Weight Loss Mistakes: എത്ര വ്യായാമം ചെയ്തിട്ടും ശരീരഭാരം കുറയുന്നില്ലേ? കാരണമിതാണ്
Weight Loss Mistakes: ശരീരഭാരം കുറയ്ക്കുക എന്നത് അത്ര എളുപ്പമുള്ള കാര്യമല്ല എന്ന് നമുക്കെല്ലാവര്‍ക്കും അറിയാം. എന്നാല്‍ ചിലപ്പോള്‍ ഏറെ ശ്രമിച്ചിട്ടും ശരീര ഭാരം കുറയാതെ വന്നാലോ? അതായത് ചിട്ടയായ വ്യായാമം, ശരിയായ ഭക്ഷണക്രമം ഇവയെല്ലാം പിന്തുടര്‍ന്നിട്ടും പൊണ്ണത്തടി കുറയുന്നില്ല എങ്കില്‍ ചിലപ്പോള്‍ കാരണം മറ്റൊന്നാകാം...
ശരീരഭാരം കുറയ്ക്കാനുള്ള പ്രയത്നത്തിന് ഏറ്റവും ആവശ്യമായത് ക്ഷമയും സ്ഥിരതയും അച്ചടക്കവുമാണ് എന്ന് ആരോഗ്യ വിദഗ്ധര്‍ പറയുന്നു. ശരീരഭാരം കുറയ്ക്കാന്‍ ആഗ്രഹിക്കുന്നുവെങ്കില്‍ നിരവധി മാര്‍ഗ്ഗങ്ങള്‍ നിങ്ങളുടെ മുന്‍പില്‍ തുറന്നുകിട്ടും. എന്നാല്‍ അതില്‍ ഏതാണ് നിങ്ങളുടെ ശരീരത്തിന് യോജിച്ചത് എന്നതനുസരിച്ചിരിയ്ക്കും ഫലം. എന്നാല്‍ അത് തിരിച്ചറിയുക ബുദ്ധിമുട്ടാണ് എന്നതാണ് മറ്റൊരു വസ്തുത.
ശരീരഭാരം കുറയ്ക്കാനുള്ള യാത്ര ഒരു നീണ്ട പ്രക്രിയയാണ്. ഇതില്‍ ശക്തമായ ദൃഢനിശ്ചയം ആവശ്യമാണ്. കൂടാതെ, നിങ്ങളുടെ ലക്ഷ്യം നേടാന്‍ സഹായിക്കുന്ന ശക്തമായ മാനസികാവസ്ഥയും ഉദ്ദേശ്യവും മാത്രമല്ല. കർശനമായ ഭക്ഷണക്രമം പിന്തുടരുക, പ്രലോഭിപ്പിക്കുന്ന ഭക്ഷണത്തിൽ നിന്ന് സ്വയം നിയന്ത്രിക്കുക, എന്നിവ അനിവാര്യമാണ്. എന്നിരുന്നാലും ചിലപ്പോള്‍ നിങ്ങള്‍ ഉദ്ദേശിച്ച ഫലം ലഭിച്ചു എന്ന് വരില്ല.
ആ അവസരത്തിലാണ് ശരീരഭാരം കുറയ്ക്കാനുള്ള ശ്രമത്തില്‍ നിങ്ങള്‍ വരുത്തുന്ന ചെറിയ തെറ്റുകള്‍ എന്താണ് എന്ന് ആലോചിക്കേണ്ടത്... അതായത് നം അറിയാതെ തന്നെ ശരീരഭാരം കുറയ്ക്കാനുള്ള നമ്മുടെ യാത്രയെ ദീർഘവും മടുപ്പിക്കുന്നതുമാക്കുന്ന ലളിതമായ മണ്ടത്തരങ്ങള്‍ ഒരു പക്ഷേ നാം ചെയ്യുന്നുണ്ടാവാം
ശരീരഭാരം കുറയ്ക്കാന്‍ വ്യായാമവും ശരിയായ ഭക്ഷണക്രമവും മാത്രം പോരാ, മറ്റ് ചില കാര്യങ്ങള്‍കൂടി പ്രധാനമാണ്. അവ എന്താണ് ഏന് നോക്കാം....
അപര്യാപ്തമായ ഉറക്കം : നാം എപ്പോഴും അവഗണിക്കുന്ന ഒരു കാര്യമാണ് ആവശ്യത്തിന് ഉറങ്ങുക എന്നത്. അപര്യാപ്തമായ ഉറക്കം ശരീരഭാരം കുറയ്ക്കാനുള്ള നമ്മുടെ ശ്രമത്തെ സാരമായി ബാധിക്കും. നന്നായി ഉറങ്ങുമ്പോള്‍ മാത്രമാണ് നിങ്ങളുടെ ശരീരത്തിന് ആവശ്യമായ ഊർജ്ജം ലഭിക്കുന്നത്. ഇത് നിങ്ങളുടെ വ്യായാമത്തിലും ഉൽപ്പാദനക്ഷമതയിലും നിങ്ങളെ സഹായിക്കുകയും ചെയ്യുന്നു. എന്നാൽ നിങ്ങൾ ഉറങ്ങുന്നത് കുറയ്ക്കുമ്പോള്‍ നിങ്ങളുടെ ശരീരത്തിന് ആവശ്യമായ ഊർജ്ജം ഉണ്ടാകില്ല. കൂടാതെ, വേണ്ടത്ര ഉറങ്ങാത്തത് നിങ്ങളുടെ ഭക്ഷന്‍ ക്രമത്തെ ബാധിക്കും. അനാവശ്യമയി ഇടയ്ക്കിടെ ലഘുഭക്ഷണങ്ങല്‍ കഴിയ്ക്കാനുള്ള തോന്നല്‍ ഉളവാക്കും. ഇത് നിങ്ങളുടെ ശരീരത്തില്‍ വീണ്ടും കൊഴുപ്പ് അടിയാന്‍ ഇടയാക്കുന്നു. ശരീരഭാരം കുറയ്ക്കാന്‍ ആഗ്രഹിക്കുന്നുവെങ്കില്‍ ദിവസവും കുറഞ്ഞത്‌ 6-8 മണിക്കൂർ ഉറങ്ങേണ്ടത് അനിവാര്യമാണ്.
