Reserve Bank Of India: പത്തിന്റെയും നൂറിന്റെയും നോട്ടുകൾ പിൻവലിക്കുന്നോ? വ്യക്തത വരുത്തി ആർബിഐ
RBI: പഴയ നോട്ടുകൾ പിൻവലിക്കാൻ ആർബിഐ പദ്ധതിയിടുന്നതായി ചില റിപ്പോർട്ടുകൾ പുറത്ത് വന്ന പശ്ചാത്തലത്തിലാണ് ആർബിഐയുടെ വിശദീകരണം.
പഴയ 5, 10, 100 രൂപ നോട്ടുകൾ സംബന്ധിച്ച് സുപ്രധാന പ്രഖ്യാപനം നടത്തി റിസർവ് ബാങ്ക് (ആർബിഐ). ഈ പഴയ നോട്ടുകൾ പിൻവലിക്കാൻ ആർബിഐ പദ്ധതിയിടുന്നതായി ചില റിപ്പോർട്ടുകൾ പുറത്ത് വന്ന പശ്ചാത്തലത്തിലാണ് ആർബിഐയുടെ വിശദീകരണം. കള്ളനോട്ടിന്റെ ഭീഷണി ഒഴിവാക്കാൻ ആർബിഐ ചിലപ്പോൾ പഴയ നോട്ടുകൾ അസാധുവാക്കാറുണ്ട്.
ഔദ്യോഗിക പ്രഖ്യാപനത്തിന് ശേഷം അസാധുവാക്കിയ പഴയ നോട്ടുകളെല്ലാം ബാങ്കിൽ നിക്ഷേപിക്കണം. ആളുകൾ അവരുടെ ബാങ്ക് അക്കൗണ്ടുകളിൽ നിക്ഷേപിക്കുന്ന നോട്ടുകളുടെ ആകെ മൂല്യം ഒന്നുകിൽ അവരുടെ ബാങ്ക് അക്കൗണ്ടുകളിൽ നിക്ഷേപിക്കുകയോ അല്ലെങ്കിൽ പഴയ നോട്ടുകൾക്ക് പകരം പുതിയ നോട്ടുകൾ നൽകുകയോ ചെയ്യും.
രണ്ട് വർഷം മുമ്പ് ആർബിഐ പുതിയ 100 രൂപ നോട്ട് പുറത്തിറക്കിയിരുന്നു. പർപ്പിൾ നിറത്തിലാണ് പുതിയ 100 രൂപ നോട്ട് പുറത്തിറക്കിയത്. പുതിയ നോട്ടുകൾ പുറത്തിറക്കുമെങ്കിലും പഴയ 100 രൂപ നോട്ടുകൾ തുടർന്നും ഉപയോഗിക്കുമെന്നും സാധുതയുള്ള പണമായി കണക്കാക്കുമെന്നും ആർബിഐ അസിസ്റ്റന്റ് ജനറൽ മാനേജർ പി മഹേഷ് പറഞ്ഞു.
15 വർഷം മുമ്പ് 10 രൂപ നാണയം അവതരിപ്പിച്ചെങ്കിലും കടയുടമകളും വ്യാപാരികളും ഇപ്പോഴും 10 രൂപയുടെ നാണയം സ്വീകരിക്കുന്നത് കുറവാണ്. അതിന്റെ സാധുതയെക്കുറിച്ച് കിംവദന്തികൾ വ്യാപകമായിരിക്കുന്നതിനാലാണിത്. ഇതുമൂലം റിസർവ് ബാങ്കിൽ 10 രൂപ നാണയങ്ങൾ വർധിച്ചിരിക്കുകയാണ്. 10 രൂപ നാണയം പ്രചാരത്തിൽ നിന്ന് നീക്കം ചെയ്യാൻ പദ്ധതിയില്ലെന്ന് ആർബിഐ അസിസ്റ്റന്റ് ജനറൽ മാനേജർ പി. മഹേഷ് പറഞ്ഞു.
ALSO READ: RBI on Inflation: അവശ്യസാധനങ്ങളുടെ വിലക്കയറ്റം, ആർബിഐ ഗവർണർ പറയുന്നത്
10 രൂപ നാണയം മുമ്പത്തെപ്പോലെ വിപണിയിൽ പ്രചരിക്കുന്നത് തുടരുന്നുവെന്ന് ഉറപ്പാക്കാൻ ബാങ്കുകൾ എല്ലാ നടപടികളും സ്വീകരിക്കണമെന്നും അദ്ദേഹം പറഞ്ഞു. ചില കറൻസി നോട്ടുകൾ അസാധുവാണെന്ന തരത്തിൽ സോഷ്യൽ മീഡിയയിൽ ഇടയ്ക്കിടെ പ്രചരിക്കുന്ന അഭ്യൂഹങ്ങൾ വിശ്വസിക്കരുതെന്ന് ആർബിഐ അറിയിച്ചു. ഔദ്യോഗിക പ്രഖ്യാപനങ്ങൾ മാത്രമേ വിശ്വാസത്തിലെടുക്കാവൂവെന്ന് ആർബിഐ വ്യക്തമാക്കുന്നു. കറൻസി നോട്ട് അസാധുവായി പരിഗണിക്കുന്ന വ്യവസ്ഥകൾ സംബന്ധിച്ച് ആർബിഐ ചില വിശദീകരണങ്ങളും നൽകിയിട്ടുണ്ട്.
നോട്ടുകൾ വളരെ വൃത്തികെട്ടതും മലിനമായതും ആണെങ്കിൽ അത്തരം സന്ദർഭങ്ങളിൽ അവ അസാധുവായ നോട്ടുകളായി കണക്കാക്കുന്നു. നോട്ടുകളുടെ ദീർഘകാല ഉപയോഗം കാരണം പലപ്പോഴും നോട്ടുകൾ കീറിയാൽ അവ അസാധുവായി കണക്കാക്കുന്നു. അരികിൽ നിന്ന് മധ്യത്തിലേക്ക് കീറിയ നോട്ടുകൾ അസാധുവാണ്. 8 ചതുരശ്ര മില്ലിമീറ്ററിൽ കൂടുതൽ ദ്വാരങ്ങളുള്ള നോട്ടുകൾ അസാധുവായ നോട്ടുകളായി കണക്കാക്കുന്നു.
പേനയുടെ മഷി നോട്ടിൽ തളിച്ചിട്ടുണ്ടെങ്കിൽ അത് അസാധുവാണ്. നോട്ടിൽ പേനകൊണ്ട് എഴുതിയാൽ നോട്ട് അസാധുവാകും. നോട്ടിന്റെ നിറം മങ്ങിയാൽ അത് അസാധുവാകും. നോട്ടിൽ ടേപ്പ്, പശ മുതലായവ ഉപയോഗിച്ചിട്ടുണ്ടെങ്കിൽ അത്തരം നോട്ട് അസാധുവായ നോട്ടായി കണക്കാക്കും. നോട്ടിന്റെ നിറം മാറിയാൽ അത്തരം നോട്ടുകളും അസാധുവായി കണക്കാക്കും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...