LIC Saral Pension Policy: പെൻഷനായി മാത്രം 12000 രൂപ കിട്ടുന്നൊരു എൽഐസി പ്ലാൻ, ഇതാണ് കാര്യം
നിങ്ങൾക്ക് കുടുംബത്തിനെ ഭദ്രമാക്കുകയാണ് ഉദ്ദേശമെങ്കിൽ എൽഐസി ജീവൻ സരൾ പ്ലാനാണ് ഏറ്റവും സുരക്ഷിതമായ ഓപ്ഷൻ
ഇൻഷുറൻസ് എടുക്കാൻ പദ്ധതിയുള്ളവർക്കുള്ള എറ്റവും നല്ല ഓപ്ഷനുകളിലൊന്നാണ് ലൈഫ് ഇൻഷുറൻസ് കോർപ്പറേഷൻ അല്ലെങ്കിൽ എൽഐസി ഓഫ് ഇന്ത്യ .കോവിഡ് കാലത്താണ് ശരിക്കും ഒരു ഇൻഷുറൻസ് ഉണ്ടായിരിക്കേണ്ടതിന്റെ ആവശ്യകത വർദ്ധിച്ചത്.
നിങ്ങൾക്ക് പലർക്കും ഇൻഷുറൻസിൻറെ ആവശ്യം പലതായിരിക്കും. ഇത്തരത്തിൽ നിങ്ങൾക്ക് കുടുംബത്തിനെ ഭദ്രമാക്കുകയാണ് ഉദ്ദേശമെങ്കിൽ എൽഐസി ജീവൻ സരൾ പ്ലാനാണ് ഏറ്റവും സുരക്ഷിതമായ ഓപ്ഷൻ. ഇൻഷുറൻസ് എടുക്കുന്നയാൾക്ക് പ്രീമിയം അടയ്‌ക്കുന്ന തുകയും രീതിയും തിരഞ്ഞെടുക്കാനുള്ള പ്ലാനാണ് ജീവൻ സരൾ. 40 വയസ്സ് മുതൽ 80 വയസ്സ് വരെയുള്ളവർക്ക് ഈ പദ്ധതിക്ക് അർഹതയുണ്ട്.
പോളിസി ഉടമയ്ക്ക് ഈ സ്കീമിന് കീഴിൽ പ്രതിമാസ, ത്രൈമാസ, അർദ്ധ വാർഷിക അല്ലെങ്കിൽ വാർഷിക പെൻഷൻ തിരഞ്ഞെടുക്കാം. പോളിസി ഉടമക്കോ നോമിനിക്കോ 60 വയസ്സ് തികയുമ്പോൾ പെൻഷൻ ലഭിക്കും. എല്ലാ മാസവും 12,000 രൂപ നിക്ഷേപകർക്ക് ലഭിക്കും.പോളിസി കാലയളവിലുടനീളം അല്ലെങ്കിൽ മരണം വരെ പ്രീമിയം തുക ശമ്പളത്തിൽ നിന്ന് സ്വയമേവ കുറയ്ക്കും.
പോളിസിയുടെ ആരംഭത്തിൽ തന്നെ ആന്വിറ്റി നിരക്കുകൾ ഉറപ്പുനൽകുന്നു, ആന്വിറ്റിയുടെ (ആനുവിറ്റികളുടെ) ജീവിതകാലം മുഴുവൻ ആന്വിറ്റികൾ നൽകപ്പെടും. ഈ പ്ലാൻ ഓഫ്‌ലൈനായും ഓൺലൈനായും എൽഐസിയുടെ വെബ്‌സൈറ്റ് www.licindia.in വഴി വാങ്ങാമെന്നും എൽഐസി അറിയിച്ചു.
എന്താണ് ആന്വിറ്റി
നിങ്ങളുടെ ജീവിതകാലം മുഴുവൻ ഓരോ വർഷവും നിങ്ങൾക്ക് ലഭിക്കുന്ന ഒരു നിശ്ചിത തുകയാണ് ആന്വിറ്റി. നിങ്ങൾക്കും ഇൻഷുറൻസ് കമ്പനിക്കും ഇടയിലുള്ള ഒരു കരാറാണിത്. ഒറ്റത്തവണ അടയ്‌ക്കുകയോ നിരവധി തവണകൾ അടയ്‌ക്കുകയോ ചെയ്‌തതിന് ശേഷം ആജീവനാന്ത സ്ഥിര പേയ്‌മെന്റ് നേടാൻ ഇത് നിങ്ങളെ സഹായിക്കുന്നു.
എൽഐസി സരൾ പെൻഷൻ യോജന ഓപ്ഷനുകൾ
100 ശതമാനം റിട്ടേണോടുകൂടിയ ലൈഫ് ആന്വിറ്റിയാണ് പ്ലാനിൻറെ പ്രത്യേകത.പോളിസിയുടെ ആനുകൂല്യങ്ങൾ നിക്ഷേപകർക്ക് മാത്രമായിരിക്കും. പോളിസി ഉടമ ജീവിച്ചിരിക്കുന്ന സമയം വരെ പ്രതിമാസ പേഔട്ട് ഉണ്ടായിരിക്കും.പോളിസി ഉടമ മരിച്ചാൽ പ്രീമിയം നോമിനിക്ക് ലഭിക്കും.സ്കീം ആരംഭിച്ച് 6 മാസത്തിന് ശേഷം പോളിസി ഹോൾഡർക്ക് അതിനെതിരെ വായ്പയെടുക്കാമെന്നതും ശ്രദ്ധിക്കേണ്ടതാണ്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...