Idbi Bank Jobs: ഐഡിബിഐ ബാങ്കിൽ അസിസ്റ്റൻറ് മാനേജർ, 1544 ഒഴിവുകൾ
ഓൺലൈൻ അപേക്ഷ ജൂൺ 3 മുതൽ ആരംഭിക്കും, ജൂൺ 17 ആണ് 2022 ഓൺലൈനായി അപേക്ഷിക്കാനുള്ള അവസാന തീയതി
ഐഡിബിഐ ബാങ്കിൽ അസിസ്റ്റൻറ് മാനേജർ തസ്തികയിൽ വിവിധ ഒഴിവുകളിലേക്ക് അപേക്ഷ ക്ഷണിച്ചു. ആകെ 1544 തസ്തികകളിലേക്കാണ് റിക്രൂട്ട്‌മെന്റ്. 1,044 എക്‌സിക്യൂട്ടീവുകളിലേക്കും 500 അസിസ്റ്റന്റ് മാനേജർ ഗ്രേഡ് എ തസ്തികകളിലേക്കും റിക്രൂട്ട്‌മെന്റ് നടത്തും.
ഓൺലൈൻ അപേക്ഷയുടെ പ്രക്രിയ ജൂൺ 3 മുതൽ ആരംഭിക്കും. ജൂൺ 17 ആണ് 2022 ഓൺലൈനായി അപേക്ഷിക്കാനുള്ള അവസാന തീയതി . ഉദ്യോഗാർത്ഥികൾ എല്ലാ വിവരങ്ങളും ശ്രദ്ധാപൂർവ്വം വായിച്ചതിനുശേഷം മാത്രം അപേക്ഷിക്കാൻ നിർദ്ദേശിക്കുന്നു.
ഒഴിവ് വിശദാംശങ്ങൾ,യോഗ്യത
എക്സിക്യൂട്ടീവ് - 1,044
അസിസ്റ്റന്റ് മാനേജർ ഗ്രേഡ് A- 500,അംഗീകൃത സർവകലാശാലയിൽ നിന്നോ മറ്റേതെങ്കിലും ഉന്നത വിദ്യാഭ്യാസ സ്ഥാപനത്തിൽ നിന്നോ ഏതെങ്കിലും വിഷയത്തിൽ ബിരുദം നേടിയിരിക്കണം.
പ്രായപരിധി, ശമ്പളം
എക്‌സിക്യുട്ടീവ് തസ്തികയിലേക്കുള്ള ഉദ്യോഗാർത്ഥിയുടെ പ്രായം ഏപ്രിൽ 1-ന് 25 വയസ്സിൽ കൂടരുത്. അസിസ്റ്റന്റ് മാനേജർ സ്ഥാനാർത്ഥികളുടെ പ്രായം 28 വയസ്സിൽ കൂടരുത്. ആദ്യ വർഷം 29000, രണ്ടാമത്തേത് 31000, മൂന്നാം വർഷം 34000 രൂപ എന്നിങ്ങനെയാണ് ശമ്പളം .
ജോലി മാറ്റം
എക്സിക്യൂട്ടീവ് തസ്തികകളിലേക്കുള്ള നിയമനം ഒരു വർഷത്തെ കരാറിലാണ്. 3 വർഷം പൂർത്തിയാകുമ്പോൾ അസിസ്റ്റന്റ് മാനേജർ ഗ്രേഡ് എ തസ്തികയിലേക്ക് ഉദ്യോഗാർത്ഥികൾക്ക് അർഹതയുണ്ടാകും.
അസിസ്റ്റന്റ് മാനേജർ ഗ്രേഡ് എ
അസിസ്റ്റന്റ് മാനേജർ ഗ്രേഡ് എ തസ്തികകളിലേക്കുള്ള റിക്രൂട്ട്‌മെന്റ് പിജിഡിബിഎഫ് 2022-23-ലെ പ്രവേശനത്തിന്റെ അടിസ്ഥാനത്തിലായിരിക്കും. ഷോർട്ട്‌ലിസ്റ്റ് ചെയ്ത ഉദ്യോഗാർത്ഥികൾക്ക് ബാങ്കിംഗ് & ഫിനാൻസ് എന്നിവയിൽ ഒരു വർഷത്തെ പിജി ഡിപ്ലോമ കോഴ്‌സിന് കീഴിൽ പരിശീലനം നൽകും. കോഴ്‌സ് പൂർത്തിയാക്കിയ ശേഷം, ബാങ്ക് അസിസ്റ്റന്റ് മാനേജർ ഗ്രേഡ് എ തസ്തികയിലേക്ക് ഉദ്യോഗാർത്ഥിയെ നിയമിക്കും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...