Viral Video: കൂറ്റൻ പെരുമ്പാമ്പിനെ പിടിക്കുന്ന വൃദ്ധനും ആൺകുട്ടിയും; ഞെട്ടിത്തരിച്ച് സോഷ്യൽ മീഡിയ- വീഡിയോ

ഒരു വൃദ്ധനും ആൺകുട്ടിയും ചേർന്ന് ഒരു വലിയ പെരുമ്പാമ്പിനെ രക്ഷിക്കുന്ന വീഡിയോയാണ് ഇപ്പോൾ സമൂഹമാധ്യമങ്ങളിൽ വൈറലായിരിക്കുന്നത്. വീഡിയോയിൽ, ഒരു വലിയ പെരുമ്പാമ്പിനെ വൃദ്ധനും ആൺകുട്ടിയും ചേർന്ന് വഴിയരികിൽ നിന്ന് രക്ഷിക്കുന്നത് കാണാം. 

കർണാടകയിലെ ഓർത്തോപീഡിക് സർജൻ ദുർഗാപ്രസാദ് ഹെഗ്‌ഡെ ആണ് എക്സിൽ വീഡിയോ പങ്കുവച്ചത്. “സാലിഗ്രാമ കുന്ദപുരയിലെ പേടിപ്പെടുത്തുന്ന പ്രവ‍ൃത്തി. ഈ കുട്ടിയുടേത് ഒരു വീരോചിതമായ പ്രവൃത്തിയാണ്, പക്ഷേ അത് വളരെ അപകടകരമാണ്“ അദ്ദേഹം ട്വിറ്ററിൽ കുറിച്ചു.

ദൃശ്യങ്ങളിൽ, ഒരു വൃദ്ധൻ ഭീമാകാരമായ പെരുമ്പാമ്പിനെ അതിന്റെ വാലിൽ പിടിച്ച് ഒരു കുറ്റിക്കാട്ടിൽ നിന്ന് നീക്കം ചെയ്യാൻ ശ്രമിക്കുന്നത് കാണാം. ഇതിനിടെ ഒരു ചെറിയ ആൺകുട്ടി കടന്നുവരികയും അപകടകരമായ ശ്രമത്തിൽ പങ്കുചേരുകയും ചെയ്യുന്നു. കുട്ടി പാമ്പിന്റെ കഴുത്തിൽ പിടിക്കാൻ ശ്രമിക്കുന്നു. വലിയ പെരുമ്പാമ്പിനെ തല ഭാ​ഗത്ത് പിടിച്ച് ചാക്കിൽ കയറ്റാൻ ആൺകുട്ടി വൃദ്ധനെ സഹായിക്കുന്നതും ദൃശ്യങ്ങളിൽ കാണാം.

ഒരുമിച്ച്, അവർ പെരുമ്പാമ്പിനെ കുറ്റിക്കാട്ടിൽ നിന്ന് വലിച്ചിഴച്ച് ഒരു ചാക്കിനുള്ളിൽ കയറ്റുകയും അതിന്റെ സ്വാഭാവിക ആവാസ വ്യവസ്ഥയിലേക്ക് തിരികെ വിടുകയും ചെയ്യുന്നു. നവംബർ 22ന് പങ്കിട്ട വീഡിയോ 1.5 ലക്ഷത്തിലധികം കാഴ്ചക്കാരെ നേടി. 1,200-ലധികം ലൈക്കുകളും നിരവധി റീട്വീറ്റുകളും ലഭിച്ചു. നിരവധി വ്യക്തികൾ ഇത് വളരെ ആശ്ചര്യകരവും അപകടകരവുമാണെന്ന് അഭിപ്രായപ്പെട്ടു.