അമിതമായ വ്യായാമം: ശരിയായ വ്യായാമം ശരീരഭാരം കുറയ്ക്കാനുള്ള ലക്ഷ്യം സാധിക്കാന്‍ അനിവാര്യമാണ്. എന്നാല്‍, വ്യായാമം ചെയ്തതുകൊണ്ടുമാത്രം ശരീരഭാരം കുറയില്ല. അതിന് ആരോഗ്യകരമായ ജീവിതശൈലി പിന്തുടരുകയും വേണം. ആരോഗ്യകരമായ ജീവിതശൈലിയിൽ ശ്രദ്ധാപൂർവം ഭക്ഷണം കഴിക്കുക, പാക്കേജുചെയ്ത ഭക്ഷണങ്ങൾ കഴിവതും ഒഴിവാക്കുക, മതിയായ ഉറക്കം എന്നിവ ഉൾപ്പെടുന്നു.
ഭക്ഷണം ഒഴിവാക്കുക : ഒരു നേരത്തെ ഭക്ഷണം ഒഴിവാക്കുകയാണ് എങ്കില്‍ തടി കുറയുമെന്നൊരു ധാരണ പലര്‍ക്കുമുണ്ട്. എന്നാല്‍ ഇത് തികച്ചും തെറ്റാണ്. നിങ്ങള്‍ ഭക്ഷണം ഒഴിവാക്കുമ്പോൾ, നിങ്ങൾ സ്വയം പട്ടിണി കിടക്കുകയും ആവശ്യമായ പോഷകങ്ങൾ നഷ്ടപ്പെടുകയുമാണ് ചെയ്യുന്നത്. ഇത് നിങ്ങളുടെ മൊത്തത്തിലുള്ള ആരോഗ്യത്തെ ബാധിക്കും. പതിവായി ശരിയായ സമയങ്ങളില്‍ ഭക്ഷണം കഴിക്കുക എന്നതാണ് നിങ്ങളുടെ തടി കുറയ്ക്കാനുള്ള ശ്രമത്തിന് ഏറ്റവും അനുയോജ്യമായ മാര്‍ഗം.
വെള്ളം കുടിയ്ക്കുന്നതിലെ അപര്യാപ്തത: ആവശ്യത്തിന് വെള്ളം കുടിക്കുന്നത് നിങ്ങളുടെ ശരീരഭാരം കുറയ്ക്കുന്ന പ്രക്രിയ വേഗത്തിലാക്കാൻ സഹായിക്കുന്നു. ശരീരത്തിലെ ജലാംശം കുറയ്‌ക്കുകയാണെങ്കിൽ, കൂടുതൽ ഭക്ഷണം കഴിക്കാനുള്ള പ്രേരണ ഉണ്ടാകും. എല്ലാ അവയവങ്ങളുടെയും സുഗമമായ പ്രവർത്തനം ഉറപ്പാക്കാൻ നിങ്ങളുടെ ശരീരത്തിന് എല്ലാ ദിവസവും ഒരു നിശ്ചിത അളവിൽ വെള്ളം ആവശ്യമായതിനാൽ ധാരാളം വെള്ളം കുടിയ്ക്കണം.
പായ്ക്ക് ചെയ്ത ഭക്ഷണങ്ങൾ കഴിക്കുന്നത് : നമ്മുടെ ശരീരത്തിലെ കൊഴുപ്പ് കുറയ്ക്കാൻ ആഗ്രഹിക്കുന്നെങ്കിൽ പാക്കേജുചെയ്ത ഭക്ഷണങ്ങൾ ഒഴിവാക്കുക തന്നെ വേണം. പാക്കേജ് ചെയ്ത ഭക്ഷണങ്ങളില്‍ ധാരാളം പ്രിസർവേറ്റീവുകൾ അടങ്ങിയിരിക്കുന്നു, കൂടാതെ പഞ്ചസാര, ഉയർന്ന അളവിലുള്ള ഉപ്പ്, മറ്റ് പല ചേരുവകൾ ഇതില്‍ അടങ്ങിയിരിയ്ക്കുന്നു. അതിനാല്‍, ഇത്തരത്തില്‍ പായ്ക്ക് ചെയ്ത ഭക്ഷണങ്ങൾ കഴിക്കുന്നതിനുപകരം, നിങ്ങൾക്ക് വിശപ്പ് തോന്നുമ്പോഴെല്ലാം കഴിക്കാൻ എന്തെങ്കിലും പഴങ്ങള്‍ കരുതുക.
മേല്‍പ്പറഞ്ഞ കാര്യങ്ങള്‍ ശ്രദ്ധിച്ചാല്‍ ശരീര ഭാരം കുറയ്ക്കാനുള്ള നിങ്ങളുടെ പരിശ്രമം തീര്‍ച്ചയായും ഫലം കാണും .....
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
ios Link - https://apple.co/3hEw2hy
ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ.