Weight Loss Tips: ശൈത്യകാലത്ത് ശരീരഭാരം കുറയ്ക്കാൻ ശ്രമിക്കുന്നവർ ഈ ഭക്ഷണങ്ങളെക്കുറിച്ച് പുനർവിചിന്തനം നടത്തുക

ശരീരഭാരം കുറയ്ക്കാനുള്ള യാത്രയെക്കുറിച്ച് ആലോചിക്കുമ്പോൾ പോഷകാഹാരത്തെക്കുറിച്ച് ചിന്തിക്കേണ്ടത് പ്രധാനമാണ്. പ്രത്യേകിച്ച് ശൈത്യകാലത്ത്. ശൈത്യകാലത്ത് ഭൂരിഭാ​ഗം ആളുകളും ഉദാസീനമായ ജീവിതശൈലിയാകും പിന്തുടരുന്നത്. കൂടുതൽ കലോറി അടങ്ങിയ ഭക്ഷണങ്ങളും കഴിക്കും.

ചിലത് കലോറി, പഞ്ചസാര, കൊഴുപ്പ് എന്നിവ അടങ്ങിയതായിരിക്കും. ഇത് ആരോ​ഗ്യകരമായ ജീവിതശൈലിയെ ബാധിക്കും. ആരോ​ഗ്യകരമായ ഭക്ഷണക്രമം പാലിക്കേണ്ടത് പ്രധാനമാണ്. ശൈത്യകാലത്തെ ഡയറ്റ് പ്ലാനിൽ ചേർക്കുമ്പോൾ നിങ്ങൾ ശ്രദ്ധിക്കേണ്ട ഭക്ഷണങ്ങൾ ഏതെല്ലാമാണെന്ന് നോക്കാം.

വറുത്ത ഭക്ഷണങ്ങൾ: തണുത്ത കാലാവസ്ഥ നിങ്ങളെ വറുത്തഭക്ഷണം കഴിക്കാൻ പ്രേരിപ്പിച്ചേക്കാം. സമോസ, സ്പ്രിംഗ് റോളുകൾ എന്നിവ പോലുള്ള ഈ ഇനങ്ങളിൽ ജാഗ്രത പാലിക്കുക. കാരണം അവ അനാരോഗ്യകരവും ഉയർന്ന കലോറി അടങ്ങിയതും ആയിരിക്കും. പകരം, വിത്തുകൾ നട്സുകൾ പോലുള്ള ബദലുകൾ തിരഞ്ഞെടുക്കുക.

പ്രീ-പാക്ക്ഡ് സൂപ്പുകൾ: പാക്കറ്റുകളിൽ വരുന്ന സൂപ്പുകളിൽ സോഡിയവും പ്രിസർവേറ്റീവുകളും കൂടുതലാണ്. ആരോഗ്യകരവും ശൈത്യകാലത്ത് ശരീരഭാരം കുറയ്ക്കാൻ സഹായിക്കുന്നതുമായ പച്ചക്കറികളും ലീൻ പ്രോട്ടീനുകളും ഉപയോഗിച്ച് വീടുകളിൽ തയ്യാറാക്കുന്ന സൂപ്പുകൾ കഴിക്കുക.

ഉയർന്ന കലോറിയുള്ള ഹോട്ട് ചോക്ലേറ്റ്: ഹോട്ട് ചോക്ലേറ്റ് ശൈത്യകാലത്ത് പലരും ആസ്വദിക്കാൻ ഇഷ്ടപ്പെടുന്ന ട്രീറ്റാണ്. ചില ഹോട്ട് ചോക്ലേറ്റിൽ ഉയർന്ന കലോറി അടങ്ങിയിരിക്കുന്നു. മധുരമില്ലാത്ത കൊക്കോ, കൊഴുപ്പ് കുറഞ്ഞ പാൽ എന്നിവ ഉപയോഗിച്ച് ഹോട്ട് ചോക്ലേറ്റ് തയ്യാറാക്കാൻ ശ്രദ്ധിക്കുക.

ഫ്ലേവേർഡ് യോഗർട്ട്: ഫ്ലേവർഡ് യോഗർട്ടുകളിൽ പലപ്പോഴും പഞ്ചസാരയും കൃത്രിമ രുചികളും അടങ്ങിയിരിക്കുന്നു. പകരം, ഫ്ലേവറുകൾ ചേർക്കാത്ത തൈര് തിരഞ്ഞെടുത്ത് ആരോഗ്യകരമായ ഭക്ഷണക്രമം നിലനിർത്താൻ സഹായിക്കും.

ഗ്രാനോള: ഗ്രാനോള പലപ്പോഴും ആരോഗ്യകരമായ ഭക്ഷണമായി കണക്കാക്കപ്പെടുന്നു, പക്ഷേ അതിൽ പഞ്ചസാരയും കലോറിയും കൂടുതലായിരിക്കും. നിങ്ങളുടെ ഭാരം കുറയ്ക്കാനുള്ള ശ്രമങ്ങളെ തടസ്സപ്പെടുത്താത്ത, വീട്ടിൽ നിർമിച്ചതോ കുറഞ്ഞ പഞ്ചസാരയുള്ളതോ ആയ ​ഗ്രാനോളകൾ തിരഞ്ഞെടുക്കുക.