Weight Loss: ഭക്ഷണശേഷം ഗ്രീൻ ടീ കുടിക്കുന്നത് ശരീരഭാരം കുറയ്ക്കാൻ സഹായിക്കുമോ?

തേയില ഇനങ്ങളിൽ ഏറ്റവും ആരോഗ്യകരമായ വകഭേദമാണ് ഗ്രീൻ ടീ. ആന്റിഓക്‌സിഡന്റുകളാൽ സമ്പുഷ്ടമായ ​ഗ്രീൻ ടീ പ്രതിരോധശേഷി വർധിപ്പിക്കുന്നതിനും ഓർമ്മശക്തി വർധിപ്പിക്കുന്നതിനും ടൈപ്പ് 2 പ്രമേഹം പോലുള്ള ജീവിതശൈലി രോഗങ്ങളെ തടയുന്നതിനും സഹായിക്കുന്നു. 

കൂടാതെ, ഗ്രീൻ ടീയിൽ കാണപ്പെടുന്ന ആന്റിഓക്‌സിഡന്റുകൾ ക്യാൻസർ, ഹൃദയാരോഗ്യം തുടങ്ങിയ പല വിട്ടുമാറാത്ത രോഗങ്ങളുടെയും മൂലകാരണമായ ഓക്‌സിഡേറ്റീവ് നാശത്തിൽ നിന്ന് സംരക്ഷിക്കുമെന്നും പഠനങ്ങൾ വ്യക്തമാക്കുന്നു.

ശരീരഭാരം കുറയ്ക്കാൻ സഹായിക്കുന്ന ചില ഗുണങ്ങൾ ​ഗ്രീൻ ടീയ്ക്ക് ഉണ്ടെന്ന് ചില പഠനങ്ങൾ സൂചിപ്പിക്കുന്നു. എന്നാൽ അത് സത്യമാണോ? ശരീരഭാരം കുറയ്ക്കാൻ ​ഗ്രീൻ ടീ സഹായിക്കുമോയെന്ന് പരിശോധിക്കാം.

ഗ്രീൻ ടീ ഭക്ഷണത്തിന് ശേഷമുള്ള ദഹനത്തിന് സഹായിക്കുന്നു. ഗ്രീൻ ടീ ദഹനത്തിന് മികച്ചതാണ്. ഭക്ഷണത്തിന് ശേഷം, ഇത് ദഹനത്തിന് സഹായിക്കുകയും വയറുവേദന ഉൾപ്പെടെയുള്ള അസ്വസ്ഥതകളിൽ നിന്ന് സംരക്ഷിക്കുകയും ചെയ്യുന്നു. ഇതിലെ ആന്റിഓക്‌സിഡന്റുകൾ, പ്രത്യേകിച്ച് കാറ്റെച്ചിനുകൾ, മെറ്റബോളിസത്തെ മികച്ചതാക്കുകയും മൊത്തത്തിലുള്ള ദഹനത്തെ മെച്ചപ്പെടുത്തുകയും ചെയ്യുന്നു.

ശരീരഭാരം കുറയ്ക്കാൻ സഹായിക്കുമോ? ​ഗ്രീൻ ടീ കുടിക്കുന്നത് ശരീരഭാരം കുറയാൻ സഹായിക്കില്ല. ഇത് ഉപാപചയ നിരക്കും കൊഴുപ്പ് കത്തിക്കുന്നതിന്റെ നിരക്കും വർധിപ്പിക്കും. മൊത്തത്തിലുള്ള ഭക്ഷണക്രമത്തെയും ജീവിതശൈലിയിലെ മാറ്റങ്ങളെയും ആശ്രയിച്ചാണ് ശരീരഭാരം കുറയുന്നത് ബന്ധപ്പെട്ടിരിക്കുന്നത്. ശരീരഭാരം കുറയുന്നതിന് മറ്റ് വ്യായാമ പ്രവർത്തനങ്ങൾക്കൊപ്പം ​ഗ്രീൻ ടീ ചേർക്കുന്നത് ​ഗുണം ചെയ്യും.

ഒരു ഭക്ഷണമോ പാനീയമോ ശരീരഭാരം കുറയ്ക്കാനുള്ള പരിഹാരമല്ല. ഗ്രീൻ ടീ സമീകൃതാഹാരത്തിന് ആരോഗ്യകരമായ ഒരു കൂട്ടിച്ചേർക്കലാണ്, എന്നാൽ ശരീരഭാരം കുറയ്ക്കാൻ അതിനെ മാത്രം ആശ്രയിക്കുന്നത് ഫലപ്രദമല്ല. ഇതിനൊപ്പം തന്നെ കലോറി നിയന്ത്രിത ഭക്ഷണവും പതിവ് വ്യായാമവും സംയോജിപ്പിക്കേണ്ടത് പ്രധാനമാണ്.