Tripura Assembly Elections 2023: ത്രിപുരയില്‍ ആധിപത്യം തുടരാന്‍ BJP, പയറ്റിനോക്കാന്‍ മമത ബാനര്‍ജി, നേതാക്കളുടെ റാലി ഇന്ന്
Tripura Assembly Elections 2023: ത്രിപുര നിയമസഭാ തിരഞ്ഞെടുപ്പ് പ്രചാരണ പരിപാടികളുടെ ഭാഗമായി കേന്ദ്ര ആഭ്യന്തര മന്ത്രി അമിത് ഷാ ഇന്ന് ത്രിപുര സന്ദർശിക്കും. BJPയുടെ പ്രചാരണത്തിന് ഉത്തേജനം നൽകുന്നതിനായി അദ്ദേഹം നിരവധി റോഡ് ഷോകളിൽ പങ്കെടുക്കും
Tripura Assembly Elections 2023: ത്രിപുര നിയമസഭ തിരഞ്ഞെടുപ്പില്‍ പോരാട്ടത്തിനുറച്ച് BJPയും തൃണമൂല്‍ കോണ്‍ഗ്രസും... ത്രിപുര നിയമസഭാ തിരഞ്ഞെടുപ്പ് പ്രചാരണ പരിപാടികളുടെ ഭാഗമായി കേന്ദ്ര ആഭ്യന്തര മന്ത്രി അമിത് ഷായും TMC അദ്ധ്യക്ഷ മമതാ ബാനർജിയും തിങ്കളാഴ്ച ത്രിപുരയില്‍ പര്യടനം നടത്തുകയും നിരവധി റാലികളെ അഭിസംബോധന ചെയ്യുകയും ചെയ്യും.
ത്രിപുര നിയമസഭാ തിരഞ്ഞെടുപ്പ് പ്രചാരണ പരിപാടികളുടെ ഭാഗമായി കേന്ദ്ര ആഭ്യന്തര മന്ത്രി അമിത് ഷാ ഇന്ന് ത്രിപുര സന്ദർശിക്കും. സംസ്ഥാനത്ത് ഭാരതീയ ജനതാ പാർട്ടിയുടെ പ്രചാരണത്തിന് ഉത്തേജനം നൽകുന്നതിനായി അദ്ദേഹം നിരവധി റോഡ് ഷോയിൽ പങ്കെടുക്കും. പര്യടനത്തിൽ അമിത് ഷാ ദക്ഷിണ ത്രിപുരയിലെ സന്തിർബസാറിലും ഖോവായിലും വിജയ് സങ്കൽപ് റാലിയെ അഭിസംബോധന ചെയ്യുകയും അഗർത്തലയിലെ വ്സാലിപൂർ മണ്ഡലത്തിൽ റോഡ് ഷോയിൽ പങ്കെടുക്കുകയും ചെയ്യും. കഴിഞ്ഞ മാസം ത്രിപുരയിൽ നടന്ന രണ്ട് രഥയാത്രകളിൽ അമിത് ഷാ പങ്കെടുത്തിരുന്നു.
Also Read: Wealth and Money: അഭീഷ്ടസിദ്ധിക്കായി തിങ്കളാഴ്ച്ച ഇക്കാര്യങ്ങള്‍ അനുഷ്ഠിക്കാം
അതേസമയം, കേന്ദ്ര ആഭ്യന്തര മന്ത്രി അമിത് ഷായുടെ സന്ദർശനം കണക്കിലെടുത്ത് വടക്കുകിഴക്കൻ സംസ്ഥാനത്ത് സുരക്ഷ ശക്തമാക്കിയതായി മുതിർന്ന പോലീസ് ഉദ്യോഗസ്ഥൻ അറിയിച്ചു.
