HMPV In India: ഇന്ത്യയിൽ 2 HMPV കേസുകൾ; രോഗബാധ 3, 8 മാസം പ്രായമുള്ള കുഞ്ഞുങ്ങളിൽ, ജാഗ്രത നിർദ്ദേശം

ഇന്ത്യയിൽ രണ്ട് എച്ച്എംപിവി കേസുകൾ സ്ഥിരീകരിച്ചു. കേന്ദ്ര ആരോഗ്യ മന്ത്രാലയമാണ് ഇക്കാര്യം അറിയിച്ചത്. 

കർണാടകയിലെ മൂന്ന് മാസവും, ആറ് മാസവും പ്രായമുള്ള കുഞ്ഞുങ്ങൾക്കാണ് രോഗബാധ സ്ഥിരീകരിച്ചത്. മൂന്ന് മാസം പ്രായമുള്ള കുട്ടി ആശുപത്രിയില്‍നിന്ന് ഡിസ്ചാര്‍ജ് ചെയ്തു. എട്ടുമാസം പ്രായമുള്ള കുട്ടി സുഖംപ്രാപിച്ച് വരികയാണെന്നും അധികൃതര്‍ വ്യക്തമാക്കി.

രണ്ട് കുട്ടികൾക്കും യാത്ര പശ്ചാത്തലമില്ലെന്നും രോഗ ബാധ എവിടെ നിന്നാണ് വന്നതെന്ന് പരിശോധിക്കുമെന്നും ആരോഗ്യവകുപ്പ് അറിയിച്ചു.

ഇന്ത്യന്‍ കൗണ്‍സില്‍ ഓഫ് മെഡിക്കല്‍ റിസര്‍ച്ചിന്റെ (ഐസിഎംആര്‍) പതിവ് നിരീക്ഷണത്തിലാണ് എച്ച്.എം.പി.വി കേസുകള്‍ തിരിച്ചറിഞ്ഞത്.

ഹ്യൂമൻ മെറ്റാന്യൂമോ വൈറസിന്റെ ഇന്ത്യയിൽ റിപ്പോർട്ട് ചെയ്യുന്ന ആദ്യത്തെ കേസുകളാണിത്.  ചൈനീസ് വേരിയന്റ് ആണോ എന്നതിൽ സ്ഥിരീകരണമില്ല. സ്വകാര്യ ആശുപത്രിയിലെ ലാമ്പ് പരിശോധനയിലാണ് രോഗബാധ സ്ഥിരീകരിച്ചത്. രോഗബാധ സ്ഥിരീകരിച്ച സാഹചര്യത്തിൽ എല്ലാ സംസ്ഥാനങ്ങളും ജാഗ്രത പാലിക്കണമെന്ന് ആരോഗ്യമന്ത്രാലയം മുന്നറിയിപ്പ് നൽകി.