Food Vlogger Rahul N Kutty: `ഈറ്റ് കൊച്ചി ഈറ്റ്` ഫുഡ് വ്‌ളോഗര്‍ രാഹുൽ മരിച്ച നിലയിൽ

കൊച്ചി: ഫുഡ് വ്‌ളോഗര്‍ രാഹുൽ എൻ കുട്ടി മരിച്ച നിലയിൽ. ഇന്നലെ രാത്രി തൃപ്പൂണിത്തുറയിലെ വസതിയിലാണ് രാഹുലിനെ മരിച്ച നിലയിൽ കണ്ടെത്തിയത്. ‘ഈറ്റ് കൊച്ചി ഈറ്റ്’ എന്ന ഫുഡ് പേജിന്റെ കണ്ടന്റ് ക്രിയേറ്റർ ആയിരുന്നു രാഹുൽ. രാഹുലിന് Rahul's Food Scenes എന്ന പേരിൽ സ്വന്തമായി ഇൻസ്റ്റാ​ഗ്രാം പേജും ഉണ്ട്. ഭക്ഷണപ്രേമികളെയും കമ്മ്യൂണിറ്റികളെയും ഒരുമിച്ച് കൊണ്ടുവരുന്ന സംരംഭമായ culinary culture ലും രാഹുൽ അം​ഗമാണ്.

ഈറ്റ് കൊച്ചി ഈറ്റിലെ വീഡിയോകളിലൂടെ ഭക്ഷണപ്രേമികൾക്ക് ഏറെ പരിചിതനായിരുന്നു രാഹുൽ. അതേസമയം രാഹുലിന്റെ മരണകാരണം വ്യക്തമല്ല. പോലീസ് അന്വേഷണമാരംഭിച്ചു. കഴിഞ്ഞ ബുധനാഴ്ച, നവംബർ 1ന് രാഹുൽ അവസാനമായി ഫുഡ് വ്ളോ​ഗ് വിഡിയോ ചെയ്തിരുന്നു. ഈറ്റ് കൊച്ചി ഈറ്റിന്റെ ‘ഓ കൊച്ചി’ എന്ന പേജിലും രാഹുൽ വീഡിയോ ചെയ്തിട്ടുണ്ട്. ഭാര്യയും രണ്ട് വയസ്സുള്ള മകനുമുണ്ട്.

ഈറ്റ് കൊച്ചി ഈറ്റിന്റെ ഔദ്യോ​ഗിക ഇൻസ്റ്റാ​ഗ്രാം പേജിൽ മരണവാർത്ത സ്ഥിരീകരിച്ചിട്ടുണ്ട്. മറ്റ് ഫുഡ് വ്ലോ​ഗർമാരും സോഷ്യൽ മീഡിയ ഉപയോക്താക്കളും അനുശോചനം അറിയിച്ചു.