Thamarassery Accident: താമരശ്ശേരി ചുരത്തിൽ അപകടം: പിക്കപ്പ് വാൻ 20 മീറ്റർ താഴ്ചയിലേക്ക് മറിഞ്ഞു; രണ്ട് പേർക്ക് പരിക്ക്

താമരശ്ശേരി: താമരശ്ശേരി ചുരത്തിൽ പിക്കപ്പ് വാൻ മറിഞ്ഞ് അപകടം.  അപകടത്തിൽ പെട്ടത് കർണാടകയിൽ നിന്നും വാഴക്കുലയുമായി എത്തിയ ലോറിയാണ്.  അപകടം ഇന്ന് പുലർച്ചെ ഒന്നര മണിയോടെയായിരുന്നു. 

നിയന്ത്രണം വിട്ട പിക്കപ്പ് വാൻ നാലാം വളവിൽ നിന്നും രണ്ടാം വളവിലേക്ക് പതിക്കുകയായിരുന്നു എന്നാണ് റിപ്പോർട്ട്.  അപകടത്തിൽ പരിക്കേറ്റ രണ്ടുപേരെ കോഴിക്കോട് മെഡിക്കൽ കോളേജിലേക്ക് മാറ്റിയിട്ടുണ്ട്.  ഇവർ കർണാടക സ്വദേശികളാണ്.  

ഉത്സവത്തിനിടെ കത്തിക്കുത്തിൽ ഒരാൾ മരിച്ച സംഭവത്തിൽ ആറുപേർ അറസ്റ്റിൽ

ഉത്സവത്തിനിടയിൽ നടന്ന കത്തിക്കുത്തിനെ തുടർന്ന് യുവാവ് മരിച്ച സംഭവത്തിൽ 6 പേർ പിടിയിൽ. ജാമ്യത്തിലിറങ്ങിയ വധക്കേസിലെ പ്രതിയായ മെജോ അടക്കം ആറുപേരെയാണ് ഇരിങ്ങാലക്കുട പോലീസ് പിടികൂടിയത്. 

കേസിൽ കരുവന്നൂര്‍ ചെറിയപാലം പുക്കോട്ടില്‍ വീട്ടില്‍ അപ്പുവെന്നുവിളിക്കുന്ന അതുല്‍ കൃഷ്ണ, അക്ഷയ്, ഫാസില്‍, ജിഷ്ണു എന്നിവരെയാണ് ഇരിങ്ങാലക്കുട ഡിവൈഎസ്പി കുഞ്ഞുമോയ്തീന്‍ കുട്ടിയുടെ നേതൃത്വത്തിലുള്ള സംഘം പിടികൂടിയത്.  കേസിനാസ്പദമായ സംഭവം നടന്നത് ബുധനാഴ്ച രാത്രി ഏഴുമണിയോടെയായിരുന്നു.

മൂർക്കനാട് ശിവ ക്ഷേത്രത്തിലെ ഉത്സവത്തോടനുബന്ധിച്ച് നടന്ന വെടിക്കെട്ടിനു പിന്നാലെയായിരുന്നു കൊലപാതകം നടന്നത്.  രണ്ടു സംഘങ്ങൾ തമ്മിലുണ്ടായ സംഘർഷമാണ് കൊലപാതകത്തിലേക്ക് നയിച്ചത്. സംഭവത്തിൽ അരിമ്പൂർ സ്വദേശി അക്ഷയ് ആണ് കൊല്ലപ്പെട്ടത്. അക്ഷയ്യുടെ നെഞ്ചിലായിരുന്നു കുത്തേറ്റത്.  സംഭവത്തിൽ അഞ്ചോളം പേർക്ക് കുത്തേറ്റിരുന്നു. ഇതിൽ ഒരാളുടെ നില ഗുരുതമാണെന്നാണ് റിപ്പോർട്ട്.