നു. ഇത് സ്വയമേവ ആരോഗ്യകരമായ ഭക്ഷണക്രമം നിലനിർത്താൻ സഹായിക്കുന്നു. ഇത് ഹൃദ്രോഗ സാധ്യത കുറയ്ക്കാൻ സഹായിക്കുന്നു.
വീഗൻ ഡയറ്റിന്റെ ഗുണങ്ങൾ നന്നായി മനസ്സിലാക്കാൻ ഇപ്പോഴും നിരവധി ഗവേഷണങ്ങൾ നടക്കുന്നുണ്ട്. പുതിയ ആരോഗ്യ ശീലങ്ങൾ വരുന്നുണ്ട്. എന്നാൽ, ഒരാളുടെ ശരീരത്തിന് അനുയോജ്യമായ ആരോഗ്യകരമായ സമീകൃതാഹാരം പിന്തുടരേണ്ടത് പ്രധാനമാണ്. എന്നിരുന്നാലും നിങ്ങളുടെ ഭക്ഷണക്രമത്തിലോ ഡയറ്റിലോ മാറ്റം വരുത്തുമ്പോൾ നിങ്ങളുടെ ഡോക്ടറുമായി കൂടിയാലോചിച്ച് അവരുടെ വിദഗ്ദോപദേശം തേടേണ്ടത് പ്രധാനമാണ്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...