പരിസ്ഥിതി ലോല മേഖല പ്രശ്നം: ഇടുക്കിയിൽ പ്രതിഷേധം ശക്തമാകുന്നു
ബഫര്‍ സോണ്‍ വിഷയത്തില്‍ ഇടത്പക്ഷമടക്കം ഇടുക്കിയില്‍ ശക്തമായ സമരത്തിലേയ്ക്ക് നീങ്ങുമ്പോള്‍ കര്‍ഷകര്‍ക്കൊപ്പം ചേര്‍ന്ന് നില്‍ക്കുന്ന സ്വതന്ത്ര സംഘടനകളും ജനകീയ പ്രക്ഷോഭത്തിലേയ്ക്കാണ് നീങ്ങുന്നത്. കഴിഞ്ഞ കാലങ്ങളില്‍ ഗുരുതരമായ അനാസ്ഥ ബഫര്‍ സോണ്‍ വിഷയത്തില്‍ സര്‍ക്കാരിനുണ്ടായിട്ടുണ്ടെന്ന വിമര്‍ശനം ഉന്നയിച്ചാണ് അതിജീവനപോരാട്ടവേദി പ്രതിഷേധത്തിന് തയ്യാറെടുക്കുന്നത്.
ഇടുക്കി: ബഫര്‍ സോണ്‍ വിഷയത്തില്‍ ഇടുക്കിയില്‍ പ്രതിഷേധം ശക്തമാകുന്നു. സര്‍ക്കാരിന്‍റെ ഭാഗത്ത് നിന്ന് കുറ്റകരമായ അനാസ്ഥ ഉണ്ടായിട്ടുണ്ടെന്ന് കുറ്റപ്പെടുത്തി അതിജീവന പോരാട്ടവേദി രംഗത്തെത്തി. മുഖ്യമന്ത്രിയുടേയും വനം മന്ത്രിയുടേയും വാക്കുകളില്‍ തൃപ്തരല്ലെന്നും കര്‍ഷക സംഘടനകളുമായി കൂടിയാലോചിച്ച് ജനകീയ പ്രതിഷേധത്തിലേയ്ക്ക് നീങ്ങുമെന്ന് ഹൈറേഞ്ച് സംരക്ഷണ സമിതിയും വ്യക്തമാക്കി.
ബഫര്‍ സോണ്‍ വിഷയത്തില്‍ ഇടത്പക്ഷമടക്കം ഇടുക്കിയില്‍ ശക്തമായ സമരത്തിലേയ്ക്ക് നീങ്ങുമ്പോള്‍ കര്‍ഷകര്‍ക്കൊപ്പം ചേര്‍ന്ന് നില്‍ക്കുന്ന സ്വതന്ത്ര സംഘടനകളും ജനകീയ പ്രക്ഷോഭത്തിലേയ്ക്കാണ് നീങ്ങുന്നത്. കഴിഞ്ഞ കാലങ്ങളില്‍ ഗുരുതരമായ അനാസ്ഥ ബഫര്‍ സോണ്‍ വിഷയത്തില്‍ സര്‍ക്കാരിനുണ്ടായിട്ടുണ്ടെന്ന വിമര്‍ശനം ഉന്നയിച്ചാണ് അതിജീവനപോരാട്ടവേദി പ്രതിഷേധത്തിന് തയ്യാറെടുക്കുന്നത്.
അതേ സമയം മുഖ്യമന്ത്രിയുടേയും വനംമന്ത്രിയുടേയും വാക്കുകളില്‍ തൃപ്തരല്ലെന്ന് ഹൈറേഞ്ച് സംരക്ഷണ സമതി വ്യക്തമാക്കി. കര്‍ഷക സംഘടനകളുമായി കൂടിയാലോചന നടത്തി ജനകീയ പ്രതിഷേധത്തിലേയ്ക്ക് നീങ്ങാനാണ് സമിതിയുടെ തീരുമാനം.
വിവിധ സംഘടനകള്‍ സര്‍ക്കാരിനെതിരേ പ്രതിഷേധ സ്വരം ഉയര്‍ത്തിയ സാഹചര്യത്തില്‍ ആണ് പ്രത്യക്ഷ സമരവുമായി എല്‍ ഡി എഫ് രംഗത്തെത്തിയത്. വിഷയത്തില്‍ കര്‍ഷകരെ സംഘടിപ്പിച്ച് ജനകീയ പ്രതിഷേധത്തിന് യു ഡി എഫും തയ്യാറെടുക്കുന്നുണ്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...