അതേസമയം, തൃണമൂൽ കോൺഗ്രസ് അദ്ധ്യക്ഷയും പശ്ചിമ ബംഗാൾ മുഖ്യമന്ത്രിയുമായ മമത ബാനർജിയും തിങ്കളാഴ്ച സംസ്ഥാനത്തെത്തും. ചൊവ്വാഴ്ച റോഡ്‌ഷോകളില്‍ പങ്കെടുക്കുന്ന അവര്‍ പൊതുയോഗത്തെ അഭിസംബോധന ചെയ്ത് സംസാരിക്കും.
തിങ്കളാഴ്ച വൈകുന്നേരത്തോടെ ത്രിപുരേശ്വരി ക്ഷേത്രത്തിൽ ദര്‍ശനം നടത്തിയാണ് മമ തന്‍റെ പരിപാടി ആരംഭിക്കുന്നത്. മമത ബാനർജി ചൊവ്വാഴ്ച അഗർത്തലയിൽ റോഡ്‌ഷോ നടത്തുകയും രബീന്ദ്ര ഭവനിൽ റാലിയെ അഭിസംബോധന ചെയ്യുകയും ചെയ്യും. പാർട്ടി ദേശീയ ജനറൽ സെക്രട്ടറി അഭിഷേക് ബാനർജിയും പരിപാടികളില്‍ പങ്കെടുക്കും.
അതേസമയം, മമത ബാനര്‍ജിയുടെ സന്ദര്‍ശനത്തിന് ഒരു ദിവസം മുന്‍പ് TMC ത്രിപുര നിയമസഭാ തിരഞ്ഞെടുപ്പിനുള്ള പ്രകടനപത്രിക പുറത്തിറക്കി. രണ്ട് ലക്ഷം പുതിയ തൊഴിലവസരങ്ങൾ സൃഷ്ടിക്കുമെന്നും തൊഴിലില്ലാത്ത യുവാക്കൾക്ക് പ്രതിമാസം 1000 രൂപ അലവൻസും പശ്ചിമ ബംഗാൾ പോലുള്ള സാമൂഹിക ക്ഷേമ പദ്ധതികളും പ്രകടനപത്രികയില്‍ വാഗ്ദാനം ചെയ്യുന്നു.
ത്രിപുരയിൽ പാർട്ടി അധികാരത്തിലെത്തിയാൽ ആദ്യ വർഷം തന്നെ 50,000 പുതിയ തൊഴിലവസരങ്ങളും അഞ്ച് വർഷത്തിനുള്ളിൽ രണ്ട് ലക്ഷം തൊഴിലവസരങ്ങളും സൃഷ്ടിക്കുമെന്ന് പശ്ചിമ ബംഗാൾ വിദ്യാഭ്യാസ മന്ത്രി ബ്രത്യ ബസു വാര്‍ത്താ സമ്മേളനത്തില്‍ പറഞ്ഞു. കഴിഞ്ഞ 11 വർഷത്തിനിടെ രാജ്യത്ത് മറ്റൊരു സംസ്ഥാനവും പശ്ചിമ ബംഗാളിനെപ്പോലെ വികസിച്ചിട്ടില്ലെന്ന് അവകാശപ്പെട്ട അദ്ദേഹം, 'വികസനത്തിന്‍റെ ബംഗാൾ മാതൃക' അനുസരിച്ചാണ് പ്രകടന പത്രിക തയ്യാറാക്കിയിരിക്കുന്നതെന്നും പറഞ്ഞു.
ഫെബ്രുവരി 16ന് നടക്കുന്ന തെരഞ്ഞെടുപ്പിൽ 28 നിയമസഭാ സീറ്റുകളിലാണ് ടിഎംസി മത്സരിക്കുന്നത്.
60 അംഗ ത്രിപുര നിയമസഭയിലേക്കുള്ള വോട്ടെടുപ്പ് ഫെബ്രുവരി 16നാണ്. മാർച്ച് രണ്ടിന് വോട്ടെണ്ണൽ നടക്കും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...