Odisha Train Accident: ഒഡീഷ ട്രെയിൻ അപകടം: മൂന്ന് റെയിൽവേ ഉദ്യോഗസ്ഥർക്കെതിരെ സിബിഐ കുറ്റപത്രം സമർപ്പിച്ചു
Odisha train accident updates: സിബിഐയെ കൂടാതെ റെയിൽവേ ബോർഡിന് വേണ്ടി റെയിൽവേ സേഫ്റ്റി കമ്മീഷണറും (സിആർഎസ്) വിഷയം അന്വേഷിച്ചിട്ടുണ്ട്.
ഒഡീഷ: ബാലസോറിലെ ഏറ്റവും വലിയ ട്രെയിൻ അപകടത്തിൽ കേന്ദ്ര ഇന്റലിജൻസ് ഏജൻസി (സി.ബി.ഐ) കർശന നടപടി സ്വീകരിച്ചു. ട്രെയിൻ അപകടക്കേസിലെ പ്രതികളായ അരുൺ മഹോന്തോ, മുഹമ്മദ് അമീർ ഖാൻ, പപ്പു എന്നിവർക്കെതിരെ സിബിഐ കുറ്റപത്രം സമർപ്പിച്ചു. ഐപിസി 304 പാർട്ട് 2, 34 ആർ/ഡബ്ല്യു 201 ഐപിസി, 153 റെയിൽവേ ആക്ട് എന്നിവ പ്രകാരമാണ് ഭുവനേശ്വർ കോടതിയിൽ കുറ്റപത്രം സമർപ്പിച്ചിരിക്കുന്നത്. കൊലപാതകം, തെളിവ് നശിപ്പിക്കൽ എന്നീ കുറ്റങ്ങളാണ് ഇവർക്കെതിരെ ചുമത്തിയിരിക്കുന്നത്. ജൂലായ് 7നാണ് ഈ മൂവരെയും സിബിഐ അറസ്റ്റ് ചെയ്തതെന്നാണ് അറിയുന്നത്.
ALSO READ: പറഞ്ഞാട്ടേ...! ഫ്രിഡ്ജിൽ സൂക്ഷിച്ചാൽ വിഷമാകുന്ന പഴം ഏതാണ്?
സിബിഐയെ കൂടാതെ റെയിൽവേ ബോർഡിന് വേണ്ടി റെയിൽവേ സേഫ്റ്റി കമ്മീഷണറും (സിആർഎസ്) വിഷയം അന്വേഷിച്ചിട്ടുണ്ട്. ജൂലൈ മൂന്നിന് സിആർഎസ് 40 പേജുള്ള റിപ്പോർട്ട് ബോർഡിന് സമർപ്പിച്ചു. ഇതനുസരിച്ച് ലെവൽ ക്രോസിങ് ലൊക്കേഷൻ ബോക്‌സിനുള്ളിലെ കമ്പികൾ തെറ്റായി ലേബൽ ചെയ്‌തതിനെ തുടർന്ന് ഓട്ടോമാറ്റിക് സിഗ്നൽ സംവിധാനത്തിൽ തകരാർ സംഭവിച്ചെന്നാണ് റിപ്പോർട്ട്. അത് അപകടത്തിന് കാരണമായി. ക്രോസിംഗ് ലൊക്കേഷൻ ബോക്സിലെ വയറുകളുടെ തെറ്റായ ലേബൽ വർഷങ്ങളോളം കണ്ടെത്താനായില്ല.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...