RapidX Train: ഇന്ത്യയിലെ ഏറ്റവും വേഗമുള്ള ട്രെയിൻ RapidX; 12 മിനിറ്റു കൊണ്ട് സഞ്ചരിക്കുന്ന ദൂരം എത്രയെന്നറിയാമോ?
India`s fastest train RapidX: റാപ്പിഡെക്‌സ് അതിവേഗ റെയിൽ പദ്ധതി 2025ൽ പൂർത്തിയാകുമെന്നാണ് പ്രതീക്ഷിക്കുന്നത്.
ന്യൂഡൽഹി: ഡൽഹി-എൻസിആർ മേഖലയിൽ താമസിക്കുന്നവർക്ക് സന്തോഷവാർത്ത. രാജ്യത്തെ ആദ്യത്തെ റീജിയണൽ റാപ്പിഡ് ട്രാൻസിറ്റ് സിസ്റ്റം (ആർആർടിഎസ്) ഇടനാഴി ഡൽഹിക്കും മീററ്റിനും ഇടയിൽ നിർമാണം പുരോഗമിക്കുകയാണ്. സാഹിബാബാദ് മുതൽ ദുഹായ് വരെയുള്ള അതിന്റെ പ്രവർത്തനങ്ങൾ നടന്നു കൊണ്ടിരിക്കുകയാണ്. റാപ്പിഡ് എക്സ് ട്രെയിനിന്റെ ട്രയൽ റണ്ണും ഇതിനൊപ്പം നടക്കുകയാണ്. റാപ്പിഡ് എക്സ് ട്രെയിൻ സാഹിബാബാദിൽ നിന്ന് ദുഹായ് ഡിപ്പോയിലേക്കുള്ള 17 കിലോമീറ്റർ ദൂരം വെറും 12 മിനിറ്റിനുള്ളിൽ പിന്നിടും എന്നതാണ് അതിന്റെ ഏറ്റവും വലിയ പ്രത്യേകത. ഈ റൂട്ടിൽ മണിക്കൂറിൽ 160 കിലോമീറ്റർ വേഗത്തിലാണ് റാപ്പിഡ് എക്സ് ട്രെയിൻ ഓടിയത്. മാത്രമല്ല 180 കിലോമീറ്റർ വേഗതയിൽ ഓടാൻ കഴിയും എന്നതും ഇതിന്റെ മറ്റൊരു സവിശേഷതയാണ്. അത്തരത്തിൽ രാജ്യത്തെ ഏറ്റവും വേഗതയേറിയ ട്രെയിനാണിത്.
ആർ‌ആർ‌ടി‌എസിന്റെ സാഹിബാബാദ്-ദുഹായ് വിഭാഗം ഉടൻ പൊതുജനങ്ങൾക്കായി തുറക്കും
പരീക്ഷണാർത്ഥം റാപ്പിഡ് എക്സ് ട്രാക്കിൽ ഓടുന്നുണ്ടെന്നും, ട്രെയിനിന്റെ പരീക്ഷണ ഓട്ടം രാവിലെ 6 മുതൽ രാത്രി 11 വരെയായിരിക്കുമെന്നും നാഷണൽ ക്യാപിറ്റൽ റീജിയൻ ട്രാൻസ്‌പോർട്ട് കോർപ്പറേഷൻ (എൻസിആർടിസി) അധികൃതർ അറിയിച്ചു. റാപ്പിഡെക്‌സ് അതിവേഗ റെയിൽ പദ്ധതി 2025ൽ പൂർത്തിയാകുമെന്നാണ് പ്രതീക്ഷിക്കുന്നത്. ഡൽഹി - ഗാസിയാബാദ് - മീററ്റ് റൂട്ടിന് 82 കിലോമീറ്റർ ദൈർഘ്യമുണ്ട്. ഉയർന്ന വേഗതയിൽ, RapidX ഡൽഹിയിൽ നിന്ന് മീററ്റിലേക്കുള്ള ദൂരം ഏകദേശം 60 മിനിറ്റിനുള്ളിൽ മറികടക്കുന്നു. എന്നാൽ വൈകാതെ സാഹിബാബാദിൽ നിന്ന് ദുഹായ് ഡിപ്പോയിലേക്ക് മുൻഗണനാ വിഭാഗത്തിൽ സാധാരണക്കാർക്ക് യാത്ര ചെയ്യാം. 17 കിലോമീറ്റർ ദൈർഘ്യമുള്ള സെക്ഷനിൽ സാഹിബാബാദ്, ഗാസിയാബാദ്, കുൽത്തർ, ദുഹായ്, ദുഹായ് ഡിപ്പോ എന്നിങ്ങനെ അഞ്ച് സ്റ്റേഷനുകളുണ്ട്.
RRTS റൂട്ടുകൾ സ്ഥാപിച്ച സ്ഥലങ്ങൾ
സാഹിബാബാദ്-ദുഹായ് ഡിപ്പോ സെക്ഷനിൽ റാപ്പിഡ് എക്സ് ട്രെയിനുകളുടെ പ്രവർത്തനത്തിന് കേന്ദ്ര സർക്കാരിന്റെ മെട്രോ റെയിൽ സുരക്ഷാ കമ്മീഷണർ അനുമതി നൽകിയിട്ടുണ്ട്. ഡൽഹി-മീററ്റിന് പുറമെ ഡൽഹി-ഗുരുഗ്രാം-എസ്എൻബി-ആൽവാർ, ഡൽഹി-പാനിപ്പത്ത് ആർആർടിഎസ് റൂട്ടുകളും ആസൂത്രണം ചെയ്തിട്ടുണ്ട്. ഡൽഹി - ഗുരുഗ്രാം - എസ്എൻപി - അൽവാർ മൂന്ന് ഘട്ടങ്ങളിലായി വികസിപ്പിക്കും. 107 കിലോമീറ്ററാണ് ആദ്യഭാഗം. ഡൽഹിയിലെ സരായ് കാലെ ഖാനിൽ നിന്ന് ആരംഭിച്ച് എസ്എൻബി അർബൻ കോംപ്ലക്‌സ് (ഷാജഹാൻപൂർ-നീമ്രാന-ബെഹ്‌റോർ) വരെ പോകും. ഡൽഹി-പാനിപ്പത്ത് റൂട്ട് മുർത്തൽ, കണ്ണൂർ, സമൽക്ക, പാനിപ്പത്ത് തുടങ്ങിയ നഗരങ്ങളെയും ഇത് ബന്ധിപ്പിക്കും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...