Road Accident: ആംബുലൻസും കാറും കൂടിയിടിച്ച് രോഗി മരിച്ചു

ആലപ്പുഴ: ദേശീയപാതയില്‍ ചേര്‍ത്തല എസ്.എന്‍. കോളജിനു മുന്നില്‍ ആംബുലന്‍സും കാറും കൂട്ടിയിടിച്ച് ഒരാൾ മരിച്ചു. മരിച്ചത് ആശുപത്രിയിലേക്ക് കൊണ്ടുപോയ രോഗിയാണ്. 

അപകടത്തിൽ മൂന്നു പേര്‍ക്ക് പരിക്കേറ്റിട്ടുണ്ട്.  കഞ്ഞിക്കുഴി പഞ്ചായത്ത് എട്ടാം വാര്‍ഡ് പോളക്കാടന്‍ കവല ഉള്ളാടന്‍ പറമ്പില്‍ ഉദയനാണ് മരിച്ചത്. ഇടിയുടെ ആഘാതത്തില്‍ മറിഞ്ഞ ആംബുലന്‍സ് പത്ത് മീറ്ററോളം റോഡില്‍ തെന്നി നീങ്ങുകയും ശേഷം സമീപത്തെ ഓട്ടോ സ്റ്റാന്റില്‍ നിര്‍ത്തിയിട്ടിരുന്ന ഓട്ടോറിക്ഷയില്‍ ഇടിച്ചാണ് നിന്നത്.

നിർത്തിയിട്ടിരുന്ന ട്രക്കിൽ കാർ ഇടിച്ചു; ഒരു കുടുംബത്തിലെ 6 പേർക്ക് ദാരുണാന്ത്യം

പട്നക്ക് സമീപം എസ്‍യുവി ട്രക്കിലിടിച്ച് ഒരു കുടുംബത്തിലെ 6 പേർ കൊല്ലപ്പെട്ടു. അപകടത്തിൽ 5 പേർക്ക് പരിക്കേറ്റു. ചൊവ്വാഴ്ച പുലർച്ചെ ബക്തിയാർപൂർ-നളന്ദ ദേശീയപാതയിലാണ് അപകടമുണ്ടായത്. റോഡരികിൽ നിർത്തിയിട്ടിരുന്ന ട്രക്കിലേക്ക് കാർ ഇടിച്ചുകയറുകയായിരുന്നു. 

നാല് പേർ സംഭവസ്ഥലത്ത് വച്ച് തന്നെ മരിച്ചു. ചികിത്സയ്ക്കിടെയാണ് മറ്റ് രണ്ട് പേർ മരണത്തിന് കീഴടങ്ങിയത്. നവാഡ ജില്ലയിൽ നിന്ന് പട്‌നയിലെ ബർഹുമാനാഥ് ക്ഷേത്രത്തിലേക്ക് പോയ കുടുംബമാണ് അപകടത്തിൽപ്പെട്ടത്. മരിച്ചവരിൽ അഞ്ച് വയസ്സുകാരിയും ഉൾപ്പെടുന്നു. അപകടത്തിൽ മുഖ്യമന്ത്രി നിതീഷ് കുമാർ അനുശോചനം രേഖപ്പെടുത്തി.