Lok Sabha Election 2024: മധ്യപ്രദേശില്‍ കോണ്‍ഗ്രസ് സ്ഥാനാര്‍ത്ഥി അക്ഷയ് ബാം ബിജെപിയില്‍ ചേര്‍ന്നു

ന്യൂഡൽഹി: മധ്യപ്രദേശിൽ കോൺ​ഗ്രസ് സ്ഥാനാർത്ഥി അക്ഷയ് ബാം ബിജെപിയിലേക്ക്. ലോക്സഭ തിരഞ്ഞെടുപ്പിൽ കോൺ​ഗ്രസിനെ പ്രതിനിധീകരിച്ച് ഇൻഡോറിലെ മത്സരാർത്ഥിയായിരുന്നു അക്ഷയ്. പത്രിക പിൻവലിച്ച ശേഷമാണ് അക്ഷയ് ബാം ബിജെപിയിൽ ചേർന്നത്. ഇൻഡോർ ലോക്‌സഭാ സീറ്റിൽ സിറ്റിംഗ് എംപിയായ ശങ്കർ ലാൽവാനിക്കെതിരെ കോൺ​ഗ്സ് അക്ഷയിയെ രം​​ഗത്തിറക്കിയിരുന്നു. തിങ്കളാഴ്ച ബിജെപി എംഎൽഎ രമേശ് മെൻഡോളയ്‌ക്കൊപ്പമാണ് അക്ഷയ് പത്രിക പിൻവലിക്കാനായി എത്തിയത്. 

​ഗുജറാത്തിലെ സൂറത്ത് മണ്ഡലത്തിൽ ബിജെപി സ്ഥാനാർത്ഥി എതിരല്ലാതെ വിജയിച്ചിരുന്നു. ഇതിന് പിന്നാലെയാണ് അക്ഷയ് ബാം ബിജെപിയിലേക്ക് പോയത്. സാങ്കേതിക കാരണങ്ങളാലാണ് സൂറത്തിൽ എതിർ സ്ഥാനാർത്ഥികളുടെ പത്രിക തള്ളി പോയത്. ഇതിന് പിന്നാലെ ബിജെപി സ്ഥാനാർത്ഥി എതിരില്ലാതെ വിജയിക്കുകയായിരുന്നു. സൂറത്തിൽ നിലേഷ് കുംഭാനിയായിരുന്നു കോൺ​ഗ്സിന്റെ സ്ഥാനാർത്ഥി. എന്നാൽ ഇദ്ദേഹത്തിന്റെ നാമനിർദ്ദേശ പത്രികയിലെ ഒപ്പിലെ പൊരുത്തക്കേടാണ് പത്രിക തള്ളി പോകുന്നതിന് കാരണമായത്. ഇതിനു പുറമേ ബിഎസ്പി അടക്കം മറ്റ് എട്ട് സ്ഥാനാർത്ഥികൾ പത്രിക പിൻവലിക്കുകയും ചെയ്തതോടെ ബിജെപി സ്ഥാനാർത്ഥിയായ മുകേഷ് ധലാൽ എതിരില്ലാതെ തിരഞ്ഞെടുക്കപ്പെടുgകയായിരുന്നു. 

അതേസമയം നാമനിർദ്ദേശ പത്രിക പിൻവലിച്ച് ബിജെരിയിലെത്തിയ കോൺ​ഗ്രസ് സ്ഥാനാർ‍ത്ഥിയായിരുന്ന അക്ഷയ് ബാമിന് വൻ സ്വീകരണമാണ് ബിജെപി ഒരുക്കിയത്. ‘പ്രധാനമന്ത്രി നരേന്ദ്രമോദി, ബിജെപി ദേശീയ പ്രസിഡൻ്റ് ജെ പി നദ്ദ, മുഖ്യമന്ത്രി മോഹൻ യാദവ്, സംസ്ഥാന പ്രസിഡൻ്റ് വിഡി ശർമ എന്നിവരുടെ നേതൃത്വത്തിൽ അക്ഷയ് ബാമിനെ ബിജെപിയിലേക്ക് സ്വാ​ഗ​തം ചെയ്യുന്നുവെന്നാണ് മധ്യപ്രദേശ് മന്ത്രി കൈലാഷ് വിജയവർ​ഗീയ എക്സിൽ കുറിച്ചത്.