Welfare Pension: ക്ഷേമ പെൻഷൻ വിതരണം 27 മുതൽ; ​ഗുണഭോക്താക്കൾക്ക് ലഭിക്കുക ഇത്ര

തിരുവനന്തപുരം: സാമൂഹ്യസുരക്ഷ, ക്ഷേമ നിധി പെൻഷൻ ഒരു ഗഡു വിതരണം 27ന് ആരംഭിക്കുമെന്ന് ധനമന്ത്രി കെഎൻ ബാലഗോപാൽ അറിയിച്ചു. ഗുണഭോക്താക്കൾക്ക്‌ 1600 രൂപ വീതമാണ്‌ ലഭിക്കുക. ഇതിനായി 900 കോടി അനുവദിച്ചതായും മന്ത്രി അറിയിച്ചു.

ബാങ്ക്‌ അക്കൗണ്ട്‌ നമ്പർ നൽകിയിട്ടുള്ളവർക്ക്‌ അക്കൗണ്ട്‌ വഴിയും മറ്റുള്ളവർക്ക്‌ സഹകരണ സംഘങ്ങൾ വഴി നേരിട്ടു വീട്ടിൽ എത്തിച്ചും പെൻഷൻ ലഭ്യമാക്കും. അതാത്‌ മാസം പെൻഷൻ വിതരണത്തിന്‌ നടപടി സ്വീകരിക്കുമെന്ന്‌ ഈ വർഷത്തെ ബജറ്റിൽ പ്രഖ്യാപിച്ചിരുന്നുവെന്നും ഇതനുസരിച്ച്‌ മാർച്ച്‌, ഏപ്രിൽ, മെയ്‌ മാസങ്ങളിലും പെൻഷൻ നൽകിയിരുന്നുവെന്നും മന്ത്രി വ്യക്തമാക്കി.

ക്ഷേമപെന്‍ഷന്‍ ചൊവ്വാഴ്ച മുതല്‍ രണ്ടു ഗഡു വിതരണം ചെയ്യും

തിരുവനന്തപുരം: സാമൂഹ്യ സുരക്ഷാ ക്ഷേമനിധി പെൻഷൻ ചൊവ്വാഴ്ച മുതൽ രണ്ടു ​ഗഡു കൂടി വിതരണം ചെയ്യുമെന്ന് ധനമന്ത്രി അറിയിച്ചു. 3200 രൂപ വീതമാണ് ​ഗുണഭോക്താക്കൾക്ക് ലഭിക്കുക. കഴിഞ്ഞമാസം ഒരു ഗഡു ലഭിച്ചിരുന്നു. 62 ലക്ഷം ക്ഷേമ പെൻഷൻ ഗുണഭോക്താക്കളിൽ, മസ്റ്ററിൽ നടത്തിയ മുഴുവൻ പേർക്കും ക്ഷേമ പെൻഷൻ ലഭിക്കും. 6.88 ലക്ഷം പേരുടെ കേന്ദ്രസർക്കാർ വിഹിതവും അനുവദിച്ചിട്ടുണ്ട്.

ബാങ്ക് അക്കൗണ്ട് നമ്പർ നൽകിയ അർഹരായ വ്യക്തികൾക്ക് ബാങ്ക് അക്കൗണ്ട് വഴിയും മറ്റുള്ളവർക്ക് സഹകരണ സംഘങ്ങൾ വഴി നേരിട്ട്  വീട്ടിൽ എത്തിച്ചും പെൻഷൻ നൽകും. ക്ഷേമ പെൻഷൻ വൈകുന്നതുമായി സംബന്ധിച്ച് വ്യാപകമായ വിമർശനങ്ങൾ ഉയരുന്ന പശ്ചാത്തലത്തിലാണ് സർക്കാർ അടിയന്തര നടപടി സ്വീകരിച്ചിരിക്കുന്നത്.