വീട്ടുമുറ്റത്ത് നിർത്തിയിരുന്ന ജീപ്പും സ്കൂട്ടറും കടത്തികൊണ്ടുപോകാൻ ശ്രമം

പത്തനാപുരം: കുണ്ടയത്ത് വീട്ടുമുറ്റത്ത് ഉണ്ടായിരുന്ന ജീപ്പും സ്കൂട്ടറും കടത്തികൊണ്ടുപോകാൻ ശ്രമം. ജീപ്പ് കൊണ്ടുപോകുന്നതിനിടെ റോഡ് വശത്ത് ഉണ്ടായിരുന്ന പിക് അപ് വാനിൽ ഇടിച്ച് അപകടം വരുത്തി. കുണ്ടയം കുന്നു വിള പടിഞ്ഞാറ്റേതിൽ ഷാനവാസ് ഖാന്റെ വീട്ട് മുറ്റത്ത് കിടന്ന ജീപ്പും ഇരുചക്ര വാഹനവുമാണ് കടത്തി കൊണ്ട് പോകാൻ ശ്രമം നടത്തിയത്. 2 വാഹനവും ഉപേക്ഷിച്ച നിലയിൽ കണ്ടെത്തി.

ജീപ്പ് റോഡ് വശത്ത് കിടന്ന പിക്ക് അപ് വാനിൽ ഇടിച്ച് അപകടം വരുത്തി. കുണ്ടയം മിഷൽ മൻസിൽ റഷീദ് ഖാന്റെ പിക് അപ് വാനിലാണ് ജീപ്പ് ഇടിച്ച് അപകടം ഉണ്ടായത്. കഴിഞ്ഞ വെളുപ്പിനെ 2 മണിയോടെയാണ് സംഭവം. താക്കോൽ ഇല്ലാതെയാണ് വാഹനങ്ങൾ കൊണ്ടു പോയത്.ജീപ്പ് വീടിന് സമീപത്തായി കടത്തികൊണ്ട് പോകുന്നതിനിടെ നിയന്ത്രണം വിട്ട് ഇടിക്കുകയായിരുന്നു. 

ഇരു ചക്ര വാഹനം കുണ്ടയം ഗവ: ആയൂർവേദ ആശുപത്രിക്ക് സമീപം റോഡിൽ ഉപേക്ഷിച്ച നിലയിലായിരുന്നു. സംഭവത്തിന് പിന്നിൽ മോഷണമാണോ സാമൂഹ്യ വിരുദ്ധ പ്രവൃത്തിയാണോ എന്ന് സംശയിക്കുന്നു. പത്തനാപുരം പൊലീസ് സമീപത്തെ സിസി ടീവി ദൃശ്യങ്ങളടക്കം പരിശോധിച്ച് വരികയാണ്.