Budget Session 2022: നയപരമായ തീരുമാനങ്ങള്‍ രാജ്യത്തിന്‌ മുതല്‍ക്കൂട്ട്, സർക്കാരിന്‍റെ കാഴ്ചപ്പാടിനെ പ്രശംസിച്ച് രാഷ്ട്രപതി
പാർലമെന്‍റിന്‍റെ ബജറ്റ് സമ്മേളനം ആരംഭിച്ചു. ഈ വർഷത്തെ ആദ്യ സമ്മേളനം പാരമ്പര്യമനുസരിച്ച് രാഷ്ട്രപതിയുടെ പ്രസംഗത്തോടെയാണ് ആരംഭിച്ചത്.
New Delhi: പാർലമെന്‍റിന്‍റെ ബജറ്റ് സമ്മേളനം ആരംഭിച്ചു. ഈ വർഷത്തെ ആദ്യ സമ്മേളനം പാരമ്പര്യമനുസരിച്ച് രാഷ്ട്രപതിയുടെ പ്രസംഗത്തോടെയാണ് ആരംഭിച്ചത്.
കോവിഡ് -19 മൂലമുണ്ടാകുന്ന മഹാമാരിയുടെ മൂന്നാം വർഷമാണിതെന്ന് രാഷ്ട്രപതി രാംനാഥ് കോവിന്ദ് (President Ram Nath Kovind) പാർലമെന്‍റിന്‍റെ ഇരുസഭകളുടെയും സംയുക്ത സമ്മേളനത്തിൽ പറഞ്ഞു . ജനാധിപത്യ മൂല്യങ്ങളിലും അച്ചടക്കത്തിലും കർത്തവ്യത്തോടുള്ള അർപ്പണബോധത്തിലും ജനങ്ങളുടെ വിശ്വാസം ശക്തമാകുന്ന കാഴ്ചയാണ് ഇക്കാലയളവില്‍ നാം കണ്ടത് എന്നും രാഷ്ട്രപതി പറഞ്ഞു.
തന്റെ പ്രസംഗത്തിന്റെ തുടക്കത്തിൽ രാഷ്ട്രപതി ലക്ഷക്കണക്കിന് സ്വാതന്ത്ര്യ സമര സേനാനികളെ അഭിവാദ്യം ചെയ്തു. തങ്ങളുടെ കർത്തവ്യങ്ങൾക്ക് മുൻതൂക്കം നൽകുകയും ഇന്ത്യയുടെ അവകാശങ്ങൾ നൽകുകയും ചെയ്തവരാണെന്നും അദ്ദേഹം പറഞ്ഞു.
വാക്‌സിനേഷൻ പരിപാടിയിൽ കോവിഡ്-19 നെ പ്രതിരോധിക്കാനുള്ള ഇന്ത്യയുടെ കഴിവ് തിരിച്ചറിഞ്ഞതായി രാഷ്ട്രപതി പറഞ്ഞു . ഒരു വർഷത്തിനുള്ളിൽ 150 കോടിയിലധികം വാക്സിന്‍ ഡോസുകൾ പ്രയോഗിച്ച് റെക്കോർഡ് സൃഷ്ടിച്ചു. ലോകമെമ്പാടും വാക്സിൻ നൽകുന്ന രാജ്യങ്ങളിലൊന്നാണ് ഇന്ത്യ, അദ്ദേഹം ചൂണ്ടിക്കാട്ടി.
64,000 കോടി രൂപ ചെലവിൽ സർക്കാർ ആരംഭിച്ച പ്രധാനമന്ത്രിയുടെ ആയുഷ്മാൻ ഭാരത് ഹെൽത്ത് ഇൻഫ്രാസ്ട്രക്ചർ മിഷൻ പ്രശംസനീയമായ ഉദാഹരണമാണെന്ന് രാഷ്ട്രപതി ചൂണ്ടിക്കാട്ടി. ഇത് നിലവിലെ ആരോഗ്യ ആവശ്യങ്ങൾ നിറവേറ്റാൻ സഹായിക്കുമെന്ന് മാത്രമല്ല, വരാനിരിക്കുന്ന പ്രതിസന്ധികൾക്ക് രാജ്യത്തെ സജ്ജരാക്കുകയും ചെയ്യും.
പകർച്ചവ്യാധിയുടെ കാലത്ത് പല രാജ്യങ്ങളിലും ഭക്ഷ്യപ്രതിസന്ധി നാം കണ്ടു, ജനങ്ങള്‍ പട്ടിണി മൂലം ബുദ്ധിമുട്ടുന്നതായും രാഷ്ട്രപതി പറഞ്ഞു . എന്നാൽ, 100 വർഷത്തെ ഏറ്റവും വലിയ ഈ പ്രതിസന്ധി ഘട്ടത്തിൽ ഒരു ദരിദ്രനും പട്ടിണി കിടക്കാതിരിക്കാൻ നമ്മുടെ സർക്കാർ എല്ലാ ശ്രമങ്ങളും നടത്തി, രാഷ്ട്രപതി പറഞ്ഞു.
UPI യെ കുറിച്ചുള്ള സർക്കാരിന്‍റെ വീക്ഷണത്തെ അഭിനന്ദിച്ച രാഷ്ട്രപതി, ഇത് ഡിജിറ്റൽ ഇന്ത്യയുടെയും ഡിജിറ്റൽ സമ്പദ്‌വ്യവസ്ഥയുടെയും വ്യാപനം വർദ്ധിപ്പിച്ചതായും ചൂണ്ടിക്കാട്ടി. 2021 ഡിസംബറിൽ യുപിഐ വഴി 8 ലക്ഷം കോടിയിലധികം രൂപയുടെ ഇടപാടുകളാണ് രാജ്യത്ത് നടന്നത്.
തന്റെ സർക്കാരിന്‍റെ നയപരമായ തീരുമാനങ്ങളും പ്രോത്സാഹനവും മൂലം 2014നെ അപേക്ഷിച്ച് വിവിധ പോലീസ് സേനകളിലെ വനിതാ പോലീസുകാരുടെ എണ്ണം ഇരട്ടിയിലധികം വർധിച്ചതായി രാഷ്ട്രപതി പറഞ്ഞു.
അതേസമയം, കൊറോണയുടെ വർദ്ധിച്ചുവരുന്ന ഭീഷണികൾക്കിടയിൽ, പാർലമെന്‍റിന്‍റെ ബജറ്റ് സമ്മേളനം നിരവധി നിയന്ത്രണങ്ങളോടെയാണ് ആരംഭിച്ചിരിയ്ക്കുന്നത്‌. ആദ്യ രണ്ട് ദിവസങ്ങൾ ഒഴികെ, പാർലമെന്‍റിന്‍റെ ഇരുസഭകളും - ലോക്‌സഭയും രാജ്യസഭയും രണ്ട് ഷിഫ്റ്റുകളിലായി നടത്താനാണ് തീരുമാനം.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...