Mysuru Accident: മൈസൂരു വാഹനാപകടം: മലയാളി വിദ്യാർത്ഥിനിയും സുഹൃത്തുമുൾപ്പെടെ മൂന്നുപേർ മരിച്ചു

ബെംഗളൂരു: മൈസൂരുവിൽ കാർ സ്‌കൂട്ടറിലിടിച്ച് മലയാളി വിദ്യാർത്ഥിനി ഉൾപ്പെടെ മൂന്നുപേർക്ക് ദാരുണാന്ത്യം. തൃശൂർ സ്വദേശി ശിവാനി, സുഹൃത്ത് മൈസൂരു സ്വദേശി ഉല്ലാസ്, ഭക്ഷണ വിതരണ ജീവനക്കാരനായ മറ്റൊരു മൈസൂരു സ്വദേശിയുമാണ് മരണമടഞ്ഞത്.

മരണമടഞ്ഞ ശിവാനി മൈസൂരു അമൃത വിശ്വവിദ്യാ പീഠത്തിലെ അവസാനവർഷ ബിസിഎ വിദ്യാർത്ഥിനി ആയിരുന്നു.  അപകടം നടന്നത് ശനിയാഴ്ച രാത്രിയായിരുന്നു.  ശിവാനിയും സുഹൃത്തും സഞ്ചരിച്ചിരുന്ന സ്‌കൂട്ടറിൽ നിയന്ത്രണം വിട്ടെത്തിയ കാർ ഇടിക്കുകയായിരുന്നു എന്നാണ് റിപ്പോർട്ട്. 

അപകടം നടന്ന ഉടൻ തന്നെ രണ്ടുപേരേയും ആശുപത്രിയിലെത്തിച്ചെങ്കിലും രക്ഷിക്കാനായില്ല. ഇവരുടെ സ്‌കൂട്ടറിനു പുറമെ മറ്റ് രണ്ട് ഇരുചക്ര വാഹനങ്ങൾ കാർ ഇടിച്ചു തെറിപ്പിക്കുകയായിരുന്നു. അതിലൊരു വാഹനത്തിൽ സഞ്ചരിച്ചിരുന്ന ആളാണ് മരിച്ച മൂന്നാമൻ. അപകടത്തിൽ പോലീസ് കേസെടുത്തിട്ടുണ്ട്. ശിവാനിയുടെ മൃതദേഹം പോസ്റ്റുമോർട്ടത്തിന് ശേഷം നാട്ടിലേക്ക് കൊണ്ടുപോയി. സംസ്ക്കാരം ഇന്ന് നടക്കും

<iframe allow="accelerometer;" autoplay;="" encrypted-media;="" gyroscope;="" picture-in-picture"="" allowfullscreen="" frameborder="0" height="350" src="https://zeenews.india.com/malayalam/live-tv/embed?autoplay=1&mute=1" width="100%">