Viral video: കല്ല്യാണദിവസം വധുവിനെ ഞെട്ടിച്ച് വരനും അമ്മായിഅമ്മയും
വധുവിന് വേണ്ടി വരൻ തന്റെ അമ്മയ്ക്കൊപ്പം നൃത്തം ചെയ്യുന്നതിന്റെ ദൃശ്യമാണ് ഇപ്പോൾ സോഷ്യൽ മീഡിയയിൽ വൈറലായിരിക്കുന്നത്.
ന്യൂഡൽഹി: വിവാഹ ചടങ്ങുകളിലെ ആഘോഷങ്ങൾ പലപ്പോഴും സമൂഹമാധ്യമങ്ങളിൽ വൈറലാകാറുണ്ട്. വിവാഹ ചടങ്ങുകൾക്കിടയിലെ നൃത്ത പരിപാടികൾ എപ്പോഴും രസകരമായ അനുഭവവുമാണ്. വധുവിന് വേണ്ടി വരൻ തന്റെ അമ്മയ്ക്കൊപ്പം നൃത്തം ചെയ്യുന്നതിന്റെ ദൃശ്യമാണ് ഇപ്പോൾ സോഷ്യൽ മീഡിയയിൽ വൈറലായിരിക്കുന്നത്.
‘ദിൽ ചാഹ്താ ഹേ’ എന്ന സിനിമയിലെ ‘വോ ലഡ്‌കി ഹേ കഹാൻ’ എന്ന പാട്ടിനൊപ്പമാണ് വരനും അമ്മയും ചുവട് വച്ചത്. വളരെ മനോഹരമായാണ് വരനും അമ്മയും വേദിയിൽ നൃത്തം ചെയ്തത്. വധുവിന്റെ ആവശ്യപ്രകാരമാണ് അമ്മയും മകനും നൃത്തം ചെയ്തത്.
വരനൊപ്പം അമ്മയും നൃത്തം ചെയ്യുന്നത് കാണാൻ താൻ ആഗ്രഹിക്കുന്നുവെന്ന് വധു പറഞ്ഞത് അനുസരിച്ചാണ് അവർ നൃത്തം ചെയ്യാൻ ഒരുങ്ങിയത്. കോവിഡ് മാനദണ്ഡങ്ങൾ പാലിച്ച് ചടങ്ങുകൾ നടത്തുന്നതിനാൽ ഓപ്പൺ ഫ്ലോറാണ് തെര‍ഞ്ഞെടുത്തതെന്ന് ഇൻസ്റ്റഗ്രാമിൽ വീഡിയോയ്ക്കൊപ്പം പങ്കുവച്ച കുറിപ്പിൽ വ്യക്തമാക്കുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...