Thumba Boat Drown: തുമ്പയിൽ വള്ളം മറിഞ്ഞ് മത്സ്യതൊഴിലാളിയെ കാണാതായി, നാല് പേർ നീന്തി രക്ഷപ്പെട്ടു
മത്സ്യബന്ധനത്തിന് പുറപ്പെട്ടപ്പോൾ ആയിരുന്നു അപകടം.വളത്തിലുണ്ടായിരുന്ന അഞ്ചു പേരിൽ നാലു പേർ നീന്തി രക്ഷപ്പെട്ടു
തിരുവനന്തപുരം: തുമ്പയിൽ വള്ളം മറിഞ്ഞ് മത്സ്യതൊഴിലാളിയെ കാണാതായി.തുമ്പ സ്വദേശി ഫ്രാൻസിസ് അൽഫോൺസ് (65)നെയാണ് കാണാതായത്. വള്ളത്തിലുണ്ടായിരുന്ന ജെലാസ്‌റ്റ്യൻ, മാത്യൂസ്, രാജു, ജോർജ്ജ് കുട്ടി എന്നിവർ നീന്തി രക്ഷപ്പെട്ടു.രാവിലെ 10 മണിയോടെയായിരുന്നു സംഭവം.
മത്സ്യബന്ധനത്തിന് പുറപ്പെട്ടപ്പോൾ ആയിരുന്നു അപകടം.വളത്തിലുണ്ടായിരുന്ന അഞ്ചു പേരിൽ നാലു പേർ നീന്തി രക്ഷപ്പെട്ടു.ശക്തമായ ഒഴുക്കിൽപ്പെട്ടാണ് ഫ്രാൻസിസിനെ കാണാതായത്.തീരദേശ പോലീസിനും കോസ്റ്റു ഗാർഡിനെയും വിവരമറിയിച്ചിട്ടുണ്ട്. വിഴിഞ്ഞം കോസ്റ്റു ഗാർഡ് സ്ഥലത്തേക്ക് തിരിച്ചിട്ടുണ്ട്.
ALSO READ: Crime News: തൃശൂരിൽ വൃദ്ധ ദമ്പതികളെ വെട്ടിക്കൊന്നു; ചെറുമകൻ പിടിയിൽ
അഞ്ചുതെങ്ങ് തീരദേശ പോലീസും,കഴക്കൂട്ടം പോലീസും സ്ഥലത്തെത്തി. അടിയൊഴുക്ക് ശക്തമായതിനാൽ രക്ഷാപ്രവർത്തനം ദുഷ്കരമാണ്. പ്രദേശത്ത് മത്സ്യതൊഴിലാളികളും തെരച്ചിൽ നടത്തുന്നുണ്ട്. കഴിഞ്ഞ ദിവസം മുതലപ്പൊഴിയിലും ബോട്ട് അപകടത്തിൽപ്പെട്ടിരുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...