Home Ministry Recruitment 2022: ആഭ്യന്തര മന്ത്രാലയത്തിൽ ജോലി ഒഴിവുകൾ, വിശദാംശങ്ങൾ ഇങ്ങനെ

Home Ministry Recruitment 2022: കേന്ദ്ര ആഭ്യന്തര മന്ത്രാലയത്തിൽ വിവിധ ഒഴിവുകളിലേക്ക് അപേക്ഷ ക്ഷണിച്ചു. ലോ ഓഫീസർ, ചീഫ് സൂപ്പർവൈസർ, അഡ്മിൻ ഓഫീസർ എന്നീ തസ്തികകളിലേക്കാണ് റിക്രൂട്ട്‌മെൻറ്. ഡൽഹി ഉൾപ്പെടെ മുംബൈ, കൊൽക്കത്ത, ലഖ്‌നൗ എന്നീ 3 ബ്രാഞ്ച് ഓഫീസുകളിൽ കരാർ അടിസ്ഥാനത്തിലാണ് നിയമനം. ഉദ്യോഗാർത്ഥികൾ തപാൽ മുഖേനയോ ഇമെയിൽ വഴിയോ അപേക്ഷ അയക്കാം. ജൂൺ 24 ആണ് അവസാന തീയ്യതി. 42 ഒഴിവുകളാണുള്ളത്.

ഒഴിവുകളുടെ വിശദാംശങ്ങൾ

ലോ ഓഫീസർ ഗ്രേഡ് I- 02
ലോ ഓഫീസർ ഗ്രേഡ് II- 02
അഡ്മിൻ ഓഫീസർ- 02
ചീഫ് സൂപ്പർവൈസർ- 03
സൂപ്പർവൈസർ- 08
സർവേയർ- 26

ശമ്പളം ഇപ്രകാരം

ലോ ഓഫീസർ ഗ്രേഡ്-1-ന് പ്രതിമാസം 60,000 രൂപ, ലോ ഓഫീസർ ഗ്രേഡ്-2-ന് 35,000 രൂപ, അഡ്മിൻ ഓഫീസർക്ക് 45,000 രൂപ, ചീഫ് സൂപ്പർവൈസർ 60,000 രൂപ, സർവേയർ തസ്തികകളിൽ പ്രതിമാസം 25,000 രൂപയും ലഭിക്കും.

വിദ്യാഭ്യാസ യോഗ്യത

ലോ ഓഫീസർ തസ്തികയിലേക്ക് അപേക്ഷിക്കുന്നവർക്ക് ലോ പ്രാക്ടീസിൽ കുറഞ്ഞത് 5 വർഷത്തെ പ്രവൃത്തിപരിചയവും കമ്പ്യൂട്ടർ പരിജ്ഞാനവും ഉണ്ടായിരിക്കണം. എംബിഎ/ബിബിഎ യോഗ്യതയുള്ള ഉദ്യോഗാർത്ഥികൾക്ക് സൂപ്പർവൈസർ തസ്തികകളിലേക്ക് അപേക്ഷിക്കാം. 60 ശതമാനം മാർക്കോടെയുള്ള 12-ാ ക്ലാസ് ജയമാണ് സർവ്വേയർ തസ്തികയുടെ യോഗ്യത.

തിരഞ്ഞെടുപ്പ് 

അഭിമുഖത്തിന്റെ അടിസ്ഥാനത്തിലായിരിക്കും തിരഞ്ഞെടുപ്പ്. ഉദ്യോഗാർഥികൾ
 CEPI, ഡൽഹി ഹെഡ് ഓഫീസ്, ഫസ്റ്റ് ഫ്ലോർ ഈസ്റ്റ് വിംഗ്, ശിവാജി സ്റ്റേഡിയം, കൊണാട്ട് പ്ലേസ്, ന്യൂഡൽഹി-10001 എന്ന വിലാസത്തിൽ  അപേക്ഷകൾ സമർപ്പിക്കാം.കൂടാതെ, cepi.del@mha.gov.in എന്ന ഇ-മെയിൽ വഴിയും അപേക്ഷ അയയ്ക്കാം.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

ios Link - https://apple.co/3hEw2hy