Arvind Kejriwal`s arrest: അരവിന്ദ് കേജരിവാളിന്റെ അറസ്റ്റ്: പ്രതിഷേധ മഹാറാലിയുമായി ഇന്ത്യാ മുന്നണി

ന്യൂഡൽ‌ഹി: ഡൽഹി മുഖ്യമന്ത്രി അരവിന്ദ് കേജരിവാളിന്റെ അറസ്റ്റിനെതിരെ ശക്തമായ പ്രതിഷേധിക്കാനൊരുങ്ങി ഇന്ത്യാ സഖ്യം. മാർച്ച് 31ന് രാംലീല മൈതാനിയിൽ മഹാറാലി നടത്തും. ഇന്ത്യ സഖ്യത്തിലെ പ്രധാനനേതാക്കളെല്ലാം റാലിയിൽ അണിചേരുമെന്ന് ഡൽഹി കോൺ​ഗ്രസ് അധ്യക്ഷൻ അരവീന്ദർ സിങ് ലവ്ലി അറിയിച്ചു. ഏകാധിപത്യത്തിനെതരായുള്ള പോരാട്ടം വിപുലീരിക്കുന്നതിന്റേയും ശക്തിപ്പെടുത്തുന്നതിന്റേയും ഭാ​ഗമായാണ് റാലിയെന്ന് ഇന്ത്യ സഖ്യകക്ഷിളുടെ സംയുക്ത വാർത്താസമ്മേളനത്തിൽ ഡൽഹി മുഖ്യമന്ത്രിയും ആം ആദ്മി പാർട്ടി നേതാവുമായ ​ഗോപാൽ റായ് മാധ്യമങ്ങളോട് പ്രതികരിച്ചു.   

31ന് രാവിലെ 10 മണിക്കാണ് റാലി.ഇത് രാഷ്ട്രീയ റാലിയല്ല, ഇന്ത്യൻ ജനാധിപത്യത്തെ സംരക്ഷിക്കാനുള്ള പോരാട്ടത്തിനുള്ള കാഹളമാണെന്നാണ് റാലിയെക്കുറിച്ച് കോൺ​ഗ്രസ് നേതാവ് അരവിന്ദിറിന്റെ പ്രതികരണം. ജനാധിപത്യത്തെ സംരക്ഷിക്കാനുള്ള പോരാട്ടത്തിലാണ് ഞങ്ങളുടെ നേതാവ് രാഹുൽ​ ​ഗാന്ധിയെന്നും ഇന്ത്യ സഖ്യത്തിലെ കക്ഷികൾക്കൊപ്പം തങ്ങൾ ശക്തമായി ഒന്നിച്ചു നിന്ന് പ്രവർത്തിക്കുമെന്നും അദ്ദേഹം വ്യക്തമാക്കി. 

അതേസമയം ഡൽഹി മുഖ്യമന്ത്രിയായ അരവിന്ദ് കേജരിവാളിനെ രക്ഷിക്കാനുള്ള റാലിയല്ലെ ഇതെന്നും ജനാധിപത്യത്തെ സംരക്ഷിക്കാനായാണെന്നുമാണ് ഡൽഹി മുഖ്യമന്ത്രി അതീഷി മർലേനയുടെ പ്രതികരണം. പ്രതിപക്ഷത്തിനെതിരായി ഏകപക്ഷീയമായാണ് ആക്രമണം നടക്കുന്നതെന്നും അദ്ദേഹം കൂട്ടിച്ചേർത്തു.