Nedumangad Fire Accident: നെടുമങ്ങാട് തേക്കടയിൽ തീപിടുത്തം; 40 ലക്ഷം രൂപയുടെ നാശനഷ്ടം

തിരുവനന്തപുരം: നെടുമങ്ങാട് തേക്കടയിൽ തീപിടുത്തം. തേക്കട ജംഗ്ഷനിലെ നുജുമിൻ്റെ ഉടമസ്ഥതയിലുള്ള എൻ എസ് ഹാർഡ് വെയർ കടയിലാണ് തീ പിടുത്തമുണ്ടായത്. 

ഇന്നലെ രാത്രി പതിനൊന്ന് മണിക്കാണ് തീ പിടിത്തമുണ്ടായത്. നെടുമങ്ങാട്, വെഞ്ഞാറമൂട്, വിതുര, ചെങ്കൽ ചൂള എന്നീ നിലയങ്ങളിൽ നിന്നും പത്തോളം ഫയർ എഞ്ചിനുകൾ എത്തി മണിക്കൂറുകൾ കൊണ്ടാണ് തീ കെടുത്തിയത്. തീപിടുത്തത്തിൽ 40 ലക്ഷം രൂപയുടെ നാശനഷ്ടം സംഭവിച്ചതായി കടയുടമ പറഞ്ഞു.

ഇതിനിടയിൽ കാട്ടാക്കട പൂജാസാധനം ലഭിക്കുന്ന കടയിലുണ്ടായ തീപിടിത്തത്തില്‍ വൻ നാശനഷ്ടം. കാട്ടാക്കട ജംഗ്ഷന് സമീപം ബിഎസ്എൻഎൽ റോഡിലെ പൂജ സാധനങ്ങൾ വിൽക്കുന്ന കടയുടെ ഗോഡൗണാണ് കത്തി നശിച്ചത്.  

ഇന്ന് പുലര്‍ച്ചെയോടെയാണ് തീപിടിത്തമുണ്ടായത്. തീപിടുത്തത്തിൽ പൂക്കടയും സമീപത്തെ കടയും കത്തിയിട്ടുണ്ട്. ആദ്യം നാല് യൂണിറ്റ് ഫയര്‍ഫോഴ്സ് എത്തിയാണ് രക്ഷാപ്രവര്‍ത്തനം നടത്തിയത്. പിന്നീട് മൂന്ന് യൂണിറ്റ് ഫയര്‍ഫോഴ്സ് കൂടെ എത്തിയാണ് തീ നിയന്ത്രണ വിധേയമാക്കിയത്. തീ പിടുത്തത്തിൽ ആളപായമൂന്നും റിപ്പോർട്ട് ചെയ്തിട്ടില്ല.  പൂജാ സാധനങ്ങളുടെ ഹോൾസെയിൽ കടയിലായിരുന്നു തീപിടുത്തം ഉണ്ടായത്. രണ്ട് കോടിയുടെ നഷ്ടമുണ്ടെന്നാണ് പ്രാഥമിക നിഗമനം.