Air India: എയർ ഇന്ത്യയുടെ ദുബായ് തിരുവനന്തപുരം എക്സ്പ്രസ്സ് വിമാനം മണിക്കൂറുകൾ വൈകുന്നു; യാത്രക്കാർ ദുരിതത്തിൽ
Dubai-thiruvananthapuram air india express flight delays: 60-ഓളം യാത്രക്കാര്‍ ശനിയാഴ്ച വൈകുന്നേരം ആറ് മണിമുതല്‍ പലയിടങ്ങളിലായി അനിശ്ചിതമായി കഴിയുകയാണ്.
ദുബായ്: ദുബായില്‍നിന്ന് തിരുവനന്തപുരത്തേയ്ക്കുള്ള എയര്‍ ഇന്ത്യ എക്സ്പ്രസ്സ് വിമാനം മണിക്കൂറുകളോളം വൈകുന്നത് യാത്രക്കാരെ ദുരിതത്തിൽ ആക്കുന്നു. ഐ.എക്‌സ് 544 എന്ന വിമാനമാണ് വൈകുന്നത്.യു.എ.ഇ. സമയം 8.45-ന് ശനിയാഴ്ച രാത്രി പുറപ്പെടേണ്ട വിമാനം ഇതുവരെ പുറപ്പെട്ടിട്ടില്ല. സ്ത്രീകളും കുട്ടികളും അടക്കം നിരവധി പേരാണ് ഇതോടെ ബുദ്ധിമുട്ടിയത്.
ഇന്ത്യന്‍ സമയം പുലര്‍ച്ചെ 2.45-ന് വിമാനം തിരുവനന്തപുരത്ത് എത്തേണ്ടതായിരുന്നു. 160-ഓളം യാത്രക്കാര്‍ ശനിയാഴ്ച വൈകുന്നേരം ആറ് മണിമുതല്‍ പലയിടങ്ങളിലായി അനിശ്ചിതമായി കഴിയുകയാണ്. വിമാനം എപ്പോള്‍ പുറപ്പെടുമെന്ന് എയര്‍ ഇന്ത്യ അധികൃതര്‍ കൃത്യമായ വിവരം നല്‍കുന്നില്ലെന്ന് യാത്രക്കാര്‍ മാധ്യമങ്ങളോട് പ്രതികരിച്ചു.
ഈ യാത്രക്കാരില്‍ അന്‍പതോളം സ്ത്രീകളും ഇരുപതോളം കുട്ടികളും ഉൾപ്പെടുന്നു. രണ്ട് ഹോട്ടലുകളിലായാണ് യാത്രക്കാരെ താമസിപ്പിച്ചിരിക്കുന്നത്. മരണാനന്തര ചടങ്ങില്‍ പങ്കെടുക്കേണ്ടയാളും ഞായറാഴ്ച വിവാഹ നിശ്ചയം നടക്കേണ്ട യുവാവും പിതാവിന്റെ യാത്രക്കാരുടെ കൂട്ടത്തിലുണ്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...