Odisha Train Accident: ഒഡീഷ ട്രെയിൻ അപകടത്തിൽ മരിച്ചവരുടെ എണ്ണം 278, ഇനിയും തിരിച്ചറിയാനാകാതെ 100 ലധികം മൃതദേഹങ്ങൾ
Odisha Train Accident: ഒഡീഷ ട്രെയിൻ അപകടത്തിന്‍റെ അന്വേഷണം ഏറ്റെടുക്കുന്നതിന് മുന്നോടിയായി 10 അംഗ സിബിഐ സംഘം ഇതിനോടകം അപകട സ്ഥലം സന്ദര്‍ശിച്ചു.
New Delhi: മൂന്ന് പേർ കൂടി മരണത്തിന് കീഴടങ്ങിയതോടെ ഒഡീഷയിലെ ട്രിപ്പിൾ ട്രെയിൻ അപകടത്തിൽ മരിച്ചവരുടെ എണ്ണം 278 ആയി ഉയർന്നു.
ജൂൺ 2ന് നടന്ന ബാലസോർ ട്രെയിൻ അപകടത്തിൽ 278 മരണങ്ങൾക്ക് പുറമെ 1,100 പേർക്ക് പരിക്കേറ്റതായി ഇന്ത്യൻ റെയിൽവേ പുറത്തുവിട്ട പ്രസ്താവനയില്‍ പറയുന്നു. മരിച്ചവരുടെ എണ്ണം നേരത്തെ 288 ആയിരുന്നു. ഞായറാഴ്ച അത് ഒഡീഷ സർക്കാർ 275 ആയി പുതുക്കി. ചില മൃതദേഹങ്ങൾ രണ്ടുതവണ എണ്ണിയെന്നായിരുന്നു ഈ വിഷയത്തില്‍ ഒഡീഷ സർക്കാർ അവകാശപ്പെട്ടത്.
മരിച്ച 278 പേരില്‍ 177 പേരുടെ മൃതദേഹങ്ങള്‍ തിരിച്ചറിഞ്ഞതായി ഖുർദ റോഡ് ഡിവിഷണൽ റെയിൽവേ മാനേജർ (ഡിആർഎം) റിങ്കേഷ് റേ പറഞ്ഞു, 101 പേരെ ഇനിയും തിരിച്ചറിയാനുണ്ട് , അവകാശപ്പെടാത്ത മൃതദേഹങ്ങൾ ആറ് വ്യത്യസ്ത ആശുപത്രികളിൽ സൂക്ഷിച്ചിരിക്കുന്നു. പരിക്കേറ്റ 1100 പേരിൽ 200ൽ താഴെ പേർ മാത്രമാണ് ഇപ്പോള്‍ വിവിധ ആശുപത്രികളിൽ ചികിത്സയിലുള്ളത്, അദ്ദേഹം പറഞ്ഞു.
അതേസമയം, ഒഡീഷ ട്രെയിൻ അപകടത്തിന്‍റെ അന്വേഷണം ഏറ്റെടുക്കുന്നതിന് മുന്നോടിയായി സിബിഐ സംഘം ഇതിനോടകം അപകട സ്ഥലം സന്ദര്‍ശിച്ചു. 10 അംഗ സിബിഐ സംഘമാണ് തിങ്കളാഴ്ച ബാലസോർ ട്രെയിൻ അപകടസ്ഥലം സന്ദർശിച്ച് ട്രിപ്പിൾ ട്രെയിൻ അപകടത്തെക്കുറിച്ച് അന്വേഷണം ആരംഭിച്ചിരിയ്ക്കുന്നത്.
നടപടിക്രമങ്ങൾ അനുസരിച്ച്, ജൂൺ 3 ന് ഒഡീഷ പോലീസ് രജിസ്റ്റർ ചെയ്ത ബാലസോർ ജിആർപി കേസ് നമ്പർ 64 സിബിഐ ഏറ്റെടുക്കുമെന്ന് ഔദ്യോഗിക വൃത്തങ്ങൾ അറിയിച്ചു, അന്വേഷണ ചുമതല ഡല്‍ഹി ആസ്ഥാനത്തെ പ്രത്യേക ക്രൈം യൂണിറ്റിന് അനുവദിക്കാൻ സാധ്യതയുണ്ട്.
വിവിധ ഐപിസി സെക്ഷൻ 37, 38 (അശ്രദ്ധമൂലമോബന്ധപ്പെട്ട മറ്റ് നടപടികളിലൂടെ ജീവൻ അപകടത്തിലാക്കുക), 304 എ (അശ്രദ്ധമൂലമുള്ള മരണം), 34 (പൊതു ഉദ്ദേശ്യം), സെക്ഷൻ 153 (നിയമവിരുദ്ധവും അശ്രദ്ധവുമായ അപകടപ്പെടുത്തുന്ന നടപടി) എന്നിവ പ്രകാരം കേസ് രജിസ്റ്റർ ചെയ്തിട്ടുണ്ട്. റെയിൽവേ യാത്രക്കാരുടെ ജീവിതം), റെയിൽവേ നിയമത്തിലെ 154, 175 എന്നിവയും ഉള്‍പ്പെടുത്തിയിട്ടുണ്ട്.
അപകടത്തിൽ സിബിഐ അന്വേഷണത്തിന് ശുപാർശ ചെയ്തതായി റെയിൽവേ മന്ത്രി അശ്വിനി വൈഷ്ണവ് ഞായറാഴ്ച അറിയിച്ചിരുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...