Breaking: വെടിയേറ്റ ഒഡിഷ ആരോഗ്യമന്ത്രി മരിച്ചു
Naba Kishore Das death: ഒരു പൊതുപരിപാടിക്ക് എത്തിയപ്പോഴാണ് നബ കിഷോറിന് നേരെ എസ്ഐ ഗോപാൽ ദാസ് വെടിയുതിർത്തത്
ഭുവനേശ്വർ: വെടിയേറ്റ ഒഡീഷ ആരോഗ്യമന്ത്രി നബ കിഷോർ ദാസ് മരിച്ചു. ഭുവനേശ്വറിലെ ആശുപത്രിയിലായിരുന്നു അന്ത്യം. ഇന്ന് ഒരു പൊതുപരിപാടിക്ക് പങ്കെടുക്കാൻ എത്തിയപ്പോഴാണ് നബ കിഷേറിന് വെടിയേറ്റത്. എഎസ്ഐ ഗോപാൽ ദാസാണ് മന്ത്രിക്ക് നേരെ വെടിയുതിർത്തത്. നെഞ്ചിൽ വെടിയേറ്റ മന്ത്രിയെ ഉടൻ തന്നെ അടുത്തുള്ള ആശുപത്രിയിലും പിന്നീട് ഭുവനേശ്വറിലേക്കും മാറ്റിയെങ്കിലും ജീവൻ രക്ഷിക്കാനായില്ല. എസ്ഐയെ പോലീസ് കസ്റ്റഡിയിലെടുത്തിട്ടുണ്ട്.
ഒഡീഷയിലെ ഝർസുഗുഡ ജില്ലയിൽ പൊതുപരിപാടിക്കെത്തിയപ്പോഴാണ് മന്ത്രിക്ക് വെടിയേറ്റത്. ഗാന്ധി സ്‌ക്വയറിൽ വച്ച് മന്ത്രി കാറിൽ നിന്ന് ഇറങ്ങിയപ്പോൾ ഉദ്യോഗസ്ഥൻ നാലോ അഞ്ചോ തവണ മന്ത്രിക്ക് നേരെ വെടിയുതിർക്കുകയായിരുന്നു. എഎസ്ഐ ഗോപാൽ ദാസിന് മാനസിക പ്രശ്നങ്ഹൾ ഉണ്ടായിരുന്നതായി ഇയാളുടെ ഭാര്യ പറഞ്ഞതായാണ് റിപ്പോർട്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...