AK Shanib: `സത്യം വിളിച്ചു പറഞ്ഞതിന്‍റെ പേരിലാണ് പാര്‍ട്ടിയില്‍ നിന്ന് പുറത്താക്കപ്പെട്ടത്`; ഇടത് യുവജന കൺവൻഷനിൽ പങ്കെടുത്ത് എകെ ഷാനിബ്

പാലക്കാട് : ഇടത് യുവജന കൺവൻഷനിൽ പങ്കെടുത്ത് പാലക്കാട്ടെ പുറത്താക്കപ്പെട്ട കോൺഗ്രസ് നേതാവ് എ.കെ ഷാനിബ്. തെരഞ്ഞെടുപ്പ് പ്രവർത്തനങ്ങളുടെ ഭാഗമായി ചേർന്ന യുവജന കൺവെൻഷനിലാണ് ഷാനിബ് പങ്കെടുത്തത്.

വരിക വരിക സഹജരേ സഹന സമരമായി ദേശഭക്തി ഗാനം ആലപിച്ച് പ്രസംഗിച്ച് തുടങ്ങിയ ഷാനിബ് കോൺഗ്രസ്ക്കാരനായാണ് കൺവെൻഷനിൽ പങ്കെടുക്കുന്നത് എന്ന് പറഞ്ഞു. സത്യം വിളിച്ചു പറഞ്ഞതിന്‍റെ പേരിലാണ് പാര്‍ട്ടിയില്‍ നിന്ന് പുറത്താക്കപ്പെട്ടതെന്നും വ്യക്തി താല്‍പര്യം, സാമ്പത്തിക താല്‍പര്യം എന്നിവ മുൻനിര്‍ത്തി വി.ഡി.സതീശനും ഷാഫിയും നടത്തുന്ന കോൺഗ്രസിനെതിരെയാണ് സംസാരിച്ചത് എന്നും ഷാനിബ് പറഞ്ഞു.

തെരഞ്ഞെടുപ്പ് ജയിക്കാനുള്ള സാഹചര്യം പ്രകൃതി ഒരുക്കി തന്നിട്ടുണ്ട്. നമ്മളത് ചേര്‍ത്ത് നിര്‍ത്തിയാല്‍ മതി. ബി.ജെ.പിയെ വിജയിപ്പിക്കാൻ സതീശൻ ധാരണയുണ്ടായിട്ടുണ്ടാവും. എന്നാൽ സ്ഥാനാര്‍ത്ഥി പ്രഖ്യാപനത്തിന് പിന്നാലെ ബി.ജെ.പിയില്‍ നിന്ന് വലിയ അടിയൊഴുക്കുണ്ടെന്നും ഷാനിബ് കൂട്ടിച്ചേർത്തു

ഡിവൈഎഫ്ഐ അഖിലേന്ത്യാ പ്രസിഡൻറ്  എ എ റഹീം ഷാനിബിനെ സ്വീകരിച്ചു. പാലക്കാട്ടെ യുവജനങ്ങൾ പി സരിനെ ഏറ്റെടുത്ത് കഴിഞ്ഞെന്ന്  എ എ റഹീം പറഞ്ഞു.