പോലീസ് ജീപ്പിൻറെ ചില്ലടിച്ച് തകർത്ത് എസ്എഫ്ഐക്കാർ ; കസ്റ്റഡിയിൽ നിന്നിറക്കിയത് ഏരിയ സെക്രട്ടറി ബലം പ്രയോഗിച്ച്

തൃശ്ശൂർ: ചാലക്കുടിയിൽ ഐടിഐ തിരഞ്ഞെടുപ്പിൽ നേടിയ വിജയം ആഘോഷിക്കുന്നതിനിടെ പൊലീസ് ജീപ്പിന്റെ ചില്ല് അടിച്ചുതകർത്ത് എസ്എഫ്ഐ, ഡിവൈഎഫ്ഐ പ്രവർത്തകർ. ആക്രമണത്തിനു നേതൃത്വം നൽകിയ ഡിവൈഎഫ്ഐ നേതാവിനെ പ്രവർത്തകരുടെ എതിർപ്പിനിടെ ബലം പ്രയോഗിച്ച് പൊലീസ് കസ്റ്റഡിയിലെടുത്തെങ്കിലും, സിപിഎം ചാലക്കുടി ഏരിയ സെക്രട്ടറിയുടെ നേതൃത്വത്തിൽ ഇറക്കിക്കൊണ്ടു പോയി.

ഡിവൈഎഫ്ഐ ജില്ലാ കമ്മിറ്റിയംഗം നിധിനെയാണ് പാർട്ടിക്കാർ മോചിപ്പിച്ചത്. ഇതേത്തുടർന്ന് പൊലീസും സിപിഎം പ്രവർത്തകരും തമ്മിൽ സംഘർഷമുണ്ടായി. "ചാലക്കുടി ഐടിഐ തിരഞ്ഞെടുപ്പിൽ എസ്എഫ്ഐ വിജയം നേടിയിരുന്നു. ഇതിനു പിന്നാലെ നടന്ന ആഹ്ലാദ പ്രകടനത്തിനിടെയാണ് പ്രവർത്തകർ പൊലീസ് ജീപ്പിന്റെ ചില്ല് അടിച്ചുതകർത്തത്.