World Bee Day 2023: ലോക തേനീച്ച ദിനം; ആവാസവ്യവസ്ഥയിലും ഭക്ഷ്യ ഉൽപാദനത്തിലും തേനീച്ചകളുടെ പങ്കിനെക്കുറിച്ച് അറിയാം
World Bee Day History And Significance: തേനീച്ചകളുടെ പ്രാധാന്യം കണക്കിലെടുത്ത്, പരാഗകാരികളെപ്പറ്റിയുള്ള അവബോധം, അവ നേരിടുന്ന വെല്ലുവിളികൾ, സുസ്ഥിര വികസനത്തിൽ അവയുടെ പങ്ക് എന്നിവയെക്കുറിച്ച് അവബോധം വളർത്തുന്നതിനായി ഐക്യരാഷ്ട്രസഭ മെയ് 20ന് ലോക തേനീച്ച ദിനമായി ആചരിക്കുന്നു.
ലോക തേനീച്ച ദിനം 2023: തേനീച്ചകളും മറ്റ് പരാഗകാരികളും നമ്മുടെ ആവാസവ്യവസ്ഥയിൽ നിർണായകമാണ്. ഭക്ഷ്യസുരക്ഷയും പോഷകാഹാരവും ഉറപ്പാക്കുന്നതിൽ ഇവയുടെ പങ്ക് വളരെ പ്രധാനപ്പെട്ടതാണ്. 90 ശതമാനം സസ്യങ്ങളും 75 ശതമാനത്തിലധികം ഭക്ഷ്യവിളകളും മൃഗങ്ങളുടെ പരാഗണത്തെ ആശ്രയിക്കുന്നു. എന്നാൽ, പരാഗണത്തിന് സഹായിക്കുന്ന ഈ പരാഗകാരികൾ മനുഷ്യരുടെ പ്രവർത്തനങ്ങളാൽ ഭീഷണി നേരിടുകയാണ്.
തേനീച്ചകളുടെ പ്രാധാന്യം കണക്കിലെടുത്ത്, പരാഗകാരികളെപ്പറ്റിയുള്ള അവബോധം, അവ നേരിടുന്ന വെല്ലുവിളികൾ, സുസ്ഥിര വികസനത്തിൽ അവയുടെ പങ്ക് എന്നിവയെക്കുറിച്ച് അവബോധം വളർത്തുന്നതിനായി ഐക്യരാഷ്ട്രസഭ മെയ് 20ന് ലോക തേനീച്ച ദിനമായി ആചരിക്കുന്നു. ആഗോള ഭക്ഷ്യ വിതരണ പ്രശ്നങ്ങൾ പരിഹരിക്കുന്നതിനും വികസ്വര രാജ്യങ്ങളിലെ പട്ടിണി കുറയ്ക്കുന്നതിനും തേനീച്ചകളെ സംരക്ഷിക്കുന്നത് വളരെയധികം ഗുണം ചെയ്യും.
ലോക തേനീച്ച ദിനം 2023: ചരിത്രം
തേനീച്ച വളർത്തലിലെ മുൻനിരക്കാരനായ ആന്റൺ ജൻസയുടെ ജന്മവാർഷികത്തിന്റെ സ്മരണയ്ക്കായി, മെയ് 20 ന് ലോക തേനീച്ച ദിനം ആചരിക്കുന്നു. സ്ലോവേനിയയിലെ തേനീച്ച വളർത്തുന്ന കുടുംബത്തിൽ നിന്നാണ് ജൻസ വന്നത്, സ്ലോവേനിയയിൽ സമ്പന്നമായ പാരമ്പര്യമുള്ള തേനീച്ചവളർത്തൽ വളരെക്കാലമായി ഒരു പ്രധാന കാർഷിക രീതിയായി കണക്കാക്കപ്പെടുന്നു.
ലോക തേനീച്ച ദിനം എന്ന ആശയം 2016 ൽ സ്ലോവേനിയ ഗവൺമെന്റ് നിർദ്ദേശിച്ചു. ഇതിനെ ഇന്റർനാഷണൽ ഫെഡറേഷൻ ഓഫ് ബീ കീപ്പേഴ്സ് അസോസിയേഷൻസ് പിന്തുണച്ചു. 2017ൽ ഐക്യരാഷ്ട്രസഭയുടെ അംഗരാജ്യങ്ങൾ ഈ ദിനത്തിന് അംഗീകാരം നൽകി. ലോക തേനീച്ച ദിനത്തിന്റെ ഉദ്ഘാടന ആചരണം 2018-ൽ നടന്നു.
ലോക തേനീച്ച ദിനം 2023: പ്രമേയം
2023-ലെ ലോക തേനീച്ച ദിനം "പരാഗണ-സൗഹൃദ കാർഷിക ഉൽപ്പാദനത്തിൽ ഏർപ്പെട്ടിരിക്കുന്ന തേനീച്ച" എന്നാണ് പ്രമേയം നൽകിയിരിക്കുന്നത്. പരാഗണത്തിന് ഗുണകരമാകുന്ന കാർഷിക രീതികൾ പ്രോത്സാഹിപ്പിക്കുന്നതിനുള്ള ലോകമെമ്പാടുമുള്ള ശ്രമങ്ങളെ ഈ പ്രമേയം പ്രോത്സാഹിപ്പിക്കുന്നു. തേനീച്ചകളെയും മറ്റ് പരാഗകാരികളെയും സംരക്ഷിക്കേണ്ടതിന്റെ ആവശ്യകത ഇത് ഊന്നിപ്പറയുന്നു.
ലോക തേനീച്ച ദിനം 2023: പ്രാധാന്യം
ലോക തേനീച്ച ദിനത്തിന് നമ്മുടെ ആവാസവ്യവസ്ഥയ്ക്കും ഭക്ഷ്യ ഉൽപാദനത്തിനും തേനീച്ചകളുടേയും മറ്റ് പരാഗണങ്ങളുടേയും പ്രാധാന്യത്തെ കുറിച്ച് അവബോധം സൃഷ്ടിക്കുന്നതിൽ വലിയ പ്രാധാന്യമുണ്ട്. ജൈവവൈവിധ്യം നിലനിർത്തുന്നതിലും വിളകളുടെ പരാഗണം ഉറപ്പാക്കുന്നതിലും ഭക്ഷ്യസുരക്ഷയും പോഷണവും പ്രോത്സാഹിപ്പിക്കുന്നതിലും ഈ ജീവികൾ വഹിക്കുന്ന നിർണായക പങ്കിനെ ഇത് ജനങ്ങളുടെ ശ്രദ്ധയിലേക്ക് കൊണ്ടുവരുന്നു.
പരാഗകാരികളെ സംരക്ഷിക്കാനും അവ അഭിമുഖീകരിക്കുന്ന വെല്ലുവിളികളെ നേരിടാനും കൃഷിയിലും ഭൂമി പരിപാലനത്തിലും സുസ്ഥിരമായ രീതികൾ പ്രോത്സാഹിപ്പിക്കാനും വ്യക്തികളെയും സംഘടനകളെയും സർക്കാരുകളെയും പ്രേരിപ്പിക്കുന്ന പ്രവർത്തനത്തിനുള്ള ആഹ്വാനമായി ദിനം വർത്തിക്കുന്നു. ലോക തേനീച്ച ദിനം അംഗീകരിക്കുകയും ആചരിക്കുകയും ചെയ്യുന്നതിലൂടെ, ഈ ജീവജാലങ്ങളെ സംരക്ഷിക്കാനും നമ്മുടെ ഗ്രഹത്തിന്റെ ക്ഷേമത്തിന് സംഭാവന നൽകാനും സാധിക്കും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...