IAF Agniveer Recruitment 2022: ഇന്ത്യൻ എയർഫോഴ്‌സിൽ അഗ്നിവീറാകാൻ സയൻസ് പഠിക്കണോ? വിശദ വിവരങ്ങൾ
വിദ്യാഭ്യാസ യോഗ്യത, പ്രായം ശമ്പളം അടക്കമുള്ള വിവരങ്ങൾ ഇവിടെ പരിശോധിക്കാം
IAF Agniveer Recruitment 2022 :ഇന്ത്യൻ എയർഫോഴ്‌സിന്റെ അഗ്നിവീർ റിക്രൂട്ട്‌മെന്റ് ഡ്രൈവിനായുള്ള രജിസ്‌ട്രേഷൻ പ്രക്രിയ നവംബർ ആദ്യവാരം ആരംഭിക്കും. ഓൺലൈൻ പരീക്ഷ 2023 ജനുവരിയിൽ ആയിരിക്കും.ഉദ്യോഗാർത്ഥികൾക്കായുള്ള പ്രധാനപ്പെട്ട തീയതികളും യോഗ്യതാ മാനദണ്ഡങ്ങളും മറ്റ് വിശദാംശങ്ങളും ഇവിടെ പരിശോധിക്കാം.
യോഗ്യതാ മാനദണ്ഡം
കൗൺസിൽ ഓഫ് ബോർഡ്സ് ഫോർ സ്കൂൾ എജ്യുക്കേഷനിൽ (COBSE) ലിസ്റ്റുചെയ്തിട്ടുള്ള ഒരു വിദ്യാഭ്യാസ ബോർഡ് / ഇൻസ്റ്റിറ്റ്യൂട്ടിൽ നിന്ന് 10+2 ക്ലാസ് / ഇന്റർമീഡിയറ്റ് / തത്തുല്യ പരീക്ഷ പാസായിരിക്കണം, കൂടാതെ ഫിസിക്സ് / മാത്സ് / ഇംഗ്ലീഷ് എന്നിവ പഠിച്ചുള്ള ക്ലാസ് 10 + 2 / ഇന്റർമീഡിയറ്റ് / കുറഞ്ഞത് 50% മാർക്ക് ഇംഗ്ലീഷിൽ നിർബന്ധം.
50% മാർക്കോടെ ഡിപ്ലോമയോ ഇന്റർമീഡിയറ്റ്/മെട്രിക്കുലേഷൻ/ ഇംഗ്ലീഷിൽ 50% മാർക്കോടെ സർക്കാർ അംഗീകൃത പോളിടെക്‌നിക് ഇൻസ്റ്റിറ്റ്യൂട്ടിൽ നിന്നോ ഏതെങ്കിലും ഒരു നിശ്ചിത സ്ട്രീമിൽ നിന്നോ എൻജിനീയറിങ്ങിൽ 03 വർഷത്തെ ഡിപ്ലോമ കോഴ്‌സ് പൂർത്തിയാക്കിയിരിക്കണം. , ഡിപ്ലോമ കോഴ്സിൽ ഇംഗ്ലീഷ് ഒരു വിഷയമായി പഠിച്ചിരിക്കണം
കായികക്ഷമത
ഉയരം: ഏറ്റവും കുറഞ്ഞ ഉയരം 152.5 സെ.മീ
ഭാരം : IAF-ന് ബാധകമായ ഉയരത്തിനും പ്രായത്തിനും ആനുപാതികമായിരിക്കണം ഭാരം.
നെഞ്ച് : അളവ് 77 സെന്റിമീറ്ററും വികാസം കുറഞ്ഞത് 05 സെന്റിമീറ്ററും ആയിരിക്കണം.
കേൾവി : സാധാരണ ശ്രവണശേഷി ഉണ്ടായിരിക്കണം, അതായത് 06 മീറ്റർ അകലെ നിന്ന് ഇരു ചെവിയും വെവ്വേറെ കേൾക്കാൻ കഴിയണം.
ഡെന്റൽ : ആരോഗ്യമുള്ള മോണയും നല്ല പല്ലുകളും കുറഞ്ഞത് 14 ഡെന്റൽ പോയിന്റുകളും ഉണ്ടായിരിക്കണം.
പൊതുവായ ആരോഗ്യം: ഉദ്യോഗാർത്ഥി സാധാരണ ശരീരഘടനയുള്ളവരായിരിക്കണം. ശസ്ത്രക്രിയാ വൈകല്യം അല്ലെങ്കിൽ സാംക്രമിക രോഗങ്ങൾ, അണുബാധ, ത്വക്ക് രോഗങ്ങൾ എന്നിവയിൽ നിന്ന് മുക്തനായിരിക്കണം. ലോകത്തിന്റെ ഏത് ഭാഗത്തും ഏത് കാലാവസ്ഥയിലും ഭൂപ്രദേശത്തും ഡ്യൂട്ടി നിർവഹിക്കാൻ ഉദ്യോഗാർത്ഥി ശാരീരികമായും മാനസികമായും യോഗ്യനായിരിക്കണം.
പ്രായ മാനദണ്ഡം
അപേക്ഷകർ 29 ഡിസംബർ 1999-നും 29 ജൂൺ 2005-നും ഇടയിൽ ജനിച്ചവരായിരിക്കണം. കൂടുതൽ വിവരങ്ങളും ആനുകൂല്യങ്ങളും വെബ്സൈറ്റിൽ
അഗ്നിവീർ ശമ്പളം
എൻറോൾ ചെയ്ത അഗ്നിവീർവായുവിന് പ്രതിമാസം ₹ 30,000/- എന്ന അഗ്നിവീർവായു പാക്കേജ് നിശ്ചിത വാർഷിക ഇൻക്രിമെന്റോടെ നൽകും. കൂടാതെ, റിസ്ക്, ഹാർഡ്ഷിപ്പ് അലവൻസുകൾ (IAF-ൽ ബാധകമായത്), വസ്ത്രധാരണം, യാത്രാ അലവൻസുകൾ എന്നിവ നൽകും.
എങ്ങനെ അപേക്ഷിക്കാം?
യോഗ്യരായ സ്ത്രീകൾക്കും പുരുഷന്മാർക്കും ഔദ്യോഗിക വെബ്സൈറ്റ് agnipathvayu.cdac.in സന്ദർശിച്ച് ഓൺലൈനായി അപേക്ഷിക്കാം. കൂടുതൽ വിവരങ്ങൾക്ക്, ഉദ്യോഗാർത്ഥികൾ ഔദ്യോഗിക വെബ്സൈറ്റ് സന്ദർശിക്കാൻ നിർദ്ദേശിക്കുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...