Firecracker Explodes in Train: യാത്രക്കാരന്റെ കയ്യിലുണ്ടായിരുന്ന പടക്കം പൊട്ടിത്തെറിച്ച് ഓടുന്ന ട്രെയിനിൽ തീ പടർന്നു!

റോത്തക്: ദീപാവലി സീസണിൽ ട്രെയിൻ യാത്രയ്ക്കിടെ യാത്രക്കാരന്റെ കയ്യിലുണ്ടായിരുന്ന പടക്കം പൊട്ടിത്തെറിച്ചതിനെ തുടർന്ന് ഓടുന്ന ട്രെയിനിൽ തീ പടർന്നതായി റിപ്പോർട്ട്. സംഭവത്തിൽ ചില യാത്രക്കാർക്ക് നിസാരമായ പരിക്കേറ്റു.  

ഹരിയാനയിലെ റോത്തകിന് സമീപം തിങ്കളാഴ്ച വൈകുന്നേരത്തോടെയായിരുന്നു അപകടം നടന്നത്.  റിപ്പോർട്ടുകളുടെ അടിസ്ഥാനത്തിൽ 
ട്രെയിനിലെ ഇലക്ട്രിക്കൽ ഉപകരണത്തിൽ ഷോർട്ട് സർക്യൂട്ട് ഉണ്ടാകുകയും തത്ഫലമായി യാത്രക്കാരൻ കൊണ്ടുപോവുകയായിരുന്ന പടക്കങ്ങൾ പൊട്ടിത്തെറിച്ചതായും സംശയിക്കുന്നതായിട്ടാണ് റെയിൽവേ ഉദ്യോഗസ്ഥൻ പറഞ്ഞത്.  ഫോറൻസിക് വിദഗ്ധർ സംഭവ സ്ഥലത്തെത്തി പരിശോധന നടത്തിയിരുന്നു. കൂടുതൽ അന്വേഷണം നടത്തിവരികയാണെന്ന് അധികൃതർ അറിയിച്ചിട്ടുണ്ട്.

ജിന്ദിൽ നിന്ന് സാംപ്ല, ബഹദൂർഗഡ് വഴി ഡൽഹിയിലേക്ക് പോകുന്ന ട്രെയിനിലാണ് അപകടം നടന്നത്.  ഡൽഹിയിൽ നിന്ന് ജിന്ദിലേക്ക് പുറപ്പെട്ട ട്രെയിനിലാണ് തീ പടർന്നത്. സാംപ്ല, ബഹദൂർഗഡ് എന്നിവിടങ്ങളിലൂടെയായിരുന്നു ട്രെയിൻ പോവേണ്ടിയിരുന്നത്. വളരെ പെട്ടന്ന് തന്നെ കംപാർട്ട്മെന്റിൽ പുക നിറയുകയും തീ പടരുകയുമായിരുന്നുവെന്നാണ് റെയിൽവേ പോലീസ് സംഭവത്തേക്കുറിച്ച് പറഞ്ഞത്.  മറ്റ് കംപാർട്ട്മെന്റിലേക്ക് തീ പടരുന്നതിന് മുൻപ് തീ അണയ്ക്കാനായത് വലിയ അപകടം ഒഴിവായി.