ജോസഫൈൻ വനിതാ കമ്മീഷനോ അതോ പാർട്ടി കമ്മീഷനോ: ബി ഗോപാലകൃഷ്ണൻ

തിരുവനന്തപുരം: ജോസഫൈൻ വനിതാ കമ്മീഷനോ അതോ പാർട്ടി കമ്മീഷനോയെന്ന് വ്യക്തമാക്കണമെന്ന് ബിജെപി വക്താവ് ബി ഗോപാലകൃഷ്ണൻ.  പീഡനക്കേസിൽ പ്രതി സിപിഎമ്മുകാരനായൽ കോടതിയും പൊലീസും പാർട്ടിയാണെന്ന് പ്രഖ്യാപിച്ച എംസി ജോസഫൈന് വനിതാ കമ്മീഷനാകാൻ യോഗ്യതയില്ലെന്നും അദ്ദേഹം പറഞ്ഞു.   

കൂടാതെ നിയമപരമായി കിട്ടിയ പദവിയിലിരുന്ന് കമ്യൂണിസ്റ്റ് പാർട്ടിയുടെ തനി സ്വഭാവമാണ് ജസഫൈൻ കാണിക്കുന്നതെനന്നും ഗോപാല കൃഷ്ണൻ പറഞ്ഞു.  ഈ വിഷയത്തിൽ മുഖ്യമന്ത്രി നിലപാട് വ്യക്തമാക്കണമെന്നും അദ്ദേഹം ആവശ്യപ്പെട്ടിട്ടുണ്ട്. 

ഭരണഘടനയും നിയമവും സംരക്ഷിക്കാൻ പ്രതിജ്ഞാബദ്ധനായ ഗവർണർ ജോസഫൈനെ ഈ സ്ഥാനത്ത് നിന്നും പുറത്താക്കണമെന്നും അദ്ദേഹം ആവശ്യപ്പെട്ടിട്ടുണ്ട